Isaya 7:13 - Baibo Busansulushi Bwa Libuku Ili

¹³ Mpomunyaawo Isaya wakaamba ayi, “Kutika ono webo owamulunyungu lwakwe Defedi! Sa kupensha bantu uku nkomucita teshi kuunji? Ono sa utooyanda kupensha aLesa wangu?

Isaya 7:13 ပူးပေါင်းရင်းမြစ်များ

Matalikilo 30:15

Leya wakakumbula ayi, “Sa uciyanda kwiilikaawo ashimwi? Omuntu womwi unyayeewo beebaangu, ono mpaapa ulisuni kunyaya amusamu waleta mwanaangu.” Lakelo wakaamba ayi, “Na umpeewo musamu wa lushalo waleta mwanaako, utookumana aJakobo sunu mashiku.”

2 Makani 21:7

Sombi Mwaami Lesa taakwe kuyeeyawo kunyonyoola bamuŋanda yakwe Defedi mukwiinga wakapanga cipangano aDefedi akushomesha ayi bamulunyungu lwakwe balaakunoolela lyoonse.

Kulumbaisha 45:5

Ncakwiila mifwi yanu ilikolete, ilapulinkana akuyasa balwani kumyoyo. Aboobo mishobo imwi ilakomwa akulyatililwa kuli ndimwe.

Isaya 1:14

Ncakwiila kusekelela kwanu kwa bushiku butaanshi bwa mweenshi anshiiku shanu shimwi shisalalite ndishipatite. Shoonse shababo anga cintu cilemu ncindalemenwa kunyamuna.

Isaya 1:24

Ono kutika bwaamba Mwaami Lesa Shinkusu shoonse, Lesa wa bene Isilaeli ucite nkusu. Waamba ayi, “Ndaakuboosha cishole pali ndiwe omulwani wangu, lyalo teshi ukampensheewo tubili.

Isaya 22:22

Ndaakumupa cakucalwisha cakwe Defedi. Ico nceenga wacalula taaku weenga wacicala acalo nceenga wacala taaku weenga wacicalula.

Isaya 25:1

NoBaami baLesa, ndimwe baLesa bangu. Ndanoosumpula akulumbaisha liina lyanu. Mwakacita shintu shikankamika abuumbi kwiinda mukushomeka kwanu kutacite kampenda, ee, shintu isho nshemwakabambabo kale kale.

Isaya 43:24

Tamukwe kungulilaawo mafuta anunkila kabotu eetwa ayi kalamasi, nabi kunkwanisha mafuta aswa kumilambu yanu. Sombi mwebo mwakampa mukuli wa shibiibi shanu, ncakwiila shilubo shanu shandemya abuumbi.

Isaya 63:10

Nakubi boobo bakamwaashukila akukalasha Mushimu wakwe Usalashi. Aboobo wakabaalookila akuba mulwani wabo ncakwiila wakabalwana mwiine.

Isaya 7:12

Sombi Aasi wakakaka ayi, “Teshi musengeewo. Nshisuni kweelesha Mwaami Lesa.”

Isaya 7:2

Aasi, mwaami wa bene Juda, ndyaakalwiitikwa ayi bene Silya bapaankana abene Efuleemu, lakwe abantu bakwe bakatutuma abuumbi bweenka shisamu mboshitenkaanishikwa kumuuwo.

Jelemiya 21:12

“Amunyumfwe maswi angu neMwaami Lesa akwaamba ayi, ‘Amoomboloshe bweelete nshiku shoonse. Amufune bantu batokwiipilwa mumaansa a baabo batoobapensha. Na mubule kucita boobo, bukali bwangu bulaakunyaka anga ngumulilo ceebo ca shibiibi nshemwakacita. Bulaakunyaka anga ngumulilo uyo muntu ngwaatakoonshi kushimya.’ ”

Jelemiya 44:22

Ono Mwaami Lesa ndyaakacileka kunoolangilishabo pamicito yanu ibiibi alimwi ashintu shilensha bunya nshemwakalinga kucita, cishi canu cakaba cintu ceelete kushinganwa, kuba matongo alimwi kwakubula amuntu wikalaamo bweenka mbocibete sunu.

Jelemiya 6:11

Sombi nebo ndiswitebo bukali bwanu noBaami baLesa cakwaamba ayi nshikoonshi akuliciba, sobwe.” Lyalo Mwaami Lesa wakaŋambila ayi, “Koya ubupoomwete pabanike bali mumikwakwa apabacikula bwangu babungene pomwi. Musankwa amukaakwe pantu pomwi abacembele bacite myaaka iinji boonse balaakutolwa kubukali ubo.

Esekelo 16:20

“ ‘Lyalo wakabwesa baana basankwa abanakashi mbowakanshalila akubabenga ayi njimilambu kushibumbwabumbwa. Sa bufuule bwako bwakaceya

Esekelo 16:47

Webo tookwe kukonkelabo nshila shabo alimwi akwiiya micito yabo ilensha bunya, sombi munshila shako shoonse wakabisha kwiinda mbabo.

Esekelo 34:18

Sa tamuna kukuta kulya mweemfu ubotu? Sa ncibotu kulyatoola mweemfu wanu amyeendo? Sa tamuna kukuta maanshi abotu ngomutoonwa? Sa ncibotu kufundaanya acaala amyeendo yanu?

Esekelo 6:9

Lyalo mumishobo iyo mweshi bakatolwe busha, balaakunjeeya akwishiba kwaamba ayi ndime ndabapa mulandu akubalensha nsoni. Ndaakucita boobo ceebo myoyo yabo itashomeki yamfutatila akusandukila kushibumbwabumbwa. Balaakulipata beene ceebo ca bubi bwabo ashintu shilensha bunya isho nshebacita.

Amosi 3:13

Mwaami Lesa, Lesa Shinkusu shoonse waamba ayi, “Amukutike maswi aya akupa bukamboni kubamulunyungu lakwe Jakobo.”

Malaki 2:17

Mwalemya Mwaami Lesa mumyaambo yanu. Sombi mwebo nobantu muleepusha ayi, “Ino twamulemya buyani?” Mwamulemya mukwiinga mulaamba ayi, “Boonse bacita shibiibi bali kabotu pameenso a Mwaami Lesa alimwi ulakondwa muli mbabo.” Alimwi amukwiipusha ayi, “Ino Lesa shibululami uli kuli?”

Shakubelenga 16:13

Sa kutukusha mucishi ca Ijipiti umo mwakalinga bubile alimwi abulongo bubotu, akwisa mukutucaila muluyanga kwakuceyela? Ono ucisuni kuba mwaami wesu?

Shakubelenga 16:9

Sa mulimo uyo Mwaami Lesa wa bene Isilaeli ngwaakamupa wamuceela? Wakamupatula kubene Isilaeli bamwi boonse ayi munoomusebensela muTente yakwe alimwi akunoosebensela bene Isilaeli boonse.

Luka 1:69

Watupa Mupulushi ucite nkusu kuswa mulunyungu lwakwe Defedi musebenshi wakwe.

Milimo ya Batumwi 7:51

“Mwebo nobeshicimpamya! Myoyo yanu ilibo anga nja bantu batashomi muli Lesa alimwi matwi anu taanyumfwi makani akwe! Mulikoshenyebo abamashali banu bakulukulu mukwiinga amwebo tamunyumfwili Mushimu Usalashi!

Bene Ebulu 3:10

Aboobo, ncendakakalalila bantu abo akwaamba ayi, ‘Lyoonse balakusha myoyo yabo kuli ndime, alimwi balakaka kukonkela milasho yangu lyoonse.’