Isaya 57:7 - Baibo Busansulushi Bwa Libuku Ili

⁷ Mwakalipangila amalo patulundu tulaamfu apo mpomucitila bulale. Apo mpomunya mpomuya mukubengela milambu.

Isaya 57:7 ပူးပေါင်းရင်းမြစ်များ

Isaya 57:3

Ono amwise kuno mwebo nobamucita shibi moomboloshekwe. Mwebo tamupuseneewo abaloshi, beshibulale alimwi abafuule.

Isaya 65:7

Ndaakuboosha cishole pabubi bwabo abwakacita bamashali babo bakulukulu. Mukwiinga bakalinga kubenga milambu pamisena yakulambililaawo ya patulundu akubisha liina lyangu patulundu uto, ndaakubapa mulandu, ee, mulandu weelete pashintu shoonse nshebakacita kale kale.” Mwaami Lesa waamba.

Jelemiya 2:20

Mwaami Lesa utokwaamba ayi, “Nobene Isilaeli mwakakakabo kale kale bweendeleshi bwangu. Mwakakaka kunyumfwila akunambila. Peculu lyatulundu tulaamfu amunshaashisamu shoonse shicite shimfule shibotu mwakalinga kucita bufuule mukulambila balesa bamwi.

Jelemiya 3:2

Amulange peculu lya tulundu tutacite bwiisu mubone. Sa kuliwo pakacaala mpomutana kutacitilawo bufuule? Mwakalinga kunookala mweela nshila kulindilila basankwa bweenka mbuli bucita muAlabu muluyanga. Aboobo mwalengesha cishi kutanoosalalite ceebo ca bufuule abubi bwanu.

Jelemiya 3:6

Muciindi ca bulelo bwakwe Josiya, Mwaami Lesa wakandwiita ayi, “Sa wamubona Isilaeli mwanakashi mufuule utashomeki nshaatoocita. Ulatanta peculu lya tulundu toonse amunshaashisamu shoonse shicite shimfule shibotu akunoocita bufuule.

Esekelo 16:16

Wakabwesa ashisani shako shimwi akuya mukubotesha misena yako yakulambililaako. Kumisena iyo nkowakalinga kucitila bufuule. Shintu sha mushobo uyo tasheelete kucitika.

Esekelo 16:24

wakaliyakila misena yakulambililaako shibumbwabumbwa akucitila bufuule mweela mukwakwa womwi awomwi.

Esekelo 16:25

Kweela kwa mukwakwa womwi awomwi mwakayakaako misena yakulambililaako akusebaanya bubotu bwanu mukukumana amusankwa uli woonse utokwiinda. Wakalinga kucita boobo mankanda maanji pabushiku bomwi abomwi.

Esekelo 23:17

Mpomunyaawo bene Babiloni bakesa kuli nguwe, bakumanaakwe akumubisha ceebo ca lunkumbwa lwabo. Pesule lya kukumanaakwe akumubisha, wakabashiya kaacimitwe.

Esekelo 23:41

Mpeeke bakalinga kwikala pacuuna cibotu, kunembo kakuli tebulu apo mpobakalinga kubika tununkila kabotu amafuta isho shakapekwa kuli ndime.

Esekelo 6:13

Lyalo balaakwishiba ayi ndi Mwaami Lesa, bene mishaabo baakukungubala pakati ka shibumbwabumbwa shabo, kushinguluka shipaililo shabo patulundu tulaamfu toonse, peculu lya tulundu tumwi toonse, munshaashisamu shoonse shicite shimfule shibotu alimwi amushisamu sha mibanga shoonse shicite matewu. Nkokwaamba ayi kumisena yoonse uko nkobakalinga kutentela tununkila kabotu kushibumbwabumbwa shabo shoonse.