Isaya 64:8 - Baibo Busansulushi Bwa Libuku Ili

⁸ Sombi mwebo noBaami baLesa ndimwe beeshiwesu. Swebo tulibo anga mbulongo, sombi mwebo ndimwe babumbi. Ndimwe mwakatulenga soonse amaansaanu.

Isaya 64:8 ပူးပေါင်းရင်းမြစ်များ

Jobo 10:3

Sa cilamukonda kundyatilila akunsebaanya nemulimo wa maansaanu, sombi kamukondwa milimo ya bamucita shibi?

Kulumbaisha 100:3

Amwishibe ayi Mwaami Lesa, ngoLesa! Ngowakatulenga alimwi tuli bantu bakwe. Tuli bantu bakwe mbwaaembela anga nimbelele.

Kulumbaisha 119:73

Ndakalengwa akubumbwa kuswa kumaansaanu. Ono amumpe maano kwaamba ayi njiye milawo yanu.

Kulumbaisha 138:8

NoBaami baLesa mulaakuncitila shoonse nshemwakanshomesha. Lusuno lwanu noBaami baLesa ndwamuyayaya. Mutalekeleshi milimo ya maansaanu.

Kulumbaisha 74:1

Mwebo nobaLesa, nciinshi ncemwatufutatilila kwaciindi cilaamfu bobulya? Ino nciinshi ncemwakalalila bantu banu kwalyoonse alyoonse?

Kulumbaisha 95:6

Kamwisa tumulambile cakushisha shiwa panshi. Atufukame pameenso a Mwaami Lesa uyo wakatulenga,

Kulonga 32:12

Ceebonshi mulisuni bene Ijipiti baambe ayi, ‘Wakakusha bantu bakwe kuswa mucishi ca Ijipiti kwaamba ayi abacailebo limwi mutulundu akubanyonyoola cakumaninina.’ Mutakalali, amupilule miyeeyo yanu, mutaleti makatasho pabantu banu.

Kulonga 4:22

Anu webo ulyeelete kumulwiita ayi nebo neMwaami Lesa ndaamba ayi, ‘Isilaeli ngomwanaangu musankwa wakwiiya.

Isaya 19:25

Mwaami Lesa Shinkusu shoonse ulaakubapa coolwe mukwaamba ayi, “Pabene Ijipiti bantu bangu, pabene Asilya bantu mbondakalenga apabene Isilaeli bantu mbondakalisalila, apabe coolwe.”

Isaya 29:16

Mulasandamuna shintu shoonse, mwebo mulayeeya ayi shikubumba ulyeelenebo ashintu nshaabumba. Ono sa cakabumbwa inga caambila wakacibumba ayi, “Teshi ngowakamumba?” Nabi na nongo inga yaambila shikubumba ayi, “Toocishi ncootoocita?”

Isaya 43:25

“Nebo, ee, nebo ndime nshiminganya shibiibi shanu ceebo ca mibo yangu alimwi cakutashiibalukawo tubili.

Isaya 43:7

Boonse mbantu bangu, ndakabalenga ayi banoompa bulemu.”

Isaya 44:21

Mwaami Lesa waamba ayi, “Nobamulunyungu lwakwe Jakobo amwiibaluke shintu ishi, nobene Isilaeli, mwebo muli basebenshi bangu. Ndakamulenga kwaamba ayi mube basebenshi bangu. Ncakwiila nebo teshi nkamulubeewo.

Isaya 44:24

Ono Mwaami Lesa, Mupulushi wanu uyo wakamubumba mumala mubamanyinawanu, waamba ayi, “Ndime Mwaami Lesa uyo wakapanga shintu shoonse. uyo wakatandabika liculu eenka akuyala cishi ca panshi coonse kwakubula auncafwa.

Isaya 45:11

Ono Mwaami Lesa, Lesa Usalalite wa bene Isilaeli uyo wakababumba waamba ayi, “Sa inga mwanjipusha shabana bangu nabi kundwiita nceenjelete kucita?

Isaya 45:9

Mapensho kumuntu upikishanya awooyo wakamubumba ceebo lakwe ulibo anga cikaye ca nongo pakati ka shimwi shoonse. Ono sa bulongo inga bwaambila shikubumba ayi, “Anu utoobumbanshi?” Sa nongo inga yamwaambila ayi, “Toocitewo buuya?”

