Isaya 56:7 - Baibo Busansulushi Bwa Libuku Ili

⁷ Mwaami Lesa waamba ayi, “Ndaakumuleta kuSiyoni, pakalundu kangu kasalalite. Lyalo ndaakumulengesha kusangalala muŊanda yangu ya mipailo akutambula milambu yanu njeshi mukanoobenga pacipaililo cangu. Ceebo Ŋanda yangu ilaakunookwiitwa ayi ŋanda ya kupaililaamo ya mishobo yoonse.”

Isaya 56:7 ပူးပေါင်းရင်းမြစ်များ

1 Baami 8:41

“Na muswamashi uyo ukala kucishi cakulaale wanyumfwa impuwo yanu, ono wesa mukulambila muŊanda yanu

Kulumbaisha 2:6

Ulaamba ayi, “Ndabika mwaami wangu paKalundu kangu kasalalite ka Siyoni.”

Kulonga 28:38

Aloni ulyeelete kunookafwala pankumo, kwaamba ayi nebo neMwaami Lesa nkanootambula shipo shoonse bene Isilaeli nsheenga babenga kuli ndime, nabi bantu babisha pakupa shipo isho.

Isaya 11:9

Ncakwiila paSiyoni kalundu kasalalite ka Mwaami Lesa, teshi pakabeewo cintu cikali alimwi teshi pakabeewo bubi. Mucishi ca panshi coonse bantu balaakunooswitebo lushibo lwa Mwaami Lesa, bweenka lweenge mboluswite maanshi.

Isaya 19:19

Ciindi ico caakushikila mukati mwiine muIjipiti mulaakuba cipaililo cakulambililaawo Mwaami Lesa. Akwalo kunyinsa ya ncico kulaakuba licincilo lyeshi likayakwe mukupa bulemu Mwaami Lesa.

Isaya 19:21

Mwaami Lesa ulaakuliyubulula kubene Ijipiti. Balaakumutambula akutalika kumulambila. Balaakunoobenga milambu akuleta shipo kuli nguwe alimwi balaakunooshomesha cakulumbila kuli nguwe akucita kweelana ambweshi bakanooshomesha.

Isaya 25:6

Pakalundu aka, Mwaami Lesa ulaakubambila bantