Isaya 60:18 - Baibo Busansulushi Bwa Libuku Ili

¹⁸ Mucishi cako teshi mukanyumfwikewo tubili shankondo abucayi. Cishi cako teshi cikanyonyoolwewo tubili. Ndaakunookufunabo anga ndilinga liyumu, paceebo ceeco ulaakunumbaisha ceebo ndakupulusha.

Isaya 60:18 ပူးပေါင်းရင်းမြစ်များ

Isaya 26:1

Pabushiku ubo bantu balaakwiimba lwiimbo ulu mucishi ca Juda ayi, “Tulicite ndabala inene iyumu, Lesa mwiine ngootabilila malinga a njiyo.

Isaya 11:9

Ncakwiila paSiyoni kalundu kasalalite ka Mwaami Lesa, teshi pakabeewo cintu cikali alimwi teshi pakabeewo bubi. Mucishi ca panshi coonse bantu balaakunooswitebo lushibo lwa Mwaami Lesa, bweenka lweenge mboluswite maanshi.

Sekaliya 9:8

Sombi ndaakufuna cishi cangu kuswa kumakoto a bashilumamba bakali. Taaku shikulyatilila weshi akakome tubili bantu bangu ceebo ono ntoobalama.”

Isaya 2:4

Mwaami Lesa ulaakoombolosha mishobo akumana nkondo pakati ka bantu baanji. Mipeeni yabo balaakunoifula ayi shibe shakulimisha, aalo masumo abo ayi abe shakukwesoosha shisamu. Taaku mushobo weshi ukapililike mipeeni kuya mukulwana umwi, nabi weshi ukanooya mukwiiya shankondo.

Mika 4:3

Mwaami Lesa ulaakoombolosha mishobo akumana nkondo pakati ka bantu baanji. Mipeeni yabo balaakunoifula ayi shibe shakulimisha, aalo masumo abo ayi abe shakukwesoosha shisamu. Taaku mushobo weshi ukapililike mipeeni kuya mukulwana umwi, nabi weshi ukanooya mukwiiya shankondo.

2 Samwelo 7:10

Ndapa musena bantu bangu bene Isilaeli akubekalika mumo kwaamba ayi babe amishaabo. Lyalo kubule ubanyonyonganya tubili. Nkokwaamba ayi bamucita shibi teshi bakatolelele kubapensha mbuli kukalekale

Kulumbaisha 147:14

Ulalama manyinsa ako akukupa witi uunji wiindaawo kubota.

Isaya 26:2

Amucalule minjililo ya ndabala kwaamba ayi mushobo ululeme unjile, ee, unjile mushobo uyo ushomeka.

Isaya 51:19

Mapensho aya esa camambili pali ndimwe. Anu ngani weenga wamuumbulushaako? Kunyonyooka kwamupolela, ncakwiila nsala ankoondo shenjila. Anu ngani weenga wamuumbulushaako?

Isaya 54:14

Koombolosha kwakutanyengelela abululami bulaakukushimpya. Kulyatililwa alunkutwe shilaakunooli kulaale awebo. Taaku nabi comwi nceshi ukanoolisukama. Shakuloondaloonda shilaakumaninabo limwi, cakutashinyumfwaawo tubili pafwaafwi awebo.

Isaya 56:5

balaakunookwiibalukwa kwaciindi cilaamfu muŊanda yangu apakati ka bantu bangu kwiinda mbobalinga kweelete kwiibalukwa na kabacite baana. Ndaakubapa liina litakoonshi kulobeshekwa.”

Isaya 60:11

Minjililo yako ilaakunookalabo keecalukite. Teshi ikanoocalwaawo malumwi amashiku kwaamba ayi bantu bakakuletele buboni bwa bamumishobo imwi. Bamaami babo balaakunooli pamulongo wa beshi bakanoosekelela kukoma.

Isaya 60:17

“Mumusena wa bulonse nebo ndaakukuletela golodi alimwi ndaakukuletela silifa mumusena wa nshimbi. Ndaakulengesha luumuno kuba anga ngomweendeleshi wako, abwalo bululami anga ngomuleli wako.

Isaya 61:11

Ono bweenka bulongo mbobumenesha shishango, ee, bweenka muunda mbookusha shakashangwaamo, mbweeke ubo Mwaami Lesa Shinkusu shoonse mbweshi akaboneshe bululami abulemu bwakwe pameenso amishobo imwi yoonse.

Isaya 62:4

Teshi ukanoociitwa ayi, “Cishaale” nabi kwiita cishi cako ayi, “Matongo.” Sombi ulaakunokwiitwa ayi, “Efisiba,” nkokwaamba ayi usunikwi wangu uli muli nguwe. Acalo cishi cako cilaakunokwiitwa ayi, “Beula,” nkokwaamba ayi weebetwe, ceebo Mwaami Lesa ulaakunookusuni alimwi ngweshi akakweebe.

Isaya 62:7

Ee, amutolelele kushikila akalengeshe ndabala ya Jelusalemu kuba mboyakalinga akwiilengesha ayi ibe ndabala inene iyo bantu boonse njeshi bakanoolumbaisha.

Isaya 62:10

Nobene Jelusalemu, amuswe mundabala muye mukabambe mukwakwa wa bene mishaanu batoopiluka. Amubambe mukwakwa unene akukushaamo mabwe. Mishobo imwi amwiinyamwite mbembela kwaamba ayi banooibona.

Esekelo 42:20

Anu lubumbu lwakalinga kushingulukiteko lwakalinga kucite mamita ali 250 kumbasu shoonse. Lubumbu ulo ndolwakalinga kupansaanya shintu shisalalite ashintubo.

Sefaniya 3:19

Paciindi ico ndaakupa mulandu abo bakalinga kukulyatilila. Ndaakufuna balema boonse akubunjika boonse bakapalanganishilwa mubusha. Ndaakulengesha bantu kubalumbaisha akubalemeka mushishi shoonse umo mobakasebaanishikwa.

Sekaliya 2:5

Mwaami Lesa washomesha ayi lakwe mwiine ulaakuba lubumbu lwa mulilo lwakushinguluka ndabala iyo akuba bulemu bwa njiyo.’ ”

Sekaliya 2:9

“Nebo neMwaami Lesa ndaakumulwana alimwi mulaakusaalwa kubantu beenka abo bakalinga basebenshi banu.” Cintu ici ndyeshi cikacitike, muntu uli woonse ulaakwishiba ayi Mwaami Lesa Shinkusu shoonse wakantuma.