Isaya 6:2 - Baibo Busansulushi Bwa Libuku Ili

² Peculu lyakwe pakalinga baSelafu. Womwi womwi pakati kabo wakalinga kucite mapapaminwa ali osanwe alyomwi. Mapapaminwa obilo akalinga kufwekete pameenso, obilo kushimpanta aamwi obilo kaboolukishaako.

Isaya 6:2 ပူးပေါင်းရင်းမြစ်များ

Matalikilo 17:3

Abulamu wakafukama akushisha ciwa panshi, lyalo Lesa wakaamba ayi,

1 Baami 19:13

Ngayi Elija ndyaakalinyumfwa, wakalifweka cisani ca peculu kumeenso akwe akuswa kuya mukwiimikana pamulyango wa cimfwengo. Liswi lyakaamba kuli Elija ayi, “Ino utoocitanshi kuno webo Elija?”

1 Baami 22:19

Mpeeke Mikaya wakatolelela kwaamba ayi, “Ono amunyumfwe makani aya! Ndakabona Mwaami Lesa kaashiite pacuuna ca bwaami kwiculu abaanjelo bakwe boonse kabeemfwi kushinguluka nguwe.

1 Baami 6:24

Lipapaminwa lyomwi lyomwi lya shintu isho lyakalinga kulaampa mamita ali 2.2. Nkokwaamba ayi kuswa kweela kwa lipapaminwa lyomwi kushika kweela kwa limwi ngamamita ali 4.4.

1 Baami 6:27

Shintu ishi shakabikwa lubamba muMusena Usalalite Wiindaawo, cakwaamba ayi mapapaminwa a nshisho obilo kaakumyana pakati ka cipinda ico. Amwi kaakumya kulubumbu lwakalinga kulubasu kwakalingila comwi acomwi.

1 Baami 8:7

Mapapaminwa a bakelebu abo akafwekelela Libokoshi ili alimwi ashisamu nshebakalinga kulinyamushaako.

Neyemiya 9:6

Lyalo bene Isilaeli bakapaila ayi, “Mwebo noBaami baLesa, mwebo nweenka ndimwe Baami baLesa. Ndimwe mwakalenga liculu alimwi anyenyeenshi sha mwiculu. Ndimwe mwakalenga cishi ca panshi, lweenge ashoonse shiliimo. Ndimwe mupa buumi kushintu shoonse. Abaanjelo boonse balamulambila.

Jobo 1:6

Bumwi bushiku baanjelo ndibakesa mukulitondesha pameenso a Mwaami Lesa, alakwe Satana wakesaabo.

Jobo 15:15

Lesa taashomi baanjelo bakwe bali kwiculu. Ono na abaanjelo tabasalalite kuli nguwe,

Jobo 4:18

Lesa taashomi basebenshi bakwe ba kwiculu, ncakwiila baanjelo bakwe ulabacanina shilubo.

Kulumbaisha 103:20

Amulumbaishe Mwaami Lesa nobaanjelo bakwe beshinkusu, mwebo nomukonkela milawo yakwe akunyumfwila maswi ngaamwaambila.

Kulumbaisha 104:4

Mulasebensesha muuwo anga mbeshinkombe banu, mulilo ubilima anga mbobasebenshi banu.

Kulumbaisha 18:10

Wakalinga kuya buuluka kaatantite pamukelebu. Cipuupu cakalinga ngomapapaminwa akuulukishaako.

Kulumbaisha 89:7

NobaLesa mulaloondwa abuumbi munkuta ya basalalite. Ncakwiila boonse abo balamulemeka noBaami baLesa.

Kulonga 25:20

Shilyeelete kulangana pacifwekesho, cimwi kweela acimwi kweela, ono mapapaminwa a nshisho alyeelete kunoofungulukite peculu lya cifwekesho.

Kulonga 3:6

Nebo ndime Lesa wa bamashali bako bakulukulu. Ndime Lesa wakwe Abulaamu, Isaki alimwi aJakobo.” Mpeeke Mose wakalifweka pameenso ceebo wakaloonda kulangilisha Lesa.

Kulonga 37:9

Shilyeelete kulangana pacifwekesho, cimwi kweela acimwi kweela, ono mapapaminwa a nshisho alyeelete kunoofungulukite peculu lya cifwekesho.

Isaya 6:6

Mpomunyaawo Selafu womwi wakoolukila kuli ndime alikalangasha ilyo ndyaakabwesela kulumano kuswa pacipaililo.

