Isaya 63:3 - Baibo Busansulushi Bwa Libuku Ili

³ “Ndakalyatoola mishobo imwi anga njiminyansa kwakubula awakancafwaako. Ndakabalyatoola paciindi ncendakalinga kukalalite. Ncakwiila ndakabalyatoola paciindi ndindakalinga kufundilite. Malowa abo akasamfookila kushakufwala shangu, alimwi ndakasombesha shakufwala shangu shoonse.

Isaya 63:3 ပူးပေါင်းရင်းမြစ်များ

Matalikilo 49:11

Ulaanga mwanaambongolo kucisamu ca munyansa, munyansa ubotu abuumbi. Ulacapa shakufwala shakwe muwaini usalala, mumaanshi aminyansa asalala anga mbulowa.

2 Baami 9:33

Mpeeke Jewu wakabaambila ayi, “Amumuwaale panshi!” Bakamuwaala panshi abulowa bwakwe bwakasamfukila kulubumbu akumaaki. Mpomunyaawo Jewu wakeensha maaki acikoci pamubili wakwe

Jobo 40:12

Ee, langa beshikulisumpula boonse akubaboosha panshi. Bamucita shibi abalo ubalyatoole peenka apo mpobabete.

Kulumbaisha 60:12

Na mwebo nobaLesa kamuli andiswe tulaakukoma. Ncakwiila ndimwe mweshi mukatukomeneeko balwani.

Isaya 22:5

Mwaami Lesa, ee, Mwaami Lesa Shinkusu shoonse wabamba bushiku, ncakwiila bushiku bwa mapensho, kulyatoolwa alimwi buyoosha muCinyika ca cili anga Nciloto. Bulaakuba bushiku bwakupumununa lilinga lya ndabala alimwi bwakulilila kutulundu.

Isaya 25:10

Mwaami Lesa ulaakufuna Kalundu ka Siyoni, sombi bene Moabu ulaakubalyatoola bweenka bucitwa bwiisu mumboleshi.

Isaya 28:3

Bwaami bwa bene Efuleemu balisumpula alimwi bacakolwa ncakwiila bulaakulyatoolwa.

Isaya 59:17

Mpeeke wakafwala bululami anga ncakufwala ca pacaamba ca nkondo Kumutwi wakafwalaako lupulusho anga ncimpoompo. Kuyanda kuboosha cishole kubalwani bakwe akwalo wakakufwala akufwala moyo mpwampwa anga ncakufwala cakwe ca peculu.

Isaya 63:6

Ndakabalyatoola paciindi ndindakalinga kukalalite. Ceebo cakufundililwa kwangu ndakabalengesha kukolwa akutila bulowa bwabo panshi.”

Malilo 1:15

“Mwaami Lesa wakaseka bashilumamba bangu boonse bacibwene kulwana. Wakanjitila likoto lya bashilumamba ayi bese bandwaane akupwayoola bacikula bwangu bangu. Wakalyatooka bantu bangu bweenka butyanwa minyansa mucilindi.

Jowelo 3:13

Ncakwiila bubi bwabo mbunene abuumbi Amubatimbule bweenka bucita cicekeshi pakutebula witi. Amubalyatoole bweenka butyanwa minyansa mucilindi cakutyaninaamo ciswite kushikila waini wasefukila panshibo.”

Mika 7:10

Balwani besu balaakushibona shoonse ishi akufwa nsoni, ee, balwani abo bakalinga kututonta ayi, “Ino uli kuli Mwaami Lesa, Lesa wanu?” Tulaakubona mbweshi bakakomwe. Balaakulyatoolwa bweenka bulyatoolwa matipa mumikwakwa.

Sekaliya 10:5

Boonse pantu pomwi balaakuba anga mbashilumamba beshinkusu abo balyatoola balwani babo kubapisha mumatipa mumikwakwa. Ceebo cakwaamba ayi nebo neMwaami Lesa ndi ambabo, balaakunoolwana akukoma balwani babo beshimaaki.

Malaki 4:3

Pabushiku ndaakucita shintu ishi, mulaakulyatoola bamucita shibi cakwaamba ayi bakaboolebo anga njimilota panshi pamyeendo yanu.