Isaya 60:1 - Baibo Busansulushi Bwa Libuku Ili

¹ Buka webo Jelusalemu ubale anga ndisuba. Ceebo bulemu bwa Mwaami Lesa buli pali ndiwe!

Isaya 60:1 ပူးပေါင်းရင်းမြစ်များ

Kulumbaisha 102:16

Mwaami Lesa aakuyakulula Siyoni, ulaakuyubulula bulemu bwakwe.

Kulumbaisha 87:3

Ondabala yakwe Lesa, nyumfwa shakukulumbaisha isho shitokwambwa pali ndiwe.

Isaya 2:5

Aboobo mwebo nobamulunyungu lwakwe Jakobo amwise tweendele mumumuni wa Mwaami Lesa!

Isaya 24:23

Mweenshi ulaakushiya, alyalo lisuba lilaakucileka kubala ceebo Mwaami Lesa Shinkusu shoonse ngweshi akanoolela paKalundu ka Siyoni muJelusalemu. Ulaakulela cabulemu kunembo lya bamaloba ba bantu umo.

Isaya 28:5

Pabushiku ubo Mwaami Lesa Shinkusu shoonse ulaakuba anga ngumushini wa bulemu, ulaakuba anga ningala ya maluba yeebeleka, kubantu bakwe beshi bakacaaleewo.

Isaya 35:2

Luyanga lulaakwiimba cakusangalala. Lulaakubotabo anga ntulundu twa Lebanoni akuba amboleshi anga njimyuunda ya kuKamelo nabi kuShaloni. Bantu boonse balaakubona bulemu bwa Mwaami Lesa, ee, balaakwishiba nkusu abulemu nshaacite.

Isaya 4:5

Mpeeke Mwaami Lesa ulaakutuma paKalundu ka Siyoni koonse apabantu baliimo likumbi lya bwiishi malumwi acibalankuni ca mulilo mashiku. Peculu lya ndabala yoonse palaakuba bulemu bwa Mwaami Lesa.

Isaya 42:6

“Nebo neMwaami Lesa ndakwiita kwaamba ayi ulete koombolosha cakutanyengelela. Ndakucatilila palyaansa akukulama kabotu. Ndakusala kwaamba ayi ube cipangano kubantu, akwaamba ayi ube mumuni kubaswamashi.

Isaya 58:8

“Ncakwiila mwaakucita boobo coolwe canu cilaakubalabo anga nkumuyamaca. Kushilikwa kwanu kulaakufwambaana kuba. Mpeeke bululami bulaakunoomutanjilila akwalo kwisule lyanu kulaakunoobabo bulemu bwangu nebo neMwaami Lesa.

Isaya 62:1

Ceebobo cakusuna Siyoni teshi ncale mulomo. Ee, ceebobo cakusuna Jelusalemu teshi ngumuneewo, kushikila bululami bukabale anga ncitubilishi cakumuyamaca, alimwi alwalo lupulusho lukamunike anga ncimunimweenge.

Isaya 62:2

Mishobo imwi yoonse ilaakubona bululami bwako. Bamaami boonse balaakubona bulemu bwako. Balaakunookwiita liina lipya ilyo Mwaami Lesa mwiine ndyeshi akakupe.

Isaya 66:11

Mulaakusangalala mububoni bwa njiyo anga ngumwaana kulukolo lwa banyina!”

Isaya 9:2

Bantu bakalinga kweenda mumunshinshe, babona mumuni unene. Ee, abo bali mumunshinshe ushiya mbi uyoosha, mumuni wabamunikila.

Esekelo 43:4

Mumuni utowa uyo utondesha bulemu bwa Mwaami Lesa wakenjila muŊanda yakwe Lesa kwiinda pamwinjililo ulangite kwicwe.

Malaki 4:2

Sombi mwebo nomunyumfwila ndime, bululami bwangu bulaakuboneka pali ndimwe bweenka buswa lisuba akumushilika kwiinda mukubala kwa ndilyo. Mpeeke mulaakwaanguluka akutambala anga mboombe bacalwitwa mucimpati cabo.

Mateyo 4:16

Bantu bakalinga kwikala mumunshinshe bakabona mumuni unene. Abalo abo bakalinga kwikala mucishi ca cimfule ca lufu, mumuni ulaakubamunikila.”

Mateyo 5:16

Mbweeke ubo amwebo amuboneshe mumuni wanu kubantu, kwaamba ayi babone milimo yanu ibotu, akupa bulemu kuli Ishiwanu wa kwiculu.

Luka 2:32

Uyu ngomumuni wakwaamba ayi baswamashi bakunsengwe balashe akubona lusuno lwanu akwalo kubantu banu baIsilaeli ngooleta bulemu.”

Joni 1:9

Uyu ngoMumuni wancinencine wakesa mucishi ca panshi mukumunikila bantu boonse.

Joni 12:46

Ndakesa mucishi ca panshi bweenka mbuli mumuni kwaamba ayi uyo woonse eshi ashome muli ndime atabi mumunshinshe.

Joni 3:19

Bupingushi mboobu, mumuni wakesa mucishi, sombi bantu bakasuna munshinshe kwiinda mumuni mukwiinga micito yabo njibiibi.

Joni 8:12

Jesu wakaambila baFalisi alimwi ayi, “Ndi mumuni umunikila bantu boonse. Uyo woonse unkonkela teshi akeende mumunshinshe napaceyi, sombi ulaakuba amumuni upa buumi.”

Bene Efeso 5:14

Mukwiinga mumuni ulalengesha ayi shintu shoonse shiboneke. Nceceeco ncebaambila ayi, “Buka webo noolete, buka kuswa kubafu lyalo Klistu ulaakulengesha ayi ube mumumuni.”

Bene Efeso 5:8

Kale kale mwebo mwakalinga mumunshinshe, sombi bulya muli mumumuni mukwiinga mwakaba bantu ba Mwaami. Aboobo mulyeelete kwikala anga mbantu bekala mumumuni.

Bene Filipi 2:15

Amube bana bakwe Lesa basalalite, batabishi, batacite mulandu alimwi batacite kampenda. Pakati ka bantu batashomeki, bamucita shibi, mulyeelete kubala mbuli mimuni ili mwiculu,

1 Pita 4:14

Na mwacobolwa ceebo ca liina lyakwe Klistu, mulicite coolwe, mukwiinga cilabonesha ayi Mushimu wakwe Lesa wa bulemu uli muli ndimwe.

Ciyubululo 21:11

Yakalinga kubeka ceebo ca bulemu bwakwe Lesa. Ndabala inene iyi yakalinga kubekabo anga ndibwe lyamakwebo libeka abuumbi, ee, anga ndibwe lya maanshi.

Ciyubululo 21:23

Mundabala inene momunya umo tamuyandiki lisuba nabi mweenshi kwaamba ayi shimunikileemo ceebo bulemu bwakwe Lesa mbobumunikaamo alimwi Mwanaambelele njelampi ya mumo.

Ciyubululo 22:5

Teshi kukanooshiyaawo. Bantu teshi bakanooyanda malampi nabi mumuni wa lisuba mukwiinga Mwaami Lesa ngweshi akabe mumuni wabo alimwi abalo balaakunokweendelesha lyoonse alyoonse.