Esekelo 1:11

Anu ubo shiwa sha nshisho mboshakalinga. Shilengwa isho shakalinga kucite mapapaminwa obilo akalinga kufungulukite cakwaamba ayi akalinga kukumene aacilengwa ncencakalinga kubambene aco kumbasu shobilo. Mapapaminwa amwi obilo akalinga kufwekete mubili wa ncico.

Esekelo 1:24

Ndishakeenda, ndakanyumfwa coongo ca mapapaminwa a nshisho kaawootabo anga ngamaanshi, ee, anga ndiswi lyakwe Lesa shinkusu shoonse ncakwiila anga nciyobeyobe ca likoto lya bashilumamba. Na sheemikana, shakalinga kufunga mapapaminwa a nshisho.

Esekelo 1:4

Ndindakalangilisha, ndakabona cipuupu kaciswita kumatwa. Kubeka kwa mfula kwakalinga kuswa mulikumbi linene kalishingulukitwe amumuni unene. Pakati ka mabeebe pakalinga kuboneka cintu cakalinga kubembelabo anga ngubulonse.

Esekelo 1:6

Sombi comwi acomwi cakalinga kucite shiwa shone amapapaminwa one.

Esekelo 1:9

Mapapaminwa a nshisho akalinga kukumene. Pakweenda shakalinga kweenda kashicatene cakutasandulula mibili ya nshisho.

Esekelo 10:16

akweenda, aalo mawilo nkunyamuka akweenda. Na bakelebu abo bafungulula mapapaminwa abo ayi booluke, aalo mawilo nkuyaabo.

Esekelo 10:21

Womwi awomwi wakalinga kucite shiwa shone, mapapaminwa one alimwi acintu cakalinga kuboneka anga ndyaansa lya muntu munshaalipapaminwa lyomwi alyomwi.

Danyelo 7:10

Mulonga wa mulilo wakalinga kukunka, ee, kukunka kuswa muli ncico kuya kunembo lyakwe. Kwakalinga shuulu ashuulu sha baabo bakalinga kumusebensela. Kunembo lyakwe kwakalinga kwiimfwi bantu baanji cakutabelengeka. Nkuta yakatalika amabuku akacalulwa.

Danyelo 9:21

Ndindakalinga kucipaila, munjelo Gabuliyelo, uyo ngondakalinga ndabonaawo kale mucili anga nciloto, wakesa kuli ndime kaauluka. Ico cakalinga ciindi cakubenga mulambu wa macolesha.

Sekaliya 3:4

Mpeeke munjelo uyo wakaambila bamwi bakalinga kwiimfwi kunembo lyakwe ayi, “Amumufuule shakufwala shakwe shishipite.” Lyalo wakaambila Joshuwa ayi, “Bona ndakusha shibiibi shako, ono ntookufwalika shakufwala shamakwebo.”

Luka 1:10

Sekaliya ndyaakalinga kutenta tununkila kabotu, likoto lya bantu lyakalinga pansengwe kalipaila.

Bene Ebulu 1:7

Ono shabaanjelo bakwe, Lesa wakaamba ayi, “Lesa ulacita baanjelo bakwe kuba anga ngumuuwo alimwi abasebenshi bakwe kuba anga ngumulilo utoonyaka.”

Ciyubululo 14:6

Mpomunyaawo ndakabona munjelo aumwi kaauluka mwiculu mwiine mwiine. Wakalinga kucite makani abotu atamaani kwaamba ayi akashimikile bantu ba mucishi ca panshi, kubantu bacite shikanda shipusenepusene, mikowa yoonse, milaka yoonse alimwi akumishobo yoonse.

Ciyubululo 4:8

Cilengwa cuumi coonse cakalinga kucite mapapaminwa ali osanwe alyomwi ayo akalinga kuswitebo meenso, mukati apansengwe. Malumwi amashiku teshakalinga kucileka kwiimba ayi, “Ulisalalite, Ulisalalite, Ulisalalite, Mwaami Lesa Shinkusu shoonse, wakalingaawo, uliiwo alimwi weshi akanooliiwo!”

Ciyubululo 7:11

Mpeeke baanjelo boonse bakeemikana akushinguluka cuuna ca bwaami, bamaloba alimwi ashilengwa shuumi shone isho, kabeemfwi. Lyalo bakafukama cakushisha shiwa panshi kunembo lya cuuna ca bwaami, akulambila Lesa,

Ciyubululo 8:13

Mpomunyaawo ndakalangilisha akunyumfwa mumbankwashi wakalinga kuuluka mwiculu, kaaolobesha ayi, “Mapensho! Mapensho! Mapensho kubantu ba mucishi ca panshi ceebo ca sheesho sheshi shikacitike na baanjelo botatwe aba bacaala bakalishe mapeenga abo!”