Isaya 65:7 - Baibo Busansulushi Bwa Libuku Ili

⁷ Ndaakuboosha cishole pabubi bwabo abwakacita bamashali babo bakulukulu. Mukwiinga bakalinga kubenga milambu pamisena yakulambililaawo ya patulundu akubisha liina lyangu patulundu uto, ndaakubapa mulandu, ee, mulandu weelete pashintu shoonse nshebakacita kale kale.” Mwaami Lesa waamba.

Isaya 65:7 ပူးပေါင်းရင်းမြစ်များ

1 Baami 22:43

Bweenka bwakacita baishi baAsa bataanshi pali nguwe, wakacita shiluleme pameenso a Mwaami Lesa. Sombi misena yakulambililaako ya patulundu taikwe kumwayoolwa. Paceebo ceeco bantu bakatolelela kubenga milambu akutenta tununkila kabotu uko.

1 Baami 22:44

Jeoshafati wakapanga cibusa amwaami wa bene Isilaeli.

2 Baami 12:3

Nakubi boobo misena yakulambililaako ya patulundu taikwe kunyonyoolwa. Aboobo bantu bakatolelela kubenga milambu akuya mukutenta tununkila kabotu uko.

2 Baami 14:4

Nakubi boobo misena yakulambililaako ya patulundu taikwe kunyonyoolwa. Aboobo bantu bakatolelela kubenga milambu akuya mukutenta tununkila kabotu uko.

2 Baami 15:35

Nakubi boobo misena yakulambililaako ya patulundu taikwe kunyonyoolwa. Aboobo bantu bakatolelela kubenga milambu akuya mukutenta tununkila kabotu uko. Jotamu ngowakayaka Mwinjililo wakumatwa wa Ŋanda yakwe Lesa.

2 Baami 16:4

Aasi wakalinga kubenga milambu akutenta tununkila kabotu kumisena yakulambililaako ya patulundu alimwi amunshaashisamu shicite shimfule shibotu.

2 Makani 21:11

Wakayaka misena yakulambililaako ya patulundu mucishi ca tulundu ca Juda akulengesha bene Juda abene Jelusalemu kubisha pameenso a Mwaami Lesa.

Kulonga 20:5

Utafukamini cibumbwabumbwa cili coonse nabi kucilambila, mukwiinga nebo neMwaami Lesa, Lesa wanu, ndi shibusuba. Ndapa mulandu bantu abo bampatite, alimwi akubamulunyungu lwabo kushikila akulishalane lyatatu alyane.

Isaya 10:12

Sombi Mwaami Lesa waamba ayi, “Ndamanisha kucita nsheentoocita paKalundu ka Siyoni amundabala ya Jelusalemu, ndaakupa mulandu muleli munene wa kuAsilya ceebo cakulisumpula, ee, ceebo cakulinaamuna kwakwe.”

Isaya 13:11

Mwaami Lesa waamba ayi, “Ndaakupa mulandu cishi coonse ceebo ca bubi bwa ncico akunyonyoola bamucita shibi ceebo ca shibiibi shabo. Ndaakuceesha bantu balisumpula. Ndaakumana kulinaamuna kwa baabo beshilunkutwe.

Isaya 22:14

Mwaami Lesa, ee, Mwaami Lesa Shinkusu shoonse waŋambila ayi, “Cibiibi cabo teshi cikalekelelweewo kushikila bakafwe. Nebo neMwaami Lesa, Lesa Shinkusu shoonse ndaamba.”

Isaya 26:21

Amubone Mwaami Lesa ulaakuswa muŋanda yakwe ya kwiculu kwisa mukupa mulandu bantu bamucishi ca panshi ceebo ca shibiibi shabo. Cishi ca panshi cilaakuyubulula bulowa bwakatilwa muli ncico. Teshi cikashiseewo abo bakacaikwa.

Isaya 28:21

Ono Mwaami Lesa ulaakunyamuka bweenka mbwaakacita paKalundu ka Pelasimu. Ulaakukalala bweenka mbwaakacita muCinyika ca kuGibyoni. Ulaakucita mulimo wakwe nabi cikaboneke ayi nceensu. Mulimo wakwe ulaakuumanisha, ee, mulimo wakwe uyo wabushishi.

Isaya 29:14

Paceebo ceeco bantu aba ndaakubakankamika alimwi. Balaakubona shaankamiko peculu lya shaankamiko. Ndaakumana busongo bwa basongo, alimwi ndaakulobya maano a bantu bacenjete.”

Isaya 3:11

Sombi mapensho kubamucita shibi! Balo balaakunyonyoolwa. Nshebakalinga kucita kubamwi, shilaakuboolela mbabo.

Isaya 30:13

cibiibi canu ici cilaakumubeta anga ndubumbu lulaamfu lucite mwaansha utooya cilakamuka. Lubumbu ulo lulawa cakufwambaana alimwi cakuteengashila.

Isaya 30:14

Ncakwiila lulapwayooka mutupanshapansha anga ninongo yapwaikwa cakutanenekela. Mpoyapwaikila palabula akapansha keenga kasebenseshekwa kulapula mulilo, nabi kutekwishako maanshi mumungomo.”

Isaya 57:12

Mwebo mulayeeya ayi ncemutoocita cililuleme, sombi micito yanu ndaakwiiyubulula alimwi shibumbwabumbwa teshi shikamucafweewo.

Isaya 57:7

Mwakalipangila amalo patulundu tulaamfu apo mpomucitila bulale. Apo mpomunya mpomuya mukubengela milambu.

Isaya 59:18

Ono balwani bakwe abo ulaakubalambula kweelana asheesho nshebakacita. Ulaakunyumfwisha balwani abo cilemeneshi ca bukali bwakwe, ee, ulaakubooshela cishole abo bamupatite. Ulaakupa bantu beenka abo bekala kulaale, isho nshebeelete.

Isaya 65:6

“Amubone mulandu wabo ulilembetwe kale, ncakwiila teshi nkoomunebo, sombi ndaakuboosha cishole cikwene, ee, cishole pabubi ubo mbobakacita.

Isaya 66:4

Paceebo ceeco ndaakubaletela mapensho Ndaakubaletela shintu sheenka nshebaloonda mukwiinga ndindakeeta, taaku wakakumbula. Ndindakamwaambila tamukwe kukutika. Bakacita bubi pameenso angu. Ee, bakasala kucita shintu shitankoondi.”

Jelemiya 13:25

Ici nceshi cikacitike kuli ndimwe. Cilaakuba ncecipansha nceshi nkamupe mukwiinga mwebo mwakanduba akucinka manungo mubalesa babubeshi.

Jelemiya 13:27

Micito yanu ifundoosha kumoyo njemucita patulundu amumyuunda ndiibwene. Nkokwaamba ayi mulacita bulale alunkumbwa lwa pabamuka babyaanu. Mapensho kuli ndimwe nobene Jelusalemu! Citooba ciindi cilaamfu buyani kamutasalalite?”

Jelemiya 16:18

Ndaakubalengesha kupekwa milandu yobilo ceebo ca shibiibi abubi bwabo. Balengesha cishi cangu kutanoosalalite ashibumbwabumbwa shabo shitayooyi anga njimituntu. Ncakwiila bacisusha balesa bakubeca.”

Jelemiya 5:29

Sa inga nshibapi mulandu pasheeshi? Sa inga nshipilushishi bubi pamushobo uli mbuli wooyu?

Jelemiya 5:9

Sa inga nshibapi mulandu pasheeshi? Sa inga nshipilushishi bubi pamushobo uli mbuli wooyu?

Esekelo 18:6

Muntu uyo kaatali milambu yakabengwa kumisena yakulambililako balesa beensu nabi kulambila shibumbwabumbwa sha mushobo wa bene Isilaeli. Taabishi muka shikamukobonyina nabi kukumana amwanakashi wakubala.

Danyelo 9:8

NoBaami baLesa, swebo, bamaami besu, baleli besu alimwi abamashali besu bakulukulu tulaliletela musebaanyo ceebo twakamubishisha.

Osiya 11:2

Sombi bweenka mankanda ngondakalinga kumwiita mbwaakalinga kuya cifula, mbweeke ubo alakwe mbwaakalinga kuya citalamuka kuswa kuli ndime. Bantu bangu bene Isilaeli bakalinga kubenga milambu kuli Baali akutenta tununkila kabotu kushibumbwabumbwa.

Osiya 2:13

Ndaakubapa mulandu ceebo ca shiindi nshebakatentela Baali tununkila kabotu. Bakalifwalika ninga abulungu bwamakwebo akuya cikonkela basunikwi babo, sombi nebo bakandubaako. Nebo neMwaami Lesa ndaamba.

Bene Lefi 26:39

Ono abo beshi bakacaaleewo pakati kanu mushishi sha balwani, balaakunyonyooka ceebo ca bubi bwanu nobeene alimwi abubi bwa bamashali banu bakulukulu.

Shakubelenga 32:14

Ono mwebo nolishalane lipya lya bamucita shibi, anaapa mweemikana mumusena wa bamashali banu bakulukulu akulengesha ayi Mwaami Lesa eendeewo kukalalila bene Isilaeli!

Luka 6:38

Amupe babyaanu shintu nshibatacite, Lesa alakwe ndyeshi akamupe nshemutacite. Lesa ulaakumupa mucipimo cibotu cishindailitwe kashisempooka. Cipimo ncemupiminaamo bamwi alakwe Lesa nceshi akamupimineemo.”

1 Bene Tesalonika 2:16

Bakeelesha kutukasha kushimikila Makani Abotu kubaswamashi bakunsengwe ayo Lesa ngweenga wabapulushishaamo. Paceebo ceeco balibunjikila shibiibi shabo shoonse, cakwaamba ayi bulya bukali bwakwe Lesa bwabashikila.