Isaya 61:1 - Baibo Busansulushi Bwa Libuku Ili

¹ Mushimu wa Mwaami Lesa Shinkusu shoonse uli pali ndime, mukwiinga wansala kwaamba ayi nshimikile makani abotu kubakandu. Wantuma kwaamba ayi njumyeyumye batyongooka mumyoyo akwaambilisha lwaanguluko kubaabo baangitwe, akucita kwaamba ayi boofu balashe.

Isaya 61:1 ပူးပေါင်းရင်းမြစ်များ

Kulumbaisha 102:20

Wakanyumfwa kutongela kwa bakaili, Wakaangulula baabo bakapekwa milandu yakucaikwa.”

Kulumbaisha 147:3

Ngooyumyayumya myoyo ityongookite akwaanga shilonda shabo.

Kulumbaisha 149:4

Ceebo Mwaami Lesa ulakondwa mubantu bakwe, ulalemeka baliceesha mukubapa nkusu shakukoma.

Kulumbaisha 2:6

Ulaamba ayi, “Ndabika mwaami wangu paKalundu kangu kasalalite ka Siyoni.”

Kulumbaisha 22:26

Bakandu balaakulya akukuta. Abo balambila Mwaami Lesa balaakumulumbaisha. Ncakwiila kabeendela buumi lyoonse.

Kulumbaisha 25:9

Abo balibombya ulabatanjilila munshila shiluleme, alimwi ulabeeisha mbobeelete kweenda.

Kulumbaisha 34:18

Ncakwiila Mwaami Lesa ulibo muliimfwa kubaabo batyongola alimwi ulafuna baabo batacite cakulangila.

Kulumbaisha 45:7

Mwebo ncemusunibo mbululami, sombi bubi mulibupatite. Nceceeco Lesa, Lesa wanu ncaakamusalila, akumupa kusangalala kwiindaawo, pabamaami bamwi boonse.

Kulumbaisha 51:17

Sombi mulambu umusangalasha nobaLesa, nkuba amoyo wakulibombya. Mwebo tamukaki moyo wakulibombya, wasanduka kuswa kushibiibi.

Kulumbaisha 68:7

NobaLesa ndimwakatanjilila bantu banu ndimwakeenda muluyanga,

Kulumbaisha 69:32

Baakubona bobulya abo balyatililwa, balaakusangalala. Abalo abo balambila Lesa, balaakuyuminishikwa.

Kulonga 28:41

Shakufwala ishi ukafwalike mukwanu Aloni alimwi abana bakwe basankwa. Kuswawaawo ukabananike mafuta a olifi, akubabenga kuli ndime ayi bakansebensele mulimo wa bupailishi.

Kulonga 29:7

Ndyeshi ukabwese mafuta, ukamutilile pamutwi akumunanika.

Isaya 29:19

Ncakwiila bantu balibombya balaakusangalala alimwi muMwaami Lesa. Ee, bakandu balaakusangalala muWooyo Usalalite wa bene Isilaeli.

Isaya 30:19

Mwebo nobantu ba muSiyoni, ee, mwebo nomwikala muJelusalemu, teshi mukalilewo tubili sobwe. Mwaami Lesa ulaakumunyumfwila luse bushiku mbweshi mukamulilile ayi amucaafwe. Ncakwiila aakunyumfwabo kusenga kwanu, ulaakumukumbula.

Isaya 30:26

Mweenshi ulaakubala anga ndisuba alyalo lisuba lilaakubala abuumbi akuba amumuni uli anga ngwa nshiku shosanwe ashobilo kuubika pantu pomwi. Ishi shoonse shilaakucitika Mwaami Lesa aakupombela tusani pashilonda sha bantu bakwe isho nshaakabacisa akushishilika.

Isaya 32:7

Nshila sha muntu ushishimfulunganya nshabubi alimwi ulapanga miyeeyo ibiibi. Lakwe ncaapingabo, nkunyonyoola bakandu kwiinda mubunkulwe bwakwe nakubi kwaamba ayi shaamba bakandu shililuleme.

