Isaya 6:5 - Baibo Busansulushi Bwa Libuku Ili

⁵ Mpeeke ndakalila akwaamba ayi, “Mapensho kuli ndime! Ono ndamanaawo mukwiinga ndi muntu utaambi shisalalite alimwi ndekala pakati ka bantu bataambi shisalalite. Ono alimwi ndaboona aMwaami wesu, ee, Mwaami Lesa Shinkusu shoonse.”

Isaya 6:5 ပူးပေါင်းရင်းမြစ်များ

Matalikilo 32:31

Lisuba lyakalinga kuya buswa Jakobo ndyaakalinga kuswa paPenyelo, sombi wakalinga kuya cisunkuta ceebo ca kasolo.

Kulumbaisha 24:10

Anu Mwaami shibulemu ngani? NguMwaami Lesa Shinkusu shoonse. Lakwe ngoMwaami shibulemu.

Kulonga 24:10

apo mpobakabona Lesa wa bene Isilaeli. Panshi lya myeendo yakwe, pakalinga cakalinga kuboneka anga ndubansa lwa konkeli ulo lwakalinga kuboneka anga ndiculu.

Kulonga 3:6

Nebo ndime Lesa wa bamashali bako bakulukulu. Ndime Lesa wakwe Abulaamu, Isaki alimwi aJakobo.” Mpeeke Mose wakalifweka pameenso ceebo wakaloonda kulangilisha Lesa.

Kulonga 33:20

Teshi nkuboneshe ciwa cangu, ceebo taaku weenga wambona akutolelela kuba muumi,

Kulonga 4:10

Sombi Mose wakaamba ayi, “NoBaami baLesa nebo kuswabo kalekale nshaambiwo kabotu, alimwi ampomwatalikila kwaamba anebo, poonse nshintokwaambawo kabotu. Ndacelwa kuposha shikani alimwi ndicite kamaama.”

Kulonga 6:12

Sombi Mose wakakumbula ayi, “Ono na bene Isilaeli tabakwe kunyumfwila, ino lakwe mwaami Falawo inga wanyumfwila buyani? Nebo ndi muntu utaambi kabotu.”

Kulonga 6:30

Sombi Mose wakakumbula ayi, “Mulishi kwaamba ayi nebo nshaambi kabotu, ino mwaami inga wanyumfwila buyani?”

Isaya 24:16

Kuswa kushishi sha kulaale tutoonyumfwa lwiimbo lwakwaamba ayi, “Amulemeke wooyo Ululeme.” Sombi nebo ndaamba ayi, “Ndamanaawo! Ndamanaawo! Mapensho kuli ndime! Beshikwaaba babyaabo baciyabo kunembo, bubeshi bwabo tabutooboolawo pesule!”

Isaya 29:13

Mwaami Lesa ulaamba ayi, “Aba bantu balaba pafwaafwi anebo mukwaamba, balandemekabo pamulomo, sombi myoyo yabo ili kulaale anebo. Kupaila nkobampaila, taaku mbokubete mukwiinga baleeisha milawo ipangabo bantu anga njemilawo yakwe Lesa.

Isaya 33:17

Lyalo muntu uyo ulaakubona mwaami mubulemu bwakwe alimwi ulaakubona acishi citandabukite mumbasu shoonse kulaale.

Isaya 59:3

Maansaanu alibo pyu kubulowa bwa bantu mbomwakacaya. Ee, mulicite milandu ipusenepusene. Milomo yanu ilaamba makani abubeshi alimwi ilaamba shintu shibiibi.

Isaya 64:6

Soonse twalinga kubisha kuswabo kale kale. Nabi micito yesu ibotu ilibo anga ncakufwala cishipite citoonunka. Twanyana kushibiibi shesu cakuba anga nditewu alimwi shibiibi shesu nshemunya shitootuululusha anga ncipuupu.

Jelemiya 1:6

Lyalo ndakakumbula ayi, “NoBaami baLesa, noBeshinkusu shoonse, nebo nshicishiiwo kwaamba alimwi ncili mwanike.”

Jelemiya 51:57

Ndaakulengesha bacinenenene abasongo bakwe kukolwa. Ndaakulengesha abeendeleshi, bamatanjilili ba bashilumamba abashilumamba babo kukolwa. Kuswawaawo balaakoona cakutabukaawo. Nebo neMwaami ndaamba. Nebo ndime Mwaami Lesa Shinkusu shoonse.

Esekelo 12:2

“Webo omuntu, ulishiite pakati ka bantu baashu. Balicite meenso akuboneshaako, sombi tababoneshi, balicite matwi akunyumfwishaako, sombi tabanyumfwishi ceebo mbantu baashu.

Esekelo 33:31

Bantu bangu balesa kuli ndiwe bweenka mbobacita lyoonse akwikala kunembo lyako ayi bakutike maswi ako, sombi tabaciti nshoobaambila, sobwe. Balaamba ayi balashomeka kuli ndime, sombi myoyo yabo ilibo mukubilila munshila italuleme.

Danyelo 9:20

Ndakatolelela kupaila, kaandyaambilila shibiibi shangu ashibiibi sha bene misheesu bene Isilaeli akukombelela Mwaami Lesa, Lesa wangu kwaamba ayi alengeshe Ŋanda yakwe kutalika kusebenseshekwa alimwi.

Abakuku 3:16

Ndindakanyumfwa shintu ishi, mubili wangu wakatutuma ayalo milomo yangu yakatutuma kuboowa. Ncakwiila mubili wangu woonse wakalefuka. Ee, amyeendo yangu yakabukuma kuboowa. Nakubi boobo ndaakulindilila camoyonteeka ciindi ico Lesa aakwisa mukupa mulandu bantu batulwana.

Shakubelenga 17:12

Bene Isilaeli bakaambila Mose ayi, “Ono nditwamanaawobo soonse!

Boomboloshi 13:22

Mpeeke Manowa wakaambila mukaakwe ayi, “Ncakwiila tutoofwa ceebo twaboona Lesa.”

Boomboloshi 6:22

Lyalo Gidyoni wakeshiba ayi ncakwiila ngumunjelo wa Mwaami Lesa akwaamba ayi, “NoBaami baLesa Beshinkusu shoonse, ncakwiila ndabona munjelo wanu ameenso angu.”