Isaya 65:2 - Baibo Busansulushi Bwa Libuku Ili

² Ciindi coonse ndalinga kulibambite kucafwa bantu beshicimpamya. Ee, bantu beenda munshila shibiibi. Mbantu bakonkelabo shamiyeeyo yabo.

Isaya 65:2 ပူးပေါင်းရင်းမြစ်များ

Matalikilo 6:5

Ono Mwaami Lesa ndyaakabona mbuli womwi awomwi pacishi ca panshi mbwaakalinga mububi, akubica kwa miyeeyo yabo ciindi coonse,

Kulumbaisha 36:4

Balo nabi balilete pabulo mulimo wabo nkupanga miyeeyo ibiibi. Taaku cintu cibotu nabi comwi ncebacita, alimwi taaku cintu cibiibi cili coonse ncebakakaawo.

Kulumbaisha 36:5

Mwebo noBaami baLesa lusuno lwanu lutamaani ndunene abuumbi cakushika akwiculu, Ncakwiila akwalo kushomeka kwanu kulashika mwiculu muli nyenyeenshi.

Tushimpi 1:24

Ndindakamwiita mwakankakila. Taaku muntu nabi womwi wakanyumfwila ndindakamulabula.

Tushimpi 16:29

Shilunkutwe ulayungoola mubye akumweensha munshila itabete kabotu.

Isaya 1:2

Mwaami Lesa wakaamba ayi, “Webo oliculu awebo ocishi ca panshi, amukutike munyumfwe nceentokwaamba. Bana bangu abo mbondakalela akukusha bangalookila.

Isaya 1:23

Batanjilili bako mbaashu alimwi baleendelana abeepi. Ncakwiila mbantu basunishi makulo akutambula shipo. Tabeemikaniniwo banabanshiwa munkuta nabi kukutika na bamukalubinje banakashi baleta makani kuli mbabo.

Isaya 30:1

Mwaami Lesa waamba ayi, “Mapensho kubaabo beshicimpamya, ee, kubaabo bacita shamumiyeeyo yabo beene kuleka yaangu. Balapanga shipangano, sombi cakutatanjililwa aMushimu wangu. Mukucita boobo balalundika shibiibi peculu lya shibiibi.

Isaya 30:9

Bantu aba mbaashu, mbabeshi mbaana batalibambite kunyumfwila milasho ya Mwaami Lesa.

Isaya 55:7

Mucita shibi ashiye nshila shakwe, ee, shikubisha aleke miyeeyo yakwe ibiibi. Aapilulukile kuMwaami Lesa, alakwe utoomunyumfwila nkumbu. Aapilulukile kuli Lesa mukwiinga ulalekelela cakutalipilaawo nakaceyi.

Isaya 55:8

Mwaami Lesa waamba ayi, “Miyeeyo yangu teebete mbuli yaanu. Ashalo nshila shangu shilipusene ashaanu.

Isaya 63:10

Nakubi boobo bakamwaashukila akukalasha Mushimu wakwe Usalashi. Aboobo wakabaalookila akuba mulwani wabo ncakwiila wakabalwana mwiine.

Isaya 66:18

Miyeeyo yabo alimwi amicito yabo ndiishi. Ono ntoosa mukubunganya bantu ba mumishobo yoonse. Lyalo baakubungana, balaakubona shikonsha kucita nkusu shangu

Isaya 66:3

Sombi bantu batola nshila shabo. Kuli mbabo tacipuseneewo kubenga mucende akubenga muntu ayi ngumulambu. Tacipuseneewo balo kubenga mwanaambelele akubenga kabwa ayi ngumulambu. Tacipuseneewo kupa cipo ca shili anga ngamaila akubenga bulowa bwa nkumba. Tacipuseneewo kupa cipo ca tununkila kabotu twaciibalusho alimwi akupaila kushibumbwabumbwa.