Isaya 40:9

Mwebo nomuleta makani abotu muSiyoni, amutante peculu lya kalundu kalaamfu. Mwebo nomuleta makani abotu muJelusalemu, amwaambe cakoolobesha. Amoolobeshe, mutaloondi. Amulwiite ba mumandabala a Juda ayi, “Lesa wanu ngooyu!”

Isaya 42:1

Mwaami Lesa waamba ayi, “Ono anooyu musebenshi wangu, uyo ngoompa nkusu. Ee, ngondakasala alimwi muli nguwe ndakondwa. Ndaakumupa Mushimu wangu, alimwi ulaakuleta koombolosha cakutanyengelela kumishobo yoonse.

Isaya 42:7

Ndakusala kwaamba ayi ulengeshe boofu kubona, kwaangulula bakaili bali muntolongo alimwi akukusha baabo bali mumunshinshe.

Isaya 48:16

“Ono amusene pafwaafwi, munyumfwe nshentokwaamba. Kuswabo kumatalikilo nebo ndaambilabo limwi patuba alimwi lyoonse ndalengesha maswi angu kucitika cancinencine.” Ono Mwaami Lesa Shinkusu shoonse wampa Mushimu wakwe akuntuma.

Isaya 49:9

Ndaakwaambila bali muntolongo ayi, ‘Kamuya ono mwaanguluka!’ Abalo beshi bakanooli mumunshinshe ndaakubaambila ayi, ‘Amusweemo muye mumumuni!’ Lyalo balaakuba anga nimbelele shilita munkunamo sha tulundu.

Isaya 52:7

Cilabotelesha abuumbi kubona shinkombe keesa kucilingana tulundu, ee, shinkombe utooleta makani abotu, makani a luumuno. Ulaambilisha kukoma akwaambila bene Siyoni ayi, “Lesa wanu ncakwiila ngomwaami!”

Isaya 52:9

Amusangalale akwiimba nyimbo noonse pantu pomwi nomatongo a ndabala ya Jelusalemu. Mwaami Lesa woombulusha bantu bakwe kwiinda mukufuna ndabala ya Jelusalemu.

Isaya 57:15

Usumpukite Lesa wakwiculu uyo, Lesa walyoonse alyoonse ucite liina lisalalite waamba ayi, “Nebo ndekala kwiculu kumusena usalalite, sombi ndekala abaabo balibombya alimwi basanduka kuswa kushibiibi shabo kwaamba ayi mbabooshelemo lushomo lwabo akulangila.

Isaya 57:18

Micito yabo ndakeebona, sombi ndaakubashilika. Ndaakubatanjilila akuboombulusha.

Isaya 59:21

“Ndaapanga cipangano ambabo cakwaamba ayi, ‘Mushimu wangu uli muli ndimwe, maswi angu ngondamupa teshi mukaalubeewo sobwe, nabi bana banu nabibo bamulunyungu lwabo kuswa sunu kushikila muyayaya.’ ”

Isaya 66:2

Sa teshi ndime ndakalenga shintu shoonse ishi? Ncakwiila ndime ndakalengesha ayi shibeeko.” Mwaami Lesa waamba. “Ono muntu unkonda ngooyu: muntu ulibombya, ulisenda na walubisha alimwi uloonda maswi angu.

Jelemiya 34:8

Mwaami Sedekiya abantu ba muJelusalemu bakasuminishanya kwaangulula

Jelemiya 52:33

Mpomunyaawo Jeoiyakini bakamusuminisha kufuula shakufwala shakwe sha bukaili akufwala shakufwala shibotu. Wakasuminishikwa kunoolya amwaami kwabuumi bwakwe boonse.

Danyelo 9:24

“Myaaka ili 70 kufushikwa mankanda ali 7, nceciindi Lesa ncaapimina bene mishaanu andabala yanu isalalite kwaamba ayi bakaanguluke kuswa kushibiibi akububi. Shibiibi shilaakulekelelwa abululami butamaani bulaakulengeshekwa kwikalilila kwaamba ayi cili anga nciloto amakani a bulaluki shikacitike cancinencine ayalo Ŋanda yakwe Lesa ilaakusalashikwa alimwi.

