Isaya 65:1 - Baibo Busansulushi Bwa Libuku Ili

¹ Mwaami Lesa waamba ayi, “Ndakaliyubulula kubantu abo batakalinga kumpaila. Ndakalibika patuba kubaabo batakalinga kunyandoola. Ncakwiila kumushobo watakalinga kunambila, ndakaamba ayi, ‘Mpoondi, ndaakumucafwa.’

Isaya 65:1 ပူးပေါင်းရင်းမြစ်များ

2 Samwelo 1:7

Ndyaakacebuka akumbona, wakangolobesha, mpeeke anebo ndakeepusha ayi, ‘Mulisuni ayi ncite buyani nkambo?’

Kulumbaisha 22:27

Bantu ba mumishobo yoonse balaakwiibaluka akusandukila kuMwaami Lesa. Ndushinisho bamumaanda a mishobo imwi yoonse balaakumulambila,

Isaya 11:10

Bushiku bulaakushika mwaami uyo wamulunyungu lwakwe Jese ndyeshi akeemikanine bantu anga nimbembela yakukoma. Mishobo ya bantu ilaakumuyobolokela alimwi musena ngweshi akekaleewo ulaakunoocite bulemu.

Isaya 40:9

Mwebo nomuleta makani abotu muSiyoni, amutante peculu lya kalundu kalaamfu. Mwebo nomuleta makani abotu muJelusalemu, amwaambe cakoolobesha. Amoolobeshe, mutaloondi. Amulwiite ba mumandabala a Juda ayi, “Lesa wanu ngooyu!”

Isaya 41:27

Sombi nebo neMwaami Lesa ndime mutaanshi kulwiita bene Siyoni cikani ico. Ndakatuma shinkombe mukulwiita bene Jelusalemu ayi, ‘Bantu bene mishaanu bali munshila! Ee, batooboola uko kumishaabo!’

Isaya 43:1

Ono Mwaami Lesa, Lesa uyo wakamulenga nobamulunyungu lwakwe Jakobo, ee, uyo eenka wakamubumba mwebo nobene Isilaeli waamba ayi, “Mutaloondi, ndaakumufuna. Ndakamwiita liina, muli baangu.

Isaya 45:22

“Anu noonse amusandukile kuli ndime, mupulushikwe, ee, noonse kuswa kweela cishi ca panshi ankoceela. Ndimebo neenka neLesa, ndushinisho taaku aumwi.

Isaya 55:5

Ndushinisho mulaakwiita mishobo ya bantu mbomuteshiiwo napaceyi. Mishobo ya bantu abo batamwishiiwo balaakwisa kuli ndimwe cakufwambaana ceebo ca Mwaami Lesa, Lesa wanu Usalalite wa bene Isilaeli uyo wakamufwalika bulemu.”

Isaya 63:19

Swebo tuli bantu banu kuswabo kale kale sombi balo tamuna kubawo kale baleli babo, ncakwiila tabakwe kwiitwawo kale muliina lyanu.

Osiya 1:10

“Nakubi boobo bene Isilaeli balaakufulabo anga ngumuseese wa kuloombe lwa lweenga, ee, utakoonshi kupimwa nabi kubelengwa. Bulya ntokwaamba ayi, ‘Tamubete bantu bangu,’ sombi bushiku bulaakushika ndyeshi nkaambe ayi, ‘Mwebo muli bantu bangu nebo neLesa muumi.’

Sekaliya 2:11

Paciindi ico mishobo iinji ilaakwisa kuMwaami Lesa akuba bantu bakwe. Ulaakwikala pakati kanu alimwi mulaakwishiba ayi Mwaami Lesa Shinkusu shoonse ngowantuma kwisa kuli ndimwe.

Luka 13:12

Jesu ndyaakabona mwanakashi uyo wakamwaambila ayi, “Nankashi, waangululwa kubulwashi bwako!”

Joni 1:29

Mpeeke bushiku bwakaboolaawo Joni wakabona Jesu keesa kuli nguwe. Lyalo wakoolobesha ayi, “Amubone Mwanaambelele wakwe Lesa uyo ukusha shibiibi sha bantu ba mucishi coonse ca panshi!

Bene Loma 10:20

Lesa wakaamba alimwi cankusu kwiinda muli Isaya ayi, “Nebo bakancana, mbantu batakalinga kunyandoola, ndakaboneka kubantu batakalinga kunsenga ayi bamboone.”

Bene Loma 9:30

Ncetutokwaamba nceeci, baswamashi bakunsengwe tebakalinga kweelesha kulilulamika pameenso akwe Lesa. Sombi Lesa wakabalulamika ceebo bakamushoma.

1 Pita 2:10

Kale kale temwakalinga bantu bakwe Lesa, sombi ono muli bantu bakwe. Kale kale temwakalinga kwishi nkumbu shakwe Lesa, sombi ono mwatambula nkumbu shakwe.