Isaya 61:9 - Baibo Busansulushi Bwa Libuku Ili

⁹ Bamulunyungu lwakwe balaakunooshibikitwe pakati ka mishobo imwi, ee, bana babo balaakunooshibikitwe pakati ka baswamashi. Boonse beshi bakanoobabona balaakunoosumina ayi ncakwiila aba mbantu Mwaami Lesa mbwaakapa coolwe.”

Isaya 61:9 ပူးပေါင်းရင်းမြစ်များ

Matalikilo 22:18

Ndaakupa coolwe mishobo yoonse ya pacishi ca panshi kwiinda mubamulunyungu lwako mukwiinga wakanyumfwila nsheeŋamba.’ ”

Matalikilo 30:27

Labani wakaamba ayi, “Aŋambe bobulya, kwiinda mukusonda, caboneka patuba kwaamba ayi Mwaami Lesa wampa coolwe ceebo ca ndimwe.

Kulumbaisha 115:14

Mwaami Lesa aamupe baana baanji, mwebo abamulunyungu lwanu.

Isaya 43:5

Mutabi aboowa, ndi amwebo! Ndaakuleta bamulunyungu lwanu kuswa kushishi sha kwicwe alimwi ndaakuyobolola boonse bali kushishi sha kumbo.

Isaya 44:3

“Ndaakulengesha maanshi kuba mucishi citaciteewo akulengesha tulonga kukunka painshi iyumu. Bana banu ndaakubapoomweta Mushimu wangu, ee, bamulunyungu lwanu ndaakubapa coolwe.

Isaya 53:10

Mwaami Lesa waamba ayi, “Sombi wakalinga ngumuyeeyo wangu neMwaami Lesa wakwaamba ayi alyatilililwe akumulengesha ayi apenge munshila iyo. Nebo neMwaami Lesa ndakacita boobo kwaamba ayi buumi bwakwe bube mulambu wakumana milandu. Nakubi boobo bamulunyungu lwakwe ulaakubabona alimwi ulaakwikala buumi bulaamfu. Kwiinda muli nguwe lusuno lwangu neMwaami Lesa lulaakuswitilila.

Isaya 65:23

Teshi bakanoosebenselawo citacite mpindu, nabi kushala baana beshi bakanoopengabo. Balaakuba bantu abo nebo neMwaami Lesa mbweshi nkape coolwe, nkokwaamba ayi balo abamulunyungu lwabo boonse.

Isaya 66:22

“Ono bweenka liculu lipya acishi ca panshi cipya isho nsheshi nkalenge mbweshi shikabe shamuyayaya, mbweeke ubo bamulunyungu lwanu aliina lyanu mbweshi shikabule kuloba.

Jelemiya 31:7

Mwaami Lesa waamba ayi, “Amwiimbile Jakobo kamusangalete. Amulumbaishe cakoolobesha mushobo uyo wiindaawo. Kamulumbaisha cakunyumfwika akwaamba ayi, ‘NoBaami baLesa, amupulushe bantu banu, ee, bene Isilaeli bakacaalaawo.’

Sekaliya 8:13

Nobene Juda abene Isilaeli, kalekale baswamashi bakalinga kushingana womwi awomwi mukwaamba ayi, ‘Aamulokele mapensho eenka akacitikila bene Juda abene Isilaeli!’ Sombi nebo ndaakumupulusha. Lyalo baswamashi abo balaakwaambilana womwi awomwi ayi, ‘Tambula shoolwe isho shakapekwa bene Juda abene Isilaeli!’ Aboobo amuyumye myoyo, mutaloondi.”

Malaki 3:12

Lyalo mishobo yoonse ilaakunoomwiita ayi beshicoolwe mukwiinga cishi canu cilaakunooli cibotu abuumbi,” mbwaamba Mwaami Lesa Shinkusu shoonse.

Shakubelenga 22:12

Sombi Lesa wakaambila Balaamu ayi, “Uteeleshi kuya abasankwa aba alimwi utashingani bene Isilaeli ceebo balicite coolwe.”

Milimo ya Batumwi 3:26

Aboobo Lesa wakasala musebenshi wakwe akutaanguna kumutuma kuli ndimwe kwaamba ayi amupe coolwe mukulengesha ayi noonse womwi awomwi musanduke kuswa kushibiibi shanu.”