Isaya 57:16

Teshi nkatolelele kumupa milandu nabi kunoopulwita bukali pali ndimwe. Na ndatolelela, bantu inga bafwa. Ee, inga bafwa bantu abo nebo nemwiine mbondakalenga.

Isaya 60:21

Lyalo bantu bako boonse balaakutalika kucita shiluleme. Acalo cishi cilaakuba cabo kwalyoonse alyoonse. Bantu bako nshishango shangu. Ncakwiila nebo nemwiine ndime ndakabalenga kwaamba ayi batondeshe bulemu bwangu.

Isaya 63:16

Ono Mwebo ndimwe beeshiwesu, nakubi kwaamba ayi Abulaamu taatwishi, ee, nabi Isilaeli taakoonshi kutukumbula mwebo noBaami baLesa ndimwe beeshiwesu. Ndimwe Bapulushi besu alimwi ili ndyeliina lyanu kuswabo kale kale.

Isaya 63:8

Mwaami Lesa wakaamba ayi, “Aba mbantu bangu, bana bangu abo batakoonshi kumbeca.” Nceceeco ncaakabeta Mupulushi wabo.

Isaya 9:6

Ceebo mwaana washalwa pakati kesu, ee, twapekwa mwaana musankwa. Bweendeleshi boonse bulaakuba mumaansaakwe. Liina lyakwe unanokwiitwa ayi, “Shikupanda maano Mubotu,” “Lesa Shinkusu shoonse,” “Mushali musankwa wamuyayaya,” alimwi ayi, “Mwaami wa Luumuno.”

Jelemiya 31:9

Balaakunoosa bulila alimwi balaakunoosa bupaila ndaakunoobaboosha. Ndaakubatanjilila mweela milonga ya maanshi, munshila ibotu umo mobatakoonshi kulisuntula. Ndaakucita boobo ceebo ndi anga ngumushali musankwa kubene Isilaeli alimwi bene Efuleemu bali anga ngumwanaangu musankwa wakwiiya.

Osiya 1:10

“Nakubi boobo bene Isilaeli balaakufulabo anga ngumuseese wa kuloombe lwa lweenga, ee, utakoonshi kupimwa nabi kubelengwa. Bulya ntokwaamba ayi, ‘Tamubete bantu bangu,’ sombi bushiku bulaakushika ndyeshi nkaambe ayi, ‘Mwebo muli bantu bangu nebo neLesa muumi.’

Malaki 2:10

Te swebo soonse tulicitebo Ishiwesu womwi? Sa te Lesa womwi wakatulenga soonse? Ino ceebonshi tulapwaya cipangano ico Lesa ncaakabika pakati ka bameeshiwesu bakulukulu kwiinda mukutacita kweelana ambotulashanya?

Joni 8:41

Mwebo mutoocita shintu shakwe ishiwanu nobeene.” Mpomunyaawo balo bakamwaambila ayi, “Tatwishi baana ba mubulale. Tulicitebo ishiwesu womwibo ndondoli, Lesa.”

Bene Galatiya 3:26

Mwebo noonse muli bana bakwe Lesa mukwiinga mulashoma muli Klistu Jesu.

Bene Galatiya 3:29

Na muli bakwe Klistu, nkokwaamba ayi muli bamulunyungu lwakwe Abulaamu, beelete kutambula sheesho Lesa nshaakashomesha.

Bene Efeso 2:10

Ceebo cakuba muli Klistu, Lesa wakalengesha ayi tube mbotubete bulya, kwaamba ayi tucite milimo ibotu iyo Lesa njaakabambilabo limwi ayi twiiciite.

Dutolonomi 32:6

Mwebo nobantu baluya, batacite maano, Sa mbomweelete kucita kuMwaami Lesa bulya? Sa teshi ngoIshiwanu, Mulengi wanu, uyo wakamulengesha kuba mushobo unene?

Dutolonomi 9:29

Nakubi boobo aba mbobantu mbomwakasala nobeene kuba baanu alimwi mbomwakakusha muIjipiti kwiinda munkusu shanu shinene.’