Isaya 59:3 - Baibo Busansulushi Bwa Libuku Ili

³ Maansaanu alibo pyu kubulowa bwa bantu mbomwakacaya. Ee, mulicite milandu ipusenepusene. Milomo yanu ilaamba makani abubeshi alimwi ilaamba shintu shibiibi.

Isaya 59:3 ပူးပေါင်းရင်းမြစ်များ

Tushimpi 6:17

Meenso acimeko, mulomo ubeca, Maansa atila bulowa bwa bantu batacite mulandu,

Isaya 1:15

“Mwaakunyamuna maansaanu pakupaila, teshi nkamulangilisheewo, sobwe. Teshi nkanyumfwe nabi mukapaile mankanda aanji buyani mukwiinga maansaanu aliswitebo milandu yakutila bulowa.

Isaya 1:21

Amubone bamundabala inene abo bakalinga kushomeka ono batalika bufuule bwakulambila balesa bamwi. Muciindi cimwi ndabala iyi yakalinga kuswitebo bantu bakalinga kucita shiluleme, ee, bantu batacite tumpenda. Ono mwacaalabo bacayi.

Isaya 28:15

Mulalisumpula ayi, “Swebo twapaanga cipangano alufu, ncakwiila twasuminishanya amusena wa bafu. Nabi shiyoosha shatupolela, taaku nceenga shatucitaawo. Ceebo mububeshi momuli ciyubilo cesu, ee, mukubeca motuyubila.”

Isaya 3:8

Ncakwiila ndabala ya Jelusalemu yatenkaana, cishi ca Juda citooya ciwa. Bantu ba mumo balaamba akucita shintu isho Mwaami Lesa shakumulwana. Capatuba balacobola Lesa.

Isaya 30:9

Bantu aba mbaashu, mbabeshi mbaana batalibambite kunyumfwila milasho ya Mwaami Lesa.

Isaya 44:20

Sa te ca mushobo uyo cilyeelenebo akulya milota. Ndushinisho maano akwe alisaamite, aboobo taakoonshi kulifuna napaceyuubo. Taakoonshi kwishiba ayi ici cintu nceencite mulyaansa lyangu lyalulyo ncabubeshi.

Isaya 59:13

Twasumina kwaamba ayi tuli baashu alimwi tatushomeki kuli ndimwe noBaami baLesa. Tulamufutatila nobaLesa besu, tulalyatililana alimwi akumubukila. Kwaamba bubeshi ncintu myoyo yesu nceyakalinga kulama kabotu.

Isaya 6:5

Mpeeke ndakalila akwaamba ayi, “Mapensho kuli ndime! Ono ndamanaawo mukwiinga ndi muntu utaambi shisalalite alimwi ndekala pakati ka bantu bataambi shisalalite. Ono alimwi ndaboona aMwaami wesu, ee, Mwaami Lesa Shinkusu shoonse.”

Isaya 9:15

Basankwa bamanene alimwi balemekwa ngomutwi, mucila mbalaluki beeisha shakubeca.

Jelemiya 2:30

Ndakalipenshabo kumupa mulandu nobene Juda. Ncakwiila mwakakaka kusumina kululikwa. Amubone mwakacaya balaluki amipeeni yanu bweenka nkalamu mbweenyonyoola na yaluma.

Jelemiya 2:34

Kushakufwala shako bantu balacanaako bulowa bwa bakandu batacite milandu nakubi kwaamba ayi tookwe kubacata kabeepa. Nakubi boobo

Jelemiya 22:17

Sombi mwebo meenso anu amyoyo yanu ilibo kumpindu yakucana kwiinda mubwiipi, kutila bulowa bwa bantu batacite mulandu, alimwi amukulyatilila akupensha bantu.”

Jelemiya 7:8

“Sombi amubone, mwebo mwacinka manungo mumaswi akubeca atacite ncito.

Jelemiya 9:2

Nindakalinga kucite ŋanda yakoonaamo beshikweenda muluyanga, naakwiinga ndakashiya bantu bene misheesu. Naakwiinga ndabashiya ceebo boonse mbafuule alimwi ndikoto lya bantu batashomeki.

Jelemiya 9:7

Paceebo ceeco Mwaami Lesa Shinkusu shoonse waamba ayi, “Bona, ndaakubabotesha akubeelesha, mukwiinga taaku cimwi nceenga ndacita pashibiibi sha bantu bangu.

Esekelo 13:8

“Paceebo ceeci nebo neMwaami Lesa Shinkusu shoonse ndaamba ayi, ‘Ceebo ca maswi anu abubeshi alimwi ashili anga nshiloto nshemubona nshabubeshi, nebo ndimupatite.

Esekelo 22:2

“Webo omuntu, sa te ulilibambite kupa mulandu bamundabala iyo iswitebo bacayi? Na ulilibambite, beebalushe shintu shilensha bunya isho nshebakalinga kucita.

Esekelo 35:6

Paceebo ceeco kweelana ambocibete lushinisho ayi nebo neMwaami Lesa Shinkusu shoonse ndi muumi, mbweeke ubo ndaakumwaaba kulufu alimwi teshi mukakonshewo kululoboka. Ulicite mulandu wa bucayi, aboobo awebo ulyeelete kucaikwa.

Esekelo 7:23

“Amubambe ncetani ceebo cishi ciliswitebo beshikutila bulowa aalo mandabala oonse anene aliswitebo shalunkutwe.

Esekelo 9:9

Lyalo wakankumbula ayi, “Shibiibi sha bene Isilaeli abene Juda nshinene abuumbi. Cishi ciliswitebo beshikutila bulowa ayalo ndabala ya Jelusalemu iliswitebo shitaluleme. Balo balaamba ayi, ‘Mwaami Lesa cishi wakacisuula. Ncakwiila nshetutoocita taashibweneewo.’

Osiya 4:2

Mulibo kushingana, bubeshi alimwi abucayi, kwiipa alimwi abulale. Shibiibi shafula, kucayana kwaba ndolwiimbo.

Osiya 7:13

“Mapensho kuli mbabo ceebo bakapambuka kuswa munshila yangu. Kunyonyoolwa kulaakubashikila ceebo bakangashukila. Ndisunishi kubalubula, sombi balo balaamba shabubeshi pali ndime.

Osiya 7:3

Mwaami Lesa waamba ayi, “Bantu balabeca mwaami abwikaalo bwabo bubiibi, bacinenenene balabasangalasha kububeshi bwabo.

Mika 3:4

Ciindi cilaakushika ndyeshi mukalilile Mwaami Lesa, sombi lakwe ulaakukaka kumucafwa. Teshi akakutike kumipailo yanu ceebo ca bubi mbomwakacita.”

Mika 6:12

Bantu bako babile balisuni nkondo alimwi bantu bako bamwi boonse mbabeshi. Milaka yabo ilaamba shabubeshi.

Mika 7:2

Bantu baluleme bamana mucishi cesu, taaku nabi womwi ululeme uciliimo. Uli woonse utoofwima kucaya muntunyina. Ncakwiila womwi awomwi ulisuni kucatisha mubye mubukonde.

Mateyo 27:4

akubaambila ayi, “Ndakabisha kwaaba muntu utacite mulandu.” Balo bakamukumbula ayi, “Ono tucite buyani swebo? Ngamakani ako omwiine ayo!”

1 Timoti 4:2

Kwiisha uko kulaakwisa kwiinda mubabeshi abo baamba nshebataciti, bacite miyeeyo italuleme, sombi ili anga yakatentwa ceela cilungula.