Isaya 6:1 - Baibo Busansulushi Bwa Libuku Ili

¹ Mumwaaka wakafwitaamo mwaami Usiya, ndakabona Mwaami Lesa kaashite pacuuna cakwe ca bwaami ico cakalinga peculu akusumpulwa. Mungaanjo wakwe wakalinga ulaamfu cakwisula ŋanda yakwe yoonse.

Isaya 6:1 ပူးပေါင်းရင်းမြစ်များ

1 Baami 22:19

Mpeeke Mikaya wakatolelela kwaamba ayi, “Ono amunyumfwe makani aya! Ndakabona Mwaami Lesa kaashiite pacuuna ca bwaami kwiculu abaanjelo bakwe boonse kabeemfwi kushinguluka nguwe.

2 Baami 15:7

Asaliya wakafwa akubikwa kushuumbwe sha bamaami muNdabala yakwe Defedi. Lyalo Jotamu mwanaakwe wakapyana bwaami bwakwe.

2 Makani 18:18

Mpeeke Mikaya wakatolelela kwaamba ayi, “Ono amunyumfwe makani aya! Ndakabona Mwaami Lesa kaashiite pacuuna ca bwaami kwiculu abaanjelo bakwe boonse kabeemfwi kushinguluka nguwe.

Jobo 42:5

Ndakalinga kunyumfwabo shapali ndimwe, sombi sunu ndalibonena ameenso angu nemwiine.

Kulumbaisha 108:5

NobaLesa amutondeshe nkusu shanu mwiculu, bulemu bwanu abuboneke pacishi ca panshi coonse!

Kulumbaisha 113:5

Anu ngani weenga weelana aMwaami Lesa, Lesa wesu uyo ushiite pacuuna ca bwaami kwiculu?

Kulumbaisha 46:10

Lesa ulaamba ayi, “Amukale muluumuno akwishiba ayi nebo ndime Lesa, ulemekwa pakati ka mishobo yoonse, alimwi ulemekwa mucishi coonse ca panshi.”

Kulonga 24:9

Mpeeke Mose, Aloni, Nadabu, Abiyu alimwi abamatanjilili ba bene Isilaeli bali makumi osanwe aobilo bakatanta pakalundu,

Isaya 1:1

Mulibuku ili mulilembetwe makani aamba pacishi ca Juda alimwi andabala ya Jelusalemu kweelana aLesa mbwaakayubulwita Isaya mwanaakwe Amosi. Wakayubulwitwa mubulelo bwakwe Usiya, Jotamu, Aasi alimwi abwakwe Esekiya, bamaami ba cishi ca Juda.

Isaya 12:4

Pabushiku ubo mulaakwiimba ayi, “Amulumbe Mwaami Lesa, amupaile muliina lyakwe. Amupukishe ncaakacita pakati ka mishobo imwi, akwaambilisha ayi liina lyakwe lilyeelete kusumpulwa.

Isaya 57:15

Usumpukite Lesa wakwiculu uyo, Lesa walyoonse alyoonse ucite liina lisalalite waamba ayi, “Nebo ndekala kwiculu kumusena usalalite, sombi ndekala abaabo balibombya alimwi basanduka kuswa kushibiibi shabo kwaamba ayi mbabooshelemo lushomo lwabo akulangila.

Isaya 66:1

Mwaami Lesa waamba ayi, “Liculu ncecuuna cangu ca bwaami, acalo cishi ca panshi mpopakulyata myeendo. Ono ŋanda njeshi munjakile ili buyani? Ee, musena ngweshi nkanokookeshelamo ulaakubeta pali?

Esekelo 1:1

Mumwaaka wamakumi otatwe, mumweenshi wane pabushiku bwasanu ndindakalinga kwikala abasha kulubasu lwa Mulonga wa Keba mucishi ca Babiloni, liculu lyakacaluka. Mpeeke ndakabona shili anga nshiloto shakaswa kuli Lesa.

Esekelo 10:1

Ndindakalanga, ndakabona cakalinga kuboneka anga ncuuna ca bwaami cakapangwa amabwe a Safaya. Cakalinga peculu lya musena ufongomene uyo wakalinga peculu lya mitwi ya bakelebu.

Esekelo 10:4

Lyalo mumuni utowa uyo utondesha bulemu bwa Mwaami Lesa wakanyamuka akuya mwiculu kuswa pabakelebu kumwinjililo wa Ŋanda yakwe Lesa. Likumbi lyakesusha Ŋanda iyi. Alwalo lubansa lwa njiyo loonse lwakesulabo mumuni wa bulemu ubo.

