Isaya 66:11 - Baibo Busansulushi Bwa Libuku Ili

¹¹ Mulaakusangalala mububoni bwa njiyo anga ngumwaana kulukolo lwa banyina!”

Isaya 66:11 ပူးပေါင်းရင်းမြစ်များ

Kulumbaisha 36:8

Balalya shakulya shibotu muŋanda yanu, akunwa mumulonga wanu wa shoolwe.

Isaya 49:23

Bamaami basankwa balaakuba anga mbobameeshiwanu. Abalo bamaami banakashi balaakuba anga mbobamanyinawanu. Ncakwiila balaakunoofukama kunembo lyanu cakushisha shiwa panshi. Balaakunoomyanguta alusuko kushimpanta shanu. Lyalo mulaakwishiba ayi nebo ncakwiila ndi Mwaami Lesa. Abo balangila lucafwo kuswa kuli ndime teshi bakalensekwewo nsoni.”

Isaya 60:1

Buka webo Jelusalemu ubale anga ndisuba. Ceebo bulemu bwa Mwaami Lesa buli pali ndiwe!

Isaya 60:16

Mishobo imwi abamaami balaakunookulama bweenka mushali mwanakashi bwaalama mwanaakwe. Lyalo ulaakwishiba kwaamba ayi Nebo, neMwaami Lesa, ndime Mupulushi wako. Ulaakwishiba ayi ndime nkufuna alimwi ayi ndi Lesa Shinkusu shoonse wa bamulunyungu lwakwe Jakobo.

Isaya 60:2

Munshinshe ulaakufwekelesha cishi ca panshi. Munshinshe ushiya mbi ulaakwikala pabantu ba mishobo imwi, sombi pali ndiwe palaakunoomwekabo bulemu bwa Mwaami Lesa. Ncakwiila citubilishi ca bulemu bwa Mwaami Lesa cilaakunooli awebo.

Isaya 60:5

Cikani ici ulaakucibona kacicitika. Lyalo moyo wako ulaakutunooka ceebo ca kusangalala. Buboni bwa baabo bekala kwitala lya lweenge bulaakuletwa kuli ndiwe. Ncakwiila bubile bwa mishobo imwi bulaakwisa kuli ndiwe.

Isaya 62:2

Mishobo imwi yoonse ilaakubona bululami bwako. Bamaami boonse balaakubona bulemu bwako. Balaakunookwiita liina lipya ilyo Mwaami Lesa mwiine ndyeshi akakupe.

Jowelo 3:18

Paciindi ico tulundu tulaakuba amyuunda ya minyansa. Ŋombe shilaakwisula mutulundu tuniini toonse. Tulonga toonse twa muJuda tulaakunokunka maanshi. Kalonga kalaakunookunka kuswa kuŊanda yakwe Lesa akutola maanshi muCinyika ca Shitimu.

1 Pita 2:2

Ono mbuli bakateta mbobalilila mukupa, muyandishishe mukupa wiine wiine wa mushimu, kwaamba ayi kwiinda mukuunwa mukomene akupuluka,