Isaya 7:4 - Baibo Busansulushi Bwa Libuku Ili

⁴ Mwamucana mumwaambile ayi acenjele alimwi ekalike moyo. Ataloondi nabi kutyompwa kuyeeya bukali bwabo. Bukali bwa mwaami Lesini abantu bakwe bene Silya alimwi abwakwe Peka mwanaakwe Lemaliya bwamana ncito akubabo anga mbwiishi butoosuntookabo kushishiki shobilo.

Isaya 7:4 ပူးပေါင်းရင်းမြစ်များ

2 Baami 15:27

Mumwaaka wamakumi osanwe ayobilo wa bwaami bwakwe Asaliya mwaami wa bene Juda, Peka mwanaakwe Lemaliya wakaba mwaami wa bene Isilaeli. Wakalela muSamaliya kwamyaaka makumi obilo.

2 Makani 20:17

Teshi ndimwe mweshi mukalwane nkondo iyi, sobwe. Mwebo mukeemikanebo mumisena ya nkondo akulindila. Lyalo mulaakubona Mwaami Lesa mbweshi akamukomeneeko nkondo iyo. Nobene Juda anobene Jelusalemu, mutatonshi nabi kuloonda. Kamuyabo mukalwaane, Mwaami Lesa ulaakuba amwebo!’ ”

Isaya 10:24

Ono Mwaami Lesa, ee, Mwaami Lesa Shinkusu shoonse waamba ayi, “Nobantu bangu nomwikala muSiyoni, mutaloondi bene Asilya abo bamuumisha ankooli. Mutabaloondi nabi balamuumisha mpimfwa bweenka bwakalinga kucita bene Ijipiti.

Isaya 30:15

Mwaami Lesa Shinkusu shoonse, Lesa Usalalite wa bene Isilaeli waamba ayi, “Na mwasanduka akuboola kuli ndime, inga mwapuluka. Na mwanshooma akulangila kuli ndime, inga mwaba ankusu. Sombi mwebo mwakakaka kucita boobo.

Isaya 30:7

Ncakwiila balatolela cishi ca Ijipiti ico cicite lucafwo lutaaku mbolubete. Paceeco ceeco cishi ico ndakacitumba ayi, ‘Shinshimwe utacite meeno.’ ”

Isaya 35:4

Amulwiite baabo bacatwa boowa ayi, “Amuyume, mutaloondi. Lesa wanu ulaakwisa. Ulaakwisa mukuboosha cishole, kwisa mukulambula balwani banu. Ncakwiila ulaakwisa mukumufuna.”

Isaya 37:6

wakakumbula ayi, “Mwaambile mwaami wanu ayi Lesa waamba ayi, ‘Utaloondi ceebo ca maswi akuncobola ayo aleta beshinkombe ba mwaami wa bene Asilya.

Isaya 41:14

Mwaami Lesa Usalalite wa bene Isilaeli waamba ayi, “Mutaloondi nobamulunyungu lwakwe Jakobo nomutacite nkusu anga ncaambo. Mutaloondi nobene Isilaeli nabi muli mushobo uniini mukwiinga nebo nemwiine ndaakumucafwa Nebo neLesa usalalite wa bene Isilaeli ndime mupulusha.

Isaya 7:1

Ono Aasi mwanaakwe Jotamu, mwishikulu wakwe Usiya, ndyaakalinga mwaami wa bene Juda, Lesini mwaami wa bene Silya alimwi aPeka mwanaakwe Lemaliya, mwaami wa bene Isilaeli, bakaya mukulwana ndabala inene ya Jelusalemu. Sombi bakaalilwa kwiikoma.

Isaya 7:8

Mukwiinga cishi ca Silya taciindiwo nkusu paDamasikasi ndabala inene iindaawo ya ncico. Ayalo ndabala ya Damasikasi tayiindiwo nkusu Lesini mwaami wa njiyo. Acalo cishi ca Isilaeli na kwiindebo myaaka ili 65 teshi cikanoocili cishi.

Isaya 7:9

Cishi ca Isilaeli taciindiwo nkusu paSamaliya ndabala inene iindaawo ya ncico. Ayalo ndabala ya Samaliya tayiindiwo nkusu pamwaami Peka mwanaakwe Lemaliya. Ono na awebo ubule kuyuma mulushomo, ncakwiila teshi ukakomewo, sobwe.’ ”

Isaya 8:4

Mwaana uyu kaatana kucishiba kwaamba ayi, ‘Ma,’ nabi ayi, ‘Ta,’ buboni boonse bwa bene Damasikasi ashintu nsheshi shikasaalwe kubene Samaliya ulaakushitola mwaami wa bene Asilya.”

Isaya 8:6

“Ceebo cakwaamba ayi bene Isilaeli bakaka maanshi akalikene muKalonga ka Shilowa akusangalala mumwaami Lesini alimwi amuli Peka mwanaakwe Lemaliya,

Malilo 3:26

Ncibotu kulindilila kooumwitebo, ee, pakulangila lupulusho lwa Mwaami Lesa.

Amosi 4:11

“Ndakanyonyoola bamwi pakati kanu bweenka mbondakanyonyoola bene Sodoma abene Gomola. Mwakalingabo anga ndukuni lwayokolwa mumulilo. Sombi mwebo tamukwe kusandukilawo kuli ndime. Nebo neMwaami Lesa ndaamba.

Abakuku 2:3

Ee, waaleembe ceebo ciindi ca ngawo tacina kushikila. Nakubi boobo ciindi ca ngawo citoosa cakufwambaana. Ncakwiila alaakucitika cancinencine. Nabi aboneke kucelwa mukucitika, ukaalindilebo mukwiinga alaakucitika cancinencine alimwi teshi akacelwewo, sobwe.

Sekaliya 3:2

Mpeeke munjelo wa Mwaami Lesa wakaambila Satana ayi, “Mwaami Lesa aakukalalile. Ncakwiila Mwaami Lesa uyo usunishi ndabala ya Jelusalemu aakukalalile! Musankwa uyu ulibo anga ndukuni lwayokolwa mumulilo.”

Mateyo 10:28

Mutaloondi baabo bacayabo mubili, sombi tabacikoonshi kucaya muuya. Amuloonde Lesa ukonsha kucaya mubili amuuya woonse mumulilo utamaani.

Mateyo 24:6

Mulaakunyumfwa nkondo ampuuwo sha nkondo, sombi mwebo mutakalisukami. Ishi shilaakucitika, sombi teshi kwaamba ayi ngomamanino a cishi.

Dutolonomi 20:3

‘Amunyumfwe, mwebo nobene Isilaeli! Sunu mutoolwana abalwani banu. Aboobo mutabaloondi, kuboola pesule nabi kwiingana.

1 Samwelo 17:32

Mpeeke Defedi wakaamba ayi, “Kutabi muntu nabi womwi weshi alisukame ceebo ca mwine Filisiti ulya. Nebo nemusebenshi wanu ntooya nkalwanaakwe.”