Isaya 64:4 - Baibo Busansulushi Bwa Libuku Ili

⁴ Ncakwiila kuswabo kale kale taaku wakanyumfwaawo nabi kubonaawo Lesa uli mbuli ndimwe, Lesa uyo ucitila baabo balangila muli nguwe.

Isaya 64:4 ပူးပေါင်းရင်းမြစ်များ

Matalikilo 49:18

“Ono oMwaami Lesa, ntoolindilila lupulusho lwako.

Esila 9:7

Kuswa muciindi ca bamashali besu bakulukulu kushikila sunu, shibiibi shesu shafula abuumbi. Ceebo ca shibiibi shesu, swebo, bamaami abapailishi besu twakakomwa kubamaami ba mushishi shimwi, tulacaikwa, kwipilwa akutolwa busha. Ncakwiila twasebaana abuumbi bweenka mbotubete asunu.

Kulumbaisha 103:18

Bantu abo mbobalama cipangano cakwe. Ee, abo bakonkela milawo yakwe cakushomeka.

Kulumbaisha 130:5

Ndalindila lucafwo lwa Mwaami Lesa amoyo woonse. Ndicinkite manungo mumaswi akwe.

Kulumbaisha 31:19

Nshiinji shintu shibotu nshemwakabambila bamulemeka, shintu nshemucitila bantu bacicila kuli ndimwe. Shintu isho shilibwenekete kumuntu uli woonse.

Kulumbaisha 62:1

Moyo wangu ulababo tontolo kulangila kuli Lesa, mukwiinga kuli nguwe eenka nkokuswa lupulusho lwangu.

Isaya 25:9

Ici caakucitika, muntu woonse ulaakwaamba ayi, “Ncakwiila nguLesa wesu! Twakacinka manungo muli nguwe, ono anaapa watupulusha. Ncakwiila nguMwaami Lesa! Twakacinka manungo muli nguwe, ono anaapa tulikondetwe alimwi tulisangalete ceebo watupulusha.”

Isaya 30:18

Nakubi boobo Mwaami Lesa ulisuni abuumbi kumunyumfwila luse. Ulilibambite kumunyumfwila nkumbu ceebo ulacita shintu shiluleme. Balicite coolwe bacinkite manungo muMwaami Lesa!

Isaya 40:31

Sombi bacinkite manungo muMwaami Lesa, balaakunoopekwa nkusu shipya paciindi aciindi. Balaakunooya cuulukoolukabo anga ngumumbankwashi. Balaakunoocica, sombi teshi bakanookopokaawo. Balaakunokweendaana, sombi teshi bakanoowisukaawo kukulema.

Isaya 59:12

“NoBaami baLesa, ncakwiila milandu yesu njiinji pameenso anu. Shibiibi shesu shitootushinina shiine. Shilubo shesu ncakwiila tashitushiili musena, alimwi kusotoka milawo kwesu koonse twakusumina.

Isaya 66:8

Ngani wakanyumfwaawo kale cikani ca mushobo uyo? Ee, ngani wakacibonaawo kale ca mushobo uyo? Sa bantu balakonsha kupanga cishi mubushiku bomwi. Sa mushobo wa bantu ulakonsha kushalwa bushiku bomwi? Sombi ndabala ya Siyoni ilaakubona mushobo wa njiyo kwakuteendaawo mumapensho a mushobo uli woonse.”

Danyelo 9:15

“NoBaami baLesa, baLesa besu, mwakatondesha nkusu shanu mukukusha bantu banu kuswa mucishi ca Ijipiti. Nkusu shanu isho shiciyeeyekwa asunu. Sombi twakabisha alimwi twakalubisha.

Danyelo 9:5

Twakabisha, twalinga kucita bubi alimwi twakalubisha. Twakafutatila milawo amilasho yanu.

Danyelo 9:8

NoBaami baLesa, swebo, bamaami besu, baleli besu alimwi abamashali besu bakulukulu tulaliletela musebaanyo ceebo twakamubishisha.

Osiya 7:7

“Balacaya baleli babo mubukali bwabo. Bamaami balacaikwa womwi awomwi, sombi taaku nabi womwi usenga lucafwo kuli ndime.”

Sekaliya 10:9

Nakubi kwaamba ayi ndakabapalanganishisha pakati ka mishobo imwi, kweenka kushishi shakulaale uko balaakunjibaluka. Balo abana babo balaakunoolibo boomi alimwi balaakuboola kumishaabo.

Mateyo 25:34

Lyalo Mwaami ulaakwaambila baabo beshi bakabe kululyo lwakwe ayi, ‘Amwise kuno, mwebo nomwakapekwa coolwe kuli baTa. Amwinjile muBweene ubo mbomwakabambilwa kuswa kumatalikilo a cishi.

Luka 2:25

Ono muJelusalemu mwakalinga muntu wakalinga kwiitwa ayi Simyoni. Wakalinga muntu usalalite ulemeka Lesa alimwi wakalinga kulangila kupulushikwa kwa bene Isilaeli. Mushimu Usalashi wakalinga pali nguwe.

Joni 14:3

Ndaakumana kumubambila misena, ndaakuboola mukumubwesa kwaamba ayi mutole kooko nkweshi nkanoobete ayi amwebo mukabe nkuko.

Bene Loma 8:19

Shintu shoonse Lesa nshaakalenga shitoolindila abuumbi kuyubululwa kwa bana bakwe.

1 Bene Kolinto 1:7

Paceebo ceeco taaku cipo nabi comwi ca Mushimu ncemutacite bulya ndimutoolindilila kupiluka kwa Mwaami Jesu Klistu.

1 Bene Tesalonika 1:10

Peculu lya waawo mutoolindilila Mwanaakwe kuswa kwiculu wiitwa ayi Jesu, uyo Lesa ngwaakabusha kuswa kubafu. Jesu uyo ngootufuna kuswa kubukali bwakwe Lesa.

1 Timoti 3:16

Ncakwiila shabushishi bwa kupaila kwesu nshinene abuumbi. Nsheeshi, Lakwe wakaboneka mubuntu, wakaambwa aMushimu Usalashi ayi ngooluleme, wakabonwa abaanjelo. Wakashimikilwa pakati ka baswamashi bakunsengwe, wakashomwa kubamucishi ca panshi coonse alimwi akutolwa kwiculu mubulemu.

Bene Ebulu 11:16

Sombi cishi ncebakalinga kulangila cakalinga kwiindaawo kubota, cishi ca kwiculu. Aboobo, Lesa taanyumfwi nsoni pakumwiita ayi Lesa wabo ceebo ngowakabayakila andabala inene.

Jemusi 5:7

Ono mwebo nobamakwesu, amube beshimoyonteeka kushikila Mwaami wesu akese. Amubone mulimi mbwaakomenya moyo kulindila shishango mumyuunda yakwe ayi shicate. Ulalindila mfula itaanshi ayakweelaako camoyonteeka.

1 Joni 4:10

Lusuno lwancinencine mbulya mbolubete. Teshi kwaamba ayi swebo twakataanguna kusuna Lesa, sombi lakwe wakatusuna akutuma Mwanaakwe kwaamba ayi shibiibi shesu shilekelelwe.