Osiya 6:1

Bantu batokwaamba ayi, “Atuboolele kuMwaami Lesa, watukwamoona mutupanshapansha, sombi ulaakutushilika alimwi. Ncakwiila watucisa, sombi ulaakwaanga nsalu pashilonda shesu alimwi.

Bene Lefi 7:35

Ici ncecipansha ca mulambu wa shakulya ubengwa kuMwaami Lesa alimwi akupekwa kuli Aloni alimwi abana bakwe basankwa pabushiku ubo ndibakabikwa pabupailishi.

Mika 3:8

Ono nebo Mwaami Lesa wampa nkusu shiinji pantu pomwi aMushimu wakwe. Wampa amaano akoombolosha cakutanyengelela akunengesha kubula boowa kwaamba ayi nkalwiite bamulunyungu lwakwe Jakobo shilubo shabo, ee, kulwiita bene Isilaeli shibiibi shabo.

Mateyo 11:5

boofu batoolasha, balema myeendo batokweenda, beshimanata batooba kabotu, bashinkite matwi batoonyumfwa, bafu batoobushikwa alimwi bakandu batooshimikilwa Makani Abotu.

Mateyo 3:16

Jesu ndyaakamanabo kubombekwa wakaswa mumaanshi. Mpomunyaawo liculu lyakacaluka, lyalo wakabona Mushimu wakwe Lesa kauselukila pali nguwe anga nimpolobe.

Luka 7:22

Lyalo Jesu wakakumbula bashikwiiya bakwe Joni ayi, “Kamuya mukalwiite Joni shoonse nshimwabona akunyumfwa, boofu batoolasha, balema myeendo batokweenda, beshimanata batooba kabotu, bashinkite matwi batoonyumfwa, bafu batoobushikwa alimwi bakandu mumushimu batooshimikilwa Makani Abotu.

Joni 1:41

Cintu citaanshi ncaakacita Andulu, nkubona Simoni akumwaambila ayi, “Twamucana Klistu.” (Ili liina lilaamba ayi “Usalitwe wakwe Lesa.”)

Joni 3:34

Ee, uyo Lesa ngwaakatuma ulaamba maswi akwe Lesa ceebo ulamupa Mushimu Usalashi cakuteeleka.

Milimo ya Batumwi 10:38

Mulishi makani akwe Jesu wa kuNasaleti, mbuli Lesa mbwaakamusala akumupa Mushimu Usalashi ankusu. Mukwiinga Lesa wakalinga anguwe, wakeenda koonse koonse kaaya bucita shibotu kubantu akushilika baabo boonse bakalinga munkusu shakwe Satana.

Milimo ya Batumwi 26:18

Ukabacalule meenso kwaamba ayi babone, ukabakushe mumunshinshe kwaamba ayi benjile mumumuni alimwi akubakusha munkusu shakwe Satana ukabenjishe munkusu shakwe Lesa. Kwiinda mulushomo lwabo muli ndime, Lesa ulaakubalekelela shibiibi shabo akuba amusena pakati ka bantu bakwe Lesa basalitwe.’

Milimo ya Batumwi 4:27

Ndushinisho Elodi aPontyasi Pilato bakabungana mundabala inene ino, pantu pomwi abaswamashi bakunsengwe alimwi abene Isilaeli, ayi babukile Jesu, Musebenshi wanu usalalite, uyo ngomwakalengesha ayi abe Usalitwe wanu.

2 Bene Kolinto 3:17

Ono Mwaami nguMushimu, aboobo kulilabo kubete Mushimu wa Mwaami kuli lwaanguluko.

2 Bene Kolinto 7:6

Sombi Lesa, uyumyayumya batyongola, wakatuyumyayumya ciindi ndyaakashika Taitasi.

Bene Ebulu 1:9

Ulisuni kucita shiluleme akupata shitaluleme. Nceceeco nebo, neLesa wako, ncendakakusalila akukunanika mafuta abonesha kusangalala kwiinda babyo bamwi boonse.”