Isaya 66:4

Paceebo ceeco ndaakubaletela mapensho Ndaakubaletela shintu sheenka nshebaloonda mukwiinga ndindakeeta, taaku wakakumbula. Ndindakamwaambila tamukwe kukutika. Bakacita bubi pameenso angu. Ee, bakasala kucita shintu shitankoondi.”

Jelemiya 18:12

Sombi balo balaakukumbula ayi, ‘Tacicite mulandu. Tutootolelela amiyeeyo yesu sobeene. Womwi awomwi unanookonkela bushicimpamya bwa moyo wakwe ubiibi.’ ”

Jelemiya 3:17

Ciindi ico balaakunookwiita ndabala ya Jelusalemu ayi, ‘Cuuna ca bwaami ca Mwaami Lesa.’ Uko mishobo yoonse nkweshi ikabungane kulemeka liina lya Mwaami Lesa. Lyalo teshi bakakonkele tubili bwaashu bwa myoyo yabo ya bushicimpamya.

Jelemiya 4:14

Nobene Jelusalemu amusanshe bubi kuswa mumyoyo yanu kwaamba ayi mupuluke. Ino mulaakucileka lili kuyeeya shibiibi?

Jelemiya 5:23

Sombi mwebo muli beshicimpamya alimwi baashu. Mwakamfutatila akutola nshila shanu nobeene.

Jelemiya 7:24

Sombi balo tabakwe kunyumfwila nabi kubikako maano. Bakakonkela miyeeyo ibiibi ya myoyo yabo ya bushicimpamya. Bakalinga kuya ciboolabo pesule cakutayawo kunembo, sobwe.

Shakubelenga 15:39

Mansambaala ayo alaakunoomwiibalusha milawo yangu neMwaami Lesa akwiikonkela lyoonse na mwaabona. Aboobo teshi mukakonkele lunkumbwa lwa myoyo yanu ameenso anu.

Mateyo 15:19

Mukwiinga mumoyo momuswa miyeeyo ibiibi, ya bucayi, bulale, bufuule, bwiipi, bukamboni bwakubeca alimwi abufuyishi.

Mateyo 23:37

“Webo Jelusalemu, Jelusalemu, noocaya balaluki akuuma mabwe bantu abo Lesa mbwaatuma kuli ndiwe! Liinji liinji ndalinga kusuni kubunganya bantu bako bweenka mbuli nkuku mboifukatila twaana twanjiyo mumapapaminwa, sombi webo wakakaka!

Luka 13:34

“Webo Jelusalemu, Jelusalemu, noocaya balaluki akuuma mabwe bantu abo Lesa mbwaatuma kuli ndiwe! Liinji liinji ndalinga kusuni kubunganya bantu bako bweenka mbuli nkuku mboifukatila twaana twa njiyo mumapapaminwa, sombi webo wakakaka!

Bene Loma 10:21

Sombi pabene Isilaeli, Lesa ulaamba ayi, “Bushiku boonse ndakatandabika maansaangu ayi mbooshe kumubili bantu batanyumfwili alimwi beshicimpamya.”

Bene Loma 2:5

Ono ceebo uli shicimpamya utoolengesha Lesa ayi akeendeewo kukutondesha bukali bwakwe pabushiku ndyeshi akoomboloshe bantu boonse mubululami.

Dutolonomi 29:19

Anu kutabi muntu nabi womwi pabushiku bwasunu utoonyumfwa maswi aya, pesule alyuume pacaamba akwaamba ayi taaku ceenga cacitika nabi kaacita kuyanda kwakwe mwiine. Ici inga canyonyoola ndimwe noonse, baluleme alimwi abataluleme.

Dutolonomi 31:27

Nebo ndishi bwaashu abushicimpamya mbobacite. Balo bakalinga kwaashukila Mwaami Lesa nebo kaancili muumi, ono cilaakweela kuli na nkafwe!

Dutolonomi 9:7

“Kuteelesha kuluba mbomwakalengesha Mwaami Lesa kukalala muluyanga. Kuswabo bushiku mbomwakaswa mucishi ca Ijipiti kushikila abushiku mbomwakashika waano mwakalinga kumwaalookila.