Isaya 66:10 - Baibo Busansulushi Bwa Libuku Ili

¹⁰ “Amusangalale akukondwa pantu pomwi aJelusalemu mwebo noonse nomusuni ndabala iyi. Amusangalale cankusu mwebo nomwiilililaako mumapensho a njiyo.

Isaya 66:10 ပူးပေါင်းရင်းမြစ်များ

Kulumbaisha 122:6

Amupailile luumuno muJelusalemu. Mupaile ayi, “OJelusalemu, bantu abo bakusuni baswitilile.

Kulumbaisha 137:6

Mulaka aukalamatile kwiculu lya mulomo, na nkakuluube oJelusalemu, nabi na nkabule kukuyeeya ayi ndiwe wiindaawo kunsangalasha.

Kulumbaisha 26:8

NoBaami baLesa, Ŋanda njemukalaamo ndiisuni, nkokwaamba ayi musena uyo mucanika bulemu bwanu.

Isaya 25:9

Ici caakucitika, muntu woonse ulaakwaamba ayi, “Ncakwiila nguLesa wesu! Twakacinka manungo muli nguwe, ono anaapa watupulusha. Ncakwiila nguMwaami Lesa! Twakacinka manungo muli nguwe, ono anaapa tulikondetwe alimwi tulisangalete ceebo watupulusha.”

Isaya 35:2

Luyanga lulaakwiimba cakusangalala. Lulaakubotabo anga ntulundu twa Lebanoni akuba amboleshi anga njimyuunda ya kuKamelo nabi kuShaloni. Bantu boonse balaakubona bulemu bwa Mwaami Lesa, ee, balaakwishiba nkusu abulemu nshaacite.

Isaya 44:23

Amwiimbe nyimbo shakusangalala noliculu ceebo Mwaami Lesa ngowacita boobo. Amwiimbe cakoolobesha nocishi ca panshi. Amwebo notulundu, nomisaansa ashisamu shoonse amwiimbe. Ceebo Mwaami Lesa ngowalubula bamulunyungu lwakwe Jakobo. Ncakwiila Mwaami Lesa ngowatondesha bulemu mbwaacite muIsilaeli.

Isaya 51:3

“Ndaakunyumfwila nkumbu ndabala ya Jelusalemu abaabo boonse bekala mumatongo a njiyo. Nakubi kwaamba ayi cishi ca njiyo nduyanga, ndaakucilengesha kuba anga muEdeni. Ncakwiila cilaakusandulwa kuba anga ngumuunda wa Mwaami Lesa. Bantu uko balaakunoosangalala akukondwa. Balaakunoolumba alimwi balaakunokwiimba.

Isaya 65:18

Amukondwe akusangalala kwalyoonse alyoonse pasheesho nsheshi nkaleenge, mukwiinga Jelusalemu ngweshi nkaleenge mulaakunoolibo kusangalala. Abalo bantu beshi bakanookalaamo balaakunooli bantu bakondetwe.

Isaya 9:3

NoBaami baLesa, mushobo wa bantu banu mwaufusha, Kusangalala kwa bantu banu mwakufusha. Balasangalala pameenso anu bweenka bantu mbobasangalala pakutebula. Ee, bweenka mbobasangalala basankwa pakubaana shakasaalwa.

Esekelo 9:4

akumwaambila ayi, “Koya mundabala ya Jelusalemu yoonse ukabike cishibilo pankumo sha baabo boonse batoolila akupenshekwa mumyoyo ceebo ca shintu shilensha bunya shitoocitwa muli njiyo.”

Dutolonomi 32:43

“Mwebo nomishobo yoonse, kamulumbaisha bantu ba Mwaami Lesa. Ulaakupa mulandu abo babacaya akuboosha cishole kubalwani, sombi ulalekelela bantu bakwe.”