Danyelo 10:17

Nebo ndibo anga ngumusha wiimfwi kunembo lya mwaami wakwe. Ono nkambo, inga ndakonsha buyani kwaambaanu? Nshicite nkusu alimwi akuyoya citooyuma.”

Danyelo 7:9

“Kaanceebela shuuna sha bwaami shakabambwa, lyalo Lesa walyoonse alyoonse wakekala pacuuna comwi. Shakufwala shakwe shakalinga kutuba anga ncaandwa. Misusu yakwe yakalinga kutuba anga mbutonge. Cuuna cakwe ca bwaami cakalinga kubilimabo mulilo aalo mawilo a ncico akalinga kunyaka.

Shakubelenga 12:8

Aboobo ndaamba anguwe bweenka mbuli muntu mbwaamba amubye, kaanyumfwite kuteshi mumapinda. Lakwe wakabonaawo ambomboneka! Nceebonshi ncemwabulila boowa kutongooka musebenshi wangu Mose?”

Mateyo 25:31

“Ono MwanaaMuntu ndyeshi akese mubulemu abaanjelo bakwe boonse ba kwiculu, ulaakwikala pacuuna cakwe ca Bwaami.

Joni 1:18

Taaku muntu wakabonaawo kale Lesa, sombi Mwanaakwe wakashalwabo eenka, uyo usunikwi abuumbi abaIshi, ngowakalengesha ayi ashibikwe.

Joni 12:41

Isaya wakaamba boobo mukwiinga wakabona bulemu bwakwe Jesu, akwaamba shapali nguwe.

1 Timoti 6:16

Lakwe eenkabo ngootafwi alimwi ngookala mumumuni utashikwa pafwaafwi. Taaku wakamubonawo kale alimwi taaku ukonsha kumubona. Bulemu abweendeleshi butamaani bube kuli nguwe lyoonse alyoonse. Ameni.

Ciyubululo 15:8

Lyalo Ŋanda yakwe Lesa yakesula bwiishi buswa kubulemu bwakwe Lesa alimwi ankusu shakwe. Taaku nabi womwi wakakonsha kwinjila muŊanda yakwe Lesa kushikila ndiyakamana myaalu ili yosanwe ayobilo yakaleta baanjelo bosanwe abobilo abo.

Ciyubululo 20:11

Mpomunyaawo ndakabona cuuna ca bwaami cituba cinene alimwi awooyo wakalinga kushiiteewo. Cishi ca panshi alimwi aliculu shakacica kuswa kuli nguwe. Mpeeke tashikwe kubonekaawo alimwi.

Ciyubululo 3:21

Uyo eshi akakome ndaakumusuminisha alakwe kwikala pacuuna cangu ca bwaami, bweenka mbondakakoma akwikala lubamba abaTa pacuuna cabo ca bwaami.’

Ciyubululo 4:10

bamaloba abo bali makumi obilo abone balafukama kunembo lya wooyo ushiite pacuuna muumi lyoonse alyoonse akumulambila. Balatula mishini yabo kunembo lya cuuna ico akwaamba ayi,

Ciyubululo 4:2

Paciindi ceenka ico ndakatanjililwa aMushimu Usalashi. Kwiculu uko, ndakabona cuuna ca bwaami kapashiite umwi.

Ciyubululo 4:3

Ciinso ca wooyo wakalinga kushiite pacuuna ico, cakalinga kubeka anga ngamabwe amakwebo abekabeka alimwi aasalala pyu. Cuuna ico cakalinga kushingulukitwe ankongolo yakalinga kuboneka anga ndibwe liitwa ayi emalodi.

Ciyubululo 4:9

Ono na shilengwa shuumi ishi shone shapa bulemu, mucinshi alimwi akulumba kuli wooyo wakalinga kushiite pacuuna ca bwaami, muumi lyoonse alyoonse,

Ciyubululo 5:1

Lyalo ndakabona libuku mulyaansa lyalulyo lya wooyo wakalinga kushiite pacuuna ca bwaami ico. Libuku ili lyakalinga kuswitebo malembo, mukati apansengwe poonse alimwi lyakalinga kulamatikitwe abakalamatila ba keshibilo bali bosanwe abobilo.

Ciyubululo 5:7

Mpeeke Mwanaambelele wakaya mukutambula libuku ilyo mulyaansa lyalulyo lyakwe wooyo wakalinga kushiite pacuuna ca bwaami.

Ciyubululo 6:16

Bakaambila tulundu alimwi amyaandami ayi, “Amutuwiite kwaamba ayi mutushiseeko kuli wooyo ushiite pacuuna ca bwaami alimwi akubukali bwa Mwanaambelele!