Isaya 66:5 - Baibo Busansulushi Bwa Libuku Ili

⁵ Ono amukutike maswi a Mwaami Lesa mwebo nomulemeka maswi akwe ayo. Waamba ayi, “Bamakwabanu abo bamupatite ceebo cakushomeka kuli ndime, baamba ayi, ‘Mwaami Lesa wabo aatondeshe nkusu shakwe kwaamba ayi tumuboone kamusangalala.’ Ono balo beenka abo balaakulenshekwa nsoni.

Isaya 66:5 ပူးပေါင်းရင်းမြစ်များ

1 Baami 21:29

“Sa wamubona Aabu mbwaalyungumika kuli ndime? Ono mbwaacita bobulya, teshi nkalete shinkunka isho kaacili muumi. Ndaakushileta ciindi mwanaakwe aakunoolela.”

2 Baami 22:10

Lyalo wakaamba ayi, “Ndicite alibuku ilyo Ilikiya ndyaampa.” Lyalo wakalibelengela mwaami.

2 Makani 34:27

Wasanduka kuswa kushibiibi shako akulibombya pameenso angu kwiinda mukukwamoona shakufwala shako akulila ndiwakanyumfwa mbondakalinga kupinga kupa mulandu kundabala ya Jelusalemu abantu bekalaamo. Ono ndanyuumfwa kusenga kwako.

Esila 9:4

Ndakekala apo kaaŋungumene kushikila ciindi cakubenga mulambu wa macolesha. Mpeeke bantu bakatalika kubungana mpondakalinga, nkokwaamba ayi boonse abo bakatutuma ndibakanyumfwa maswi akwe Lesa wa bene Isilaeli pashibiibi sha bantu abo bakataanguna kuswa mucishi ca busha.

Kulumbaisha 119:120

Mubili wangu ulatutuma ceebo cakuloonda ndimwe. Ndicite boowa ceebo ca koombolosha kwanu.

Kulumbaisha 38:20

Abo baboosha bubi pashibotu, balansebaanya ceebo cakuyanda kucita shiluleme.

Tushimpi 13:13

Uyo usuula milasho ulaliletelela mwiine, sombi uyo ubikila maano kumulawo ulalambulwa.

Lwiimbo lwakwe Solomoni 1:6

Mutanoonshibuluka ayi mukwiinga ndashiya ee, ayi mukwiinga lumwi lwakanshiyisha. Baana basankwa muli bama bakalinga kunkalalila akuntuma kuya mukulama muunda wa minyansa. Paceebo ceeco ndakabula ciindi cakunoolibotesha.

Isaya 26:11

NoBaami baLesa lyaansa lyanu lilitambikitwe, sombi balo tabalibooni. Amubaboneshe lusuno lwanu pabantu banu, bafwe nsoni. Mulilo wanu ngomwakabambila balwani banu aubateente cakubalobya.

Isaya 5:19

Balaamba ayi, “Lesa aafwambaane kucita ncaatooyeeya kwaamba ayi tuciboone. Ee, Usalalite wa bene Isilaeli aafwambaane kucita miyeeyo yakwe kwaamba ayi twiishiibe.”

Isaya 60:15

“Ndushinisho nakubi kwaamba ayi walinga wasuulwa akupatwa cakubula awiinda muli ndiwe, ndaakukulengesha kuba musena upa bulemu kwalyoonse alyoonse uyo weshi ukanoosangalasha bantu bamumashalane oonse.

Isaya 65:13

Paceebo ceeco Mwaami Lesa waamba ayi, “Basebenshi bangu balaakunoolya, sombi mwebo mulaakunoofwabo nsala. Basebenshi bangu balaakunoonwa, sombi mwebo mulaakunoofwabo nyotwa. Basebenshi bangu balaakunoosangalala, sombi mwebo mulaakulenshekwa nsoni.

Isaya 66:2

Sa teshi ndime ndakalenga shintu shoonse ishi? Ncakwiila ndime ndakalengesha ayi shibeeko.” Mwaami Lesa waamba. “Ono muntu unkonda ngooyu: muntu ulibombya, ulisenda na walubisha alimwi uloonda maswi angu.

Jelemiya 36:16

Ono ndyaakamanisha kubabelengela, bakalangana kumeenso cakuloonda akwaambila Baluki ayi, “Tulyeelete kuluula kumwaami maswi aya.”

Osiya 11:10

“Nebo neMwaami Lesa ndaakubuluma anga ninkalamu abalo bana bangu balaakwisa kuswa kumbo kabesa citutuma.

Mateyo 10:22

Bantu boonse balaakumupata ceebo ca ndime. Sombi uyo eshi akayuminine kushikila kumamanino a mapensho aya, ulaakupulushikwa.

Luka 13:17

Jesu ndyaakaamba boobo balwani bakwe bakanyumfwa nsoni, sombi bantu boonse kabasangalete pashintu shoonse shibotu shikankamika nshaakacita.

Joni 16:2

Balaakumutanda mushoonde shabo. Ono ciindi cilaakushika bantu beshi bakanoomucaya, ndyeshi bakayeeye ayi batoosebensela Lesa.

Joni 9:34

Lyalo bakamukumbula ayi, “Webo wakashalwa akukula mushibiibi, ino inga watwiishanshi?” Mpomunyaawo bakamutanda mucoonde.

2 Bene Tesalonika 1:12

Mukucita boobo, liina lya Mwaami wesu Jesu lilaakupekwa bulemu ceebo canu. Amwebo ulaakumulengesha kuba abulemu. Shoonse ishi shilaakucitika ceebo ca luse lwakwe Lesa wesu alwa Mwaami Jesu Klistu.

Taitasi 2:13

Bulya nditutoolindila bushiku bwa coolwe, ubo bulemu bwakwe Lesa munene alimwi aMupulushi wesu Jesu Klistu, ndyeshi bukaboneke.

Bene Ebulu 9:28

Mbweeke ubo alakwe Klistu wakabengwa ayi acaikwe linkanda lyomwibo ndondoli kwaamba ayi shibiibi sha bantu baanji shilekelelwe. Ulaakuboneka lwabili, ono teshi akeshiite kulekelela shibiibi sha bantu, sombi ulaakwisa mukupulusha baabo batoomulindila.

1 Joni 3:13

Paceebo ceeco tamweelete kukankamana nobamakwesu, na bantu ba mucishi ca panshi bamupata.