Isaya 66:19 - Baibo Busansulushi Bwa Libuku Ili

¹⁹ alimwi balaakwishiba kwaamba ayi ndime mbapa milandu. “Sombi bamwi ndaakubashiyaawo akubatuma kumishobo imwi akumisena yakulaale uko nkobatana kunyumfwaawo kale mpuwo yangu nabi kubonawo kale nkusu shangu shinene. Nkokwaamba ayi kuTashishi, kuLibya, Lidiya cishi ico cicite basankwa bacibwene kulwana amata, kuTubali alimwi akuGilisi.

Isaya 66:19 ပူးပေါင်းရင်းမြစ်များ

Matalikilo 10:13

Bamulunyungu lwakwe Ijipiti bakalinga mbantu ba muLidiya, Anamu, Leabu, Nafutu,

Matalikilo 10:2

Bana bakwe Jafeti basankwa bakalinga Goma, Magogu, Medayi, Jafani, Tubali, Mesheki alimwi aTailasi.

Matalikilo 10:22

Bana bakwe Shemu basankwa bakalinga Elamu, Ashuwa, Apakishadi, Ludi alimwi aAlamu.

Matalikilo 10:4

Bamulunyungu lwakwe Jafani bakalinga Elisha, Sipeeni, Saipulasi, aLodisi.

Matalikilo 9:27

Lesa aakomeneshe buleelo bwakwe Jafeti. Bamulunyungu lwakwe banookala abamulunyungu lwakwe Shemu, alimwi Kenani aabe musha wakwe.”

1 Makani 1:11

Bamulunyungu lwakwe Ijipiti bakalinga mbantu ba muLidiya, Anamu, Leabu, Nafutu,

1 Makani 1:7

Bamulunyungu lwakwe Jafani bakalinga Elisha, Sipeeni, Saipulasi, alimwi aLodisi.

1 Makani 16:24

Amwaambilishe bulemu bwakwe kumishobo yoonse. Amwaambilishe micito yakwe ya nkusu kubantu boonse.

Kulumbaisha 72:10

Bamaami bene Sipeeni aba kunsumbu abakamuletele shipo, Bamaami bene Sheba abene Seba abalo abakamuletele shipo mukumupa bulemu.

Isaya 11:12

Mwaami Lesa ulaakwiimika mbembela yakwe kutondesha mishobo imwi yoonse ayi utooyobolola cipya bantu bakwe bene Isilaeli abene Juda. Ee, kuyobolola baabo bapalangene kuswa mumbasu shoonse shone sha cishi ca panshi.

Isaya 18:3

Mwebo noonse nobantu ba mucishi, ee, mwebo nomuli mucishi ca panshi, mbembela yaakwiimikwa patulundu mulaakwiibona alwalo lupeenga lwaakulila mulaakulunyumfwa.

Isaya 18:7

Paciindi ico shipo shilaakuletwa kuMwaami Lesa kuswa kubantu balaamfu, bateshimite shikanda alimwi bantu baloondwa cishi coonse. Ee, kuswa kumushobo ucite beshinkusu, ncakwiila kuswa kucishi cibaanishitwe amilonga. Bantu abo balaakwisa kuKalundu ka Siyoni uko Mwaami Lesa Shinkusu shoonse nkwaalambililwa.

Isaya 2:16

Ulaakunyonyoola maato amakwebo akuTashishi ee, maato abotu oonse.

Isaya 29:24

Paciindi ico baluya balaakuba amaano, abalo abo beshikunootongookabo balaakusumina kwiishikwa.”

Isaya 42:12

Amulumbaishe Mwaami Lesa. Amwambilishe bulemu bwakwe nobamushishi sha muloombe lwa lweenge.

Isaya 42:4

Teshi akatonsheewo nabi kutyongola kushikila akalengeshe koombolosha cakutanyengelela kwikalilila pacishi ca panshi. Ncakwiila bamushishi sha muloombe lwa lweenge boonse batoolangila kwiisha kwakwe.”

