Isaya 6:13 - Baibo Busansulushi Bwa Libuku Ili

¹³ Ono nabi bantu baniini bakacaaleewo, abalo balaakunyonyoolwa. Sombi bweenka bucaala cishiki apo patemwa cisamu ca telebinti nabi ca mubanga, mbweeke ubo imbuto isalalite mbweshi ikacaaleemo anga ncishiki mucishi ici.”

Isaya 6:13 ပူးပေါင်းရင်းမြစ်များ

Matalikilo 22:18

Ndaakupa coolwe mishobo yoonse ya pacishi ca panshi kwiinda mubamulunyungu lwako mukwiinga wakanyumfwila nsheeŋamba.’ ”

Esila 9:2

Bakeeba baana banakashi ba baswamashi abo alimwi akweebesha kubana babo basankwa. Munshila iyo bakasenkanya mushobo usalalite kubantu mbobekalaabo. Bamatanjilili abacinenenene balo mbobali akunembo mukucita shibiibi isho.

Esila 9:8

Ono muciindi ciniini, noBaami baLesa, baLesa besu mwakatunyumfwila luse akufuna sobamwi kuswa mubusha akutukalika kabotu mumusena uno usalalite. Mwakatukusha mubusha akutupa buumi bupya.

Isaya 1:9

Mwaami Lesa naatakwe kuleka bantu bamwi ayi bapuluke, naakwiinga Jelusalemu cino ciindi ulinyonyookete cakumaninina bweenka mbuli Sodoma aGomola.

Isaya 11:1

Ono pacishiko ca buJese palaakusonsa musampi. Musampi uyo ulaakucata shisepo kuswa kumiyanda.

Isaya 4:3

Bantu boonse beshi bakacaale muSiyoni, ee, muJelusalemu, balaakunokwiitwa ayi balisalalite.

Esekelo 6:8

“ ‘Nakubi boobo bamwi ndaakubaleka ayi baloboke kucaikwa uko, sombi ndaakubapalanganishisha pakati ka mishobo ya mucishi ca panshi coonse.

Amosi 5:3

Mwaami Lesa Shinkusu shoonse waamba ayi, “Ndabala ine Isilaeli iyo ituma bashilumamba bali cuulu kunkondo, palaakuboolabo mwaanda womwi. Ndabala imwi iyo ituma bashilumamba bali mwaanda kunkondo, palaakuboolabo likumi lyomwi.”

Mika 5:6

Bamatanjilili abo balaakukoma cishi ca bene Asilya kumupeeni. Balaakukoma acishi ca Nimulodi kunkondo. Balaakutufuna kuswa kubene Asilya paciindi baakwisa mukulwana cishi cesu, ee, baakwinjila mumanyinsa esu.

Sefaniya 3:12

Ndaakushiyamobo beshikulibombya abeshikuliceesha mundabala yanu, ee, bantu abo bacinkite manungo muliina lyangu nebo neMwaami Lesa.

Sekaliya 13:8

Shipansha shobilo sha shotatwe sha bantu mucishi coonse, balaakufwa. Ee, kulaakucaalabo cipansha comwi.

Malaki 2:15

Sa te Mwaami Lesa ngowakabapaankanya kuba mubili womwi? Mumubili amumuuya mbaakwe. Ino ceebonshi ngumubili womwi? Wakacita boobo ayi mube abaana bamulambila. Paceebo ceeci, amulilaame mubuumi bwanu kwaamba ayi kukabule nabi womwi eshi akabule kucita kweelana ambwaakalasha mukaakwe mutaanshi.

Mateyo 24:22

Nshiku isho sha mapensho neshitakwe kufwimpishikwa, naakwiinga taaku muntu nabi womwi wakacaala kaali muumi. Sombi ceebo ca baabo basalitwe, inshiku isho shilaakufwimpishikwa.

Maako 13:20

Nikuteshi Mwaami Lesa kufwiimpyako nshiku isho sha mapensho, naakwiinga taaku muntu nabi womwi wakacaala kaali muumi. Sombi ceebo ca baabo basalitwe, abo mbwaakasala mwiine, ncakwiila Lesa wakashifwiimpya nshiku.

Bene Loma 9:5

Balo bakaswa mucishiko ca mishobo yoonse ya bene Isilaeli. Alakwe Klistu kwiinda mukushalwa kwabuntu ngwa mumushobo wabo. Aalumbaishikwe lyoonse Lesa uyo weendelesha shintu shoonse. Ameni.

Dutolonomi 28:62

Nacibi kwaamba ayi mwakalinga baanji anga ninyenyeenshi, mulaakucaalabo nongaye ceebo tamukwe kunyumfwila Mwaami Lesa, Lesa wanu.

Dutolonomi 7:6

Mukacite boobo ceebo muli bantu ba Mwaami Lesa, Lesa wanu, alimwi mulisalalite. Mwaami Lesa wakamusala ayi mube bantu bakwe kuswa pakati ka mishobo imwi yoonse ili pacishi ca panshi ipusenepusene.