Isaya 64:2 - Baibo Busansulushi Bwa Libuku Ili

² Bweenka mulilo mboutenta tusaala akubilisha maanshi, mbweeke ubo amwebo amwise akulengesha liina lyanu kupuka kubalwani banu. Munshila iyo amulengeshe bamumishobo imwi kututuma kunembo lyanu.

Isaya 64:2 ပူးပေါင်းရင်းမြစ်များ

Kulumbaisha 106:8

Sombi wakabafuna kweelana ambwaakabashomesha, kwaamba ayi aboneshe nkusu shakwe shiindaawo kuli mbabo.

Kulumbaisha 46:10

Lesa ulaamba ayi, “Amukale muluumuno akwishiba ayi nebo ndime Lesa, ulemekwa pakati ka mishobo yoonse, alimwi ulemekwa mucishi coonse ca panshi.”

Kulumbaisha 79:10

Ceebonshi mishobo imwi ilyeelete kwaamba ayi, “Lesa wabo uli kuli?” Katulangilisha, amulengeshe mishobo iyi kwishiba ayi mulaboosha cishole pakutila bulowa bwa basebenshi banu.

Kulumbaisha 83:13

NobaLesa, amubalengeshe kuba anga ndusuko, ncakwiila anga buungu buululuka kumuuwo.

Kulumbaisha 9:20

NoBaami baLesa amubalengeshe kuloonda akututuma. Amubalengeshe kwishiba ayi mbantubo mbuli bamwi boonse.

Kulumbaisha 99:1

Mwaami Lesa ulalela, bamumishobo yoonse abatutume. Ulishiite pakati ka bakelebu, cishi ca panshi acitenkaane.

Kulonga 14:4

Ntoolengesha ayi mwaami Falawo abe shicimpamya, aboobo utoomukonkela. Ono kukoma kwangu pamwaami uyo alimwi abashilumamba bakwe kutoondetela bulemu. Lyalo bene Ijipiti balaakwishiba ayi nebo ndime Mwaami Lesa.” Bene Isilaeli bakacita kweelana ambobakalwiitwa.

Isaya 28:21

Ono Mwaami Lesa ulaakunyamuka bweenka mbwaakacita paKalundu ka Pelasimu. Ulaakukalala bweenka mbwaakacita muCinyika ca kuGibyoni. Ulaakucita mulimo wakwe nabi cikaboneke ayi nceensu. Mulimo wakwe ulaakuumanisha, ee, mulimo wakwe uyo wabushishi.

Isaya 37:20

Ono noBaami baLesa, baLesa besu, amutufuune kuswa kubene Asilya, kwaamba ayi mishobo yoonse ya mucishi ca panshi ikeshibe ayi mwebo noBaami baLesa ndimwebo baLesa.”

Isaya 63:12

Uli kuli Mwaami Lesa ulya wakacita shaankamiko kwiinda munkusu shakwe, ee, nkusu shakwe shikankamanisha kwiinda muli Mose? Wakapansaanya maanshi mulweenge bantu bakwe kababweneeko kwaamba ayi akanoolemekwa kwalyoonse alyoonse.

Jelemiya 33:9

Ndabala inene ya Jelusalemu ilaakundetela mpuwo, kusangalala, kulumbaishikwa alimwi abulemu kunembo lya mishobo yoonse ya pacishi ca panshi. Lyalo mishobo ilaakuloonda akututuma pakunyumfwa shintu shibotu nsheshi nkacitile bene Jelusalemu alimwi ambweshi nkabalengeshe kuswitilila akwikala muluumuno.’ ”

Jelemiya 5:22

“Sa nebo tamweelete kunoonda? Ceebonshi tamututumi pameenso angu? Nebo ndakabika museese ayi ngomanyinsa a lweenge. Ngamanyinsa a lyoonse alyoonse ayo lweenge ndwatakoonshi kwiindilila. Maaba inga anyamuka, sombi inga taasubukiiwo. Nabi awoote cili buyani, inga taakoonshi kwiindilila.

Amosi 4:12

“Ono bulya nobene Isilaeli, ntoomupa mulandu. Ono mukwiinga ntoocita boobo kuli ndimwe, amulibambile koomboloshekwa andime neLesa wanu.”

Mika 1:4

Tulundu tutoosunguluka bweenka bucita bukato kumulilo. Tutoopuumukila mushinyika anga ngamaanshi atookunka kuswa pakalundu.

Sekaliya 14:4

Pabushiku bweenka ubo Mwaami Lesa ulaakwiimikana paKalundu ka Olifi ako kalangene andabala ya Jelusalemu kulubasu lwa kwicwe. Lyalo kalundu ako kalaakubanishikwamo tobilo kuswa kwicwe kuya kumbo akupanga cinyika cinene. Musa wa kalundu ako kalaakusena kulubasu lwa kumatwa alimwi musa umwi kumalenge.

Dutolonomi 2:25

Kuswa sunu ntoolengesha mishobo yoonse pacishi ca panshi kutalika kumuloonda. Bantu boonse bananootutuma kuboowa pakubandabo liina lyanu.’