Isaya 43:6

Ndaakwaambila shishi sha kumatwa ayi, ‘Amubaleeke ono!’ Ashalo shishi sha kumalenge ayi, ‘Mutababililishi.’ Bana bangu basankwa ababoole kumishaabo kuswa kushishi sha kulaale. Abalo bana bangu banakashi ababoole kuswa kweela cishi kwiine.

Isaya 49:1

Amukutike mwebo nobantu bekala kulaale, ee, munyumfwe mwebo nomwikala kushishi sha kulaale. Mwaami Lesa wakanjita ayi nkamusebensele kaantana kushalwa. Wakeeta liina lyangu kaancili mumala muli bama.

Isaya 49:12

Bantu bangu balaakuswa kumisena ili kulaale. Bamwi balaakuswa kumatwa, bamwi kumbo, bamwi balaakuswa kuAswani kumalenge.”

Isaya 49:22

Mwaami Lesa Shinkusu shoonse waamba ayi, “Ndaakupa citondesho baswamashi. Ndaakubeemikila mbembela yangu. Lyalo balaakuboosha bana banu basankwa kababayumwitwe pamaansa akunyamuna bana banu banakashi pashifushi.

Isaya 51:5

Nebo ntoosa cakufwambaana ciindi cangu cakubapulusha cili pafwaafwi. Nebo nemwiine ndime eshi nkabe mwaami wa mishobo ya bantu boonse. Bantu bekala mushishi shakulaale batoolangila kwisa kwangu. Ndushinisho batoolindila ndime ayi mbapulushe.

Isaya 52:10

Mwaami Lesa ulaakusebensesha nkusu shakwe shisalalite pakupulusha bantu bakwe. Bantu boonse pacishi ca panshi balaakushibona.

Isaya 52:15

Sombi bulya bantu baanji balaakucatabo pamilomo baakumubona. Bamaami balaakubula amaswi akwaambaawo ceebo cakukankamana. Ncakwiila balaakubona akunyumfwa cintu ncebatana kunyumfwaawo kale.”

Isaya 55:5

Ndushinisho mulaakwiita mishobo ya bantu mbomuteshiiwo napaceyi. Mishobo ya bantu abo batamwishiiwo balaakwisa kuli ndimwe cakufwambaana ceebo ca Mwaami Lesa, Lesa wanu Usalalite wa bene Isilaeli uyo wakamufwalika bulemu.”

Isaya 60:9

Shintu isho ngamaato atooswa kushishi sha kulaale. Ali kunembo ngamaato aswa kuTashishi atooboosha bantu bangu neLesa. Aliyumwite silifa alimwi agolodi mukumpa bulemu neMwaami Lesa, Lesa usalalite wa bene Isilaeli uyo walengesha mishobo imwi yoonse kulemeka bantu bangu.

Isaya 62:10

Nobene Jelusalemu, amuswe mundabala muye mukabambe mukwakwa wa bene mishaanu batoopiluka. Amubambe mukwakwa unene akukushaamo mabwe. Mishobo imwi amwiinyamwite mbembela kwaamba ayi banooibona.

Isaya 65:1

Mwaami Lesa waamba ayi, “Ndakaliyubulula kubantu abo batakalinga kumpaila. Ndakalibika patuba kubaabo batakalinga kunyandoola. Ncakwiila kumushobo watakalinga kunambila, ndakaamba ayi, ‘Mpoondi, ndaakumucafwa.’

Jelemiya 46:9

Akutumbe kasuko nomaaki! Amucaile cankusu mwebo nobeshishikoci! Kamuya kunembo mwebo nobashilumamba bacibwene kulwana, nobene Kushi anobene Libya nomunyamuna mayawo, ee, anobene Lidiya nomulwanisha mata.”

Esekelo 27:10

“ ‘Bantu ba kuPesha, Lidiya alimwi aLibya mbobakalinga bashilumamba bako. Bakalinga kwaanjika mayawo ashimpoompo sha nkondo kulubumbu lwako. Bashilumamba abo bakalinga kukuletela bulemu.

Esekelo 27:13

“ ‘Wakalinga kucita makwebo abene Gilisi, Tubali abene Mesheki abo bakalinga kuleta basha ashintu shakapangwa kubulonse mukushintana amakwebo ako.

Esekelo 30:5

“ ‘Bashilumamba ba muKushi, Puti, Lidiya, Alebya oonse, Libya abantu bangu bakaswa kucishi ca cipangano balaakufwita munkondo pantu pomwi abene Ijipiti.’ ”

Esekelo 32:26

“Mesheki aTubali nkobabete kweenka uko ashuumbwe sha bashilumamba babo shilishingulukite shuumbwe shabo. Boonse abo tabapalwitweewo alimwi boonse bakacailwa munkondo ceebo bakalinga kuloondesha bamwi mucishi ca boomi.

Esekelo 39:1

Mpeeke Mwaami Lesa wakaŋambila ayi, “Webo omuntu, laluka mapensho kuli Gogi akumulwiita ayi nebo neMwaami Lesa Shinkusu shoonse ntokwaamba ayi, ‘Webo Gogi omuleli munene wa bene Mesheki aTubali, ntookulwana.

Esekelo 39:6

Ndaakutuma mulilo mucishi ca Magogu apabaabo bekala kwakubula cakulisukama muloombe lwa lweenge. Lyalo ndyeshi bakeshibe ayi nebo ndi Mwaami Lesa.

Danyelo 11:18

Pesule ulaakulwana mishobo ili muloombe lwa lweenge akukoma iinji pakati ka njiyo. Sombi mutanjilili wa bashilumamba muswamashi ulaakumukoma akumanisha kulisumpula kwakwe. Munshila iyo musebaanyo uyo ulaakuboola pamubili wakwe mwiine.

Sefaniya 2:11

Mwaami Lesa ulaakubaloondesha ndyeshi akanyonyoole balesa boonse ba mucishi ca panshi. Bantu bamumishobo yoonse balaakumulambila, mushobo womwi awomwi mucishi ca nguwo.

Sefaniya 3:10

Ncakwiila nabi kwitala lya milonga ya kuKushi, bantu banambila, ee, bantu bangu bakapalanganina mucishi, balaakwisa mukubenga milambu kuli ndime.

Malaki 1:11

Sombi liina lyangu lilaakulemekwa pakati ka mishobo yoonse ya mu cishi ca panshi, kuswa kweela akweela. Kuli koonse balaakunoobenga tununkila kabotu alimwi amilambu yeelete kuli ndime. Nkokwaamba ayi boonse balaakunoondemeka!

Mateyo 28:19

Paceebo ceeco, kamuya mukanokwiisha bantu bamishobo yoonse, mukababombeke muliina lya baTa, alya Mwaana alimwi alya Mushimu Usalashi.

Maako 16:15

Lyalo wakabaambila ayi, “Kamuya mucishi coonse, mukashimikile Makani Abotu kubantu boonse.

Luka 2:34

Mpeeke Simyoni wakabapa coolwe akulwiita Maliya banyina Jesu ayi, “Uyu mwaana wasalwa aLesa kwaamba ayi awishe akubusha baanji pakati ka bene Isilaeli. Ulaakuba citondesho cakuswa kuli Lesa ico baanji nceshi bakakake.

Bene Loma 15:21

Bweenka bwaamba Malembo akwe Lesa ayi, “Bantu batana kulwitikwa shapali nguwe, balaakubona. Abalo abo batana kunyumfwa, balaakwishiba.”

Bene Efeso 3:8

Nebo ndime mucaalishi kubantu bakwe Lesa, nakubi boobo wakampa mulimo uyu wakushimikila baswamashi bakunsengwe Makani Abotu abubile buunji abuumbi bwa muli Klistu.