Isaya 7:18 - Baibo Busansulushi Bwa Libuku Ili

¹⁸ “Bushiku ubo bwaakushikila, Mwaami Lesa ulaakulishila muloshi bene Ijipiti ayi bese kuswa kweela mulonga wa Nailo anga mbaloonshi, abalo bene Asilya ayi bese anga ninsuki.

Isaya 7:18 ပူးပေါင်းရင်းမြစ်များ

Kulumbaisha 105:31

Wakaambabo aliswi lyalo baloonshi baanji bakesa, alimwi kwakaba ampobe shiinji mucishi coonse.

Kulumbaisha 118:12

Bakambunganina anga ninsuki, sombi bakamana calubilo mbuli mulilo wa mabuba. Ncakwiila ndakabanyonyoola kwiinda munkusu sha Mwaami Lesa.

Kulonga 8:21

Sombi na ukake, ntookulwiitilabo limwi ayi ndaakukupensha kwiinda mukutuma baloonshi pali ndiwe, bacinenenene bako, bantu ba mucishi cako amumaandaanu. Ncakwiila maandaanu oonse nobene Ijipiti alaakwisulabo baloonshi alimwi apanshi poonse.

Kulonga 8:24

Mpeeke Mwaami Lesa wakatuma baloonshi baanji abuumbi muŋanda ya mwaami alimwi amumaanda a bacinenenene bakwe. Cishi ca Ijipiti coonse cakanyonyooka kubaloonshi.

Isaya 13:5

Bashilumamba abo batooswa kushishi sha kulaale. Ncakwiila batooswabo kwiine kweela cishi ca panshi. Mwaami Lesa mubukali bwakwe utoosa mukunyonyoola cishi ca Babiloni coonse.

Isaya 31:1

Maawe kuli baabo baya kucishi ca Ijipiti kwaamba ayi bacafwikwe, abo bacinkite manungo mumaaki, kufula kwa shikoci shabo ankusu shiinji isho shicite bantu babo beshikulwanina pamaaki. Maawe kubaabo bataciinki manungo muMwaami Lesa, Lesa Usalalite wa bene Isilaeli, nabi kusenga lucafwo kuli nguwe.

Isaya 5:26

Ono Mwaami Lesa ulaakunyamuna mbembela mwiculu akwiita mishobo ili kulaale. Bantu abo ulaakubalishisha muloshi kwaamba ayi bese kuswa kweela cishi. Ncakwiila abalo balaakwisa cakufwambaana abuumbi.

Isaya 7:17

Ono pali ndiwe, bantu bako apabamulunyungu lwa baiso, Mwaami Lesa ulaakuleta ciindi ca mapensho ico citana kubonekaawo kuswabo kuciindi bene Isilaeli ndibakapatukana abene Juda. Ncakwiila ulaakuleta mwaami wa bene Asilya.

Sekaliya 10:8

“Ndaakwiita bantu bangu akubabunganya mucishi cabo. Ncakwiila ndaakubapulusha. Balaakufula bweenka mbobakalinga kataanshi.

Dutolonomi 1:44

Lyalo bene Amoli abo bakalinga kwikala mutulundu uto bakaswa anga ninsuki shiinji ayi bamulwaane. Bakamutandaanya kushika akuOma akumukoma mucishi ca tulundu ca Edomu.

Dutolonomi 28:49

Mwaami Lesa ulaakumuletela mushobo umwi kuswa kweela cishi uyo weshi ukese mukumulwana, acishobo cabo teshi mukanoocinyumfwaawo. Balaakwiindililabo kumufukukila anga ngumumbankwashi.

Dutolonomi 7:20

Ulaakulengesha bantu aba kupilingana kuboowa alimwi ulaakunyonyoola abo beshi bakayube.

Joshuwa 24:12

Ndakabatumina maamfu kunembo lyanu kwaamba ayi atandaanye bamaami bobilo bene Amoli. Teshi mipeeni yanu nabi buta shakalengesha ayi bakomwe, sobwe.