Isaya 66:2 - Baibo Busansulushi Bwa Libuku Ili

² Sa teshi ndime ndakalenga shintu shoonse ishi? Ncakwiila ndime ndakalengesha ayi shibeeko.” Mwaami Lesa waamba. “Ono muntu unkonda ngooyu: muntu ulibombya, ulisenda na walubisha alimwi uloonda maswi angu.

Isaya 66:2 ပူးပေါင်းရင်းမြစ်များ

1 Baami 21:29

“Sa wamubona Aabu mbwaalyungumika kuli ndime? Ono mbwaacita bobulya, teshi nkalete shinkunka isho kaacili muumi. Ndaakushileta ciindi mwanaakwe aakunoolela.”

2 Baami 22:10

Lyalo wakaamba ayi, “Ndicite alibuku ilyo Ilikiya ndyaampa.” Lyalo wakalibelengela mwaami.

2 Baami 22:11

Mpomunyaawo mwaami ndyaakanyumfwa maswi a muLibuku lya Milawo ilyo, wakakwamoona shakufwala shakwe mubuumba.

Esila 10:3

Anu atupange cipangano aLesa kwaamba ayi tutandaanye banakashi boonse abo pantu pomwi abana babo kweelana akuyanda kwanu a kwa baabo bamwi balemeka Milawo yakwe Lesa. Tutoocita kweelana aMilawo yakwe Lesa.

Esila 9:4

Ndakekala apo kaaŋungumene kushikila ciindi cakubenga mulambu wa macolesha. Mpeeke bantu bakatalika kubungana mpondakalinga, nkokwaamba ayi boonse abo bakatutuma ndibakanyumfwa maswi akwe Lesa wa bene Isilaeli pashibiibi sha bantu abo bakataanguna kuswa mucishi ca busha.

Kulumbaisha 119:120

Mubili wangu ulatutuma ceebo cakuloonda ndimwe. Ndicite boowa ceebo ca koombolosha kwanu.

Kulumbaisha 119:161

Bamaami balampensha kwakubula mulandu. Sombi moyo wangu ulatilimukabo maswi anu.

Kulumbaisha 138:6

NoBaami baLesa, nakubi kwaamba ayi muli kwiculu mulalama baliceesha alimwi beshikulisumpula mulabona shintu shoonse nshebacita.

Kulumbaisha 34:18

Ncakwiila Mwaami Lesa ulibo muliimfwa kubaabo batyongola alimwi ulafuna baabo batacite cakulangila.

Kulumbaisha 51:17

Sombi mulambu umusangalasha nobaLesa, nkuba amoyo wakulibombya. Mwebo tamukaki moyo wakulibombya, wasanduka kuswa kushibiibi.

Kulumbaisha 51:19

Lyalo milambu yeelete ilaakumusangalasha. Ee, milambu yesu yakutenta ilaakumusangalasha alimwi bacende balaakubengwa pacipaililo canu.

Tushimpi 28:14

Ulicite coolwe muntu ulemeka Mwaami Lesa lyoonse, sombi uyo uyumya moyo ulalokela mumapensho.

Tushimpi 29:23

Kulisumpula kulalengesha muntu kuwa, sombi kulibombya kulaleta bulemu.

Isaya 40:26

Amwiinune mitwi akulanga kwiculu. Ngani wakalenga shintu shoonse ishi shiliimo? Bana ndime alimwi ndime ŋensha nyenyeenshi anga ndikoto lya bashilumamba. Nyenyeenshi yomwi ayomwi ndiishi liina lya njiyo. Ceebo ca nkusu shangu shinene alimwi abulemu, taaku nyenyeenshi nabi yomwi yakasoweka.”

Isaya 41:20

Bantu balaakucibona cikani ici, balaakwishiba ayi ndime neMwaami Lesa ndacicita. Balaakushika pakushinisha kwaamba ayi Lesa usalalite wa bene Isilaeli ngowacilengesha kucitika.”

Isaya 57:15

Usumpukite Lesa wakwiculu uyo, Lesa walyoonse alyoonse ucite liina lisalalite waamba ayi, “Nebo ndekala kwiculu kumusena usalalite, sombi ndekala abaabo balibombya alimwi basanduka kuswa kushibiibi shabo kwaamba ayi mbabooshelemo lushomo lwabo akulangila.

Isaya 61:1

Mushimu wa Mwaami Lesa Shinkusu shoonse uli pali ndime, mukwiinga wansala kwaamba ayi nshimikile makani abotu kubakandu. Wantuma kwaamba ayi njumyeyumye batyongooka mumyoyo akwaambilisha lwaanguluko kubaabo baangitwe, akucita kwaamba ayi boofu balashe.

Isaya 66:5

Ono amukutike maswi a Mwaami Lesa mwebo nomulemeka maswi akwe ayo. Waamba ayi, “Bamakwabanu abo bamupatite ceebo cakushomeka kuli ndime, baamba ayi, ‘Mwaami Lesa wabo aatondeshe nkusu shakwe kwaamba ayi tumuboone kamusangalala.’ Ono balo beenka abo balaakulenshekwa nsoni.

Osiya 11:10

“Nebo neMwaami Lesa ndaakubuluma anga ninkalamu abalo bana bangu balaakwisa kuswa kumbo kabesa citutuma.

Mika 6:8

Sobwe, Mwaami Lesa wakatulwiita cibotu. Ncaasunibo ayi tucite nceeci: Koombolosha cakutanyengelela, kutondesha lusuno lutamaani akweenda cakulibombya mubushicibusa anguwe.

Abakuku 3:16

Ndindakanyumfwa shintu ishi, mubili wangu wakatutuma ayalo milomo yangu yakatutuma kuboowa. Ncakwiila mubili wangu woonse wakalefuka. Ee, amyeendo yangu yakabukuma kuboowa. Nakubi boobo ndaakulindilila camoyonteeka ciindi ico Lesa aakwisa mukupa mulandu bantu batulwana.

Mateyo 12:6

Sombi pano mpaali wiinda Ŋanda yakwe Lesa.

Milimo ya Batumwi 7:50

Sa teshi ndime ndakalenga shintu shoonse ishi?’

Milimo ya Batumwi 9:6

Ono nyamuka uye mundabala iyi, mweshi uye ulwiitwe nsheweelete kucita.”

Bene Filipi 2:12

Ono nomusunikwi, kweelana ambomwalinga kunyumfwila ndindalingaanu, mulyeelete kwaamba ayi mwiindilishe kunoonyumfwila ciindi ici nceentabeteeko uko. Amutolelele kusebensa caboowa akututuma kwaamba ayi mumanishe mulimo wa lupulusho lwanu.

Bene Kolose 1:17

Klistu wakalingaako shintu shoonse kashitana kulengwa, alimwi shoonse shilicatite muli nguwe.