Isaya 64:9 - Baibo Busansulushi Bwa Libuku Ili

⁹ NoBaami baLesa mutakalalilibo limwi pali ndiswe cakutabooshamo myoyo. Muteebaluki shibiibi shesu kwamuyayaya mukwiinga soonse tuli bantu banu.

Isaya 64:9 ပူးပေါင်းရင်းမြစ်များ

2 Baami 25:9

Mpeeke wakatenta Ŋanda yakwe Lesa, ŋanda ya bwaami alimwi amaanda oonse a bacinenenene muJelusalemu.

Kulumbaisha 119:94

Amumfuune mukwiinga ndi wanu, ndeelesha kukonkela milasho yanu.

Kulumbaisha 38:1

NoBaami baLesa, mutankalalili mubukali bwanu nabi kumpa mulandu kamumfundilite.

Kulumbaisha 6:1

NoBaami baLesa mutankalalili cabukali, alimwi mutangumi cakubisha moyo.

Kulumbaisha 79:13

Lyalo swebo sobana banu sombelele sha mulitanga lyanu tunanoomulumba lyoonsebo. Kuswa kulishalane tibili akulishalane limwi tunanoomulumbaisha lyoonse alyoonse.

Isaya 43:25

“Nebo, ee, nebo ndime nshiminganya shibiibi shanu ceebo ca mibo yangu alimwi cakutashiibalukawo tubili.

Isaya 57:17

Ndakalinga ndabakalalila ceebo ca shibiibi shabo alimwi abulyabi. Ndakabapa mulandu akubafutatila ceebo ndakakalala. Nakubi boobo bakatolelela anshila shabo shibiibi.

Isaya 60:10

Baswamashi mbweshi bakayakulule imumbu shako, ncakwiila bamaami babo balaakutalika kukusebensela. Nabi ndakakuuma ceebo ca bukali sombi mukusangalala ndaakukunyumfwila nkumbu.

Isaya 63:18

Kwaciindi ciniini musena wanu usalalite wakalinga mumaansaanu sombi bulya balwani banu balyatoola musena wanu uyo.

Isaya 63:19

Swebo tuli bantu banu kuswabo kale kale sombi balo tamuna kubawo kale baleli babo, ncakwiila tabakwe kwiitwawo kale muliina lyanu.

Isaya 63:8

Mwaami Lesa wakaamba ayi, “Aba mbantu bangu, bana bangu abo batakoonshi kumbeca.” Nceceeco ncaakabeta Mupulushi wabo.

Jelemiya 10:24

NoBaami baLesa, amundulike, mubululami bwanu, kuteshi mubukali bwanu ceebo inga mwanyonyoola cakumaninina.

Jelemiya 3:12

Koya ukaambilishe makani aya kumatwa ayi, ‘Piluka Isilaeli webo nootashomeki, Teshi nkakulangewo tubili cakukushibuluka ceebo ndi muntu ucite nkumbu. Teshi nkakubikilewo mfundilishi kwamuyayaya, sobwe.

Jelemiya 44:21

“Sa Mwaami Lesa taakwe kwiibaluka akuyeeya tununkila kabotu uto ntomwakalinga kutenta mumandabala a kuJuda amumikwakwa ya muJelusalemu, ee, mwebo, bamashali banu bakulukulu, bamaami, bacinenenene banu alimwi abantu ba mucishi?

Malilo 2:7

Mwaami Lesa wakakaka cipaililo cakwe akushiya musena wakwe usalalite. Waaba lubumbu lwa maanda a bwaami kubalwani, abalo bakacita ciyobeyobe cakukoma muŊanda ya Mwaami Lesa anga mpabushiku bwakusekelela busalitwe.

Malilo 5:18

ceebo Kalundu ka Siyoni kacaalabo mumatongo, ncakwiila bamwaaba batokwiindaanabo mumatongo a nkako.

Malilo 5:20

NoBaLesa ino ceebonshi mulatuluba lyoonse? Ino mwatulekelela buyani kwaciindi cilaamfu?

Malilo 5:22

NoBaami baLesa, sa mwatukaka kwamuyayaya? Sa bukali bwanu buyoosha teshi bukamaane?

Esekelo 29:16

Bene Isilaeli teshi bakacinkewo tubili manungo mucishi ca Ijipiti, sombi mapensho a ncico alaakunoobeebalushabo mbocibete cibiibi kusenga lucafwo kuli ncico. Lyalo ndyeshi bakeshibe ayi nebo ndi Mwaami Lesa Shinkusu shoonse.”

Bene Lefi 26:31

Mandabalaanu anene ndaakwaalula matongo akunyonyoola misena yanu yakulambililaawo alimwi akukaka kutambula milambu yanu.

Abakuku 3:2

NoBaami baLesa ndakanyumfwa sheesho nshemwakacita. Nebo ndamulemeka abuumbi ceebo ca shintu isho nshemucita. Ono amushicite alimwi munshiku shesu shino. Ee, amushipukishe muciindi cesu cino. Kamutunyumfwila nkumbu nabi mwakalala.

Malaki 1:4

Ono bamulunyungu lwakwe Esau, bene Edomu, inga baamba ayi, “Nacibi kwaamba ayi mandabala esu anyonyoolwa, tulaakwaayaka alimwi.” Sombi Mwaami Lesa Shinkusu shoonse ulaakwaamba ayi, “Nabi bakayake, nebo ndaakwaanyonyoola. Cishi cabo cilaakunokwiitwa ayi, ‘Cishi cabubi’, alimwi balaakuba ‘mushobo uyo Lesa ngweshi akape mulandu wamuyayaya.’ ”

2 Pita 2:17

Bantu aba bali anga ntuntupu tutacite maanshi alimwi anga ngushikunku utolaanishikwabo amuuwo. Lesa wakababambila musena ushiyabo mbi.

Ciyubululo 20:10

Lyalo Mubiibi uyo wakabacenjeeka, lakwe wakawaalwa mulweenge lwa mulilo alimwi asalufa umo mwakalinga kale munyama uyo alimwi amulaluki mubeshi. Balo balaakunoopenshekwa malumwi amashiku lyoonse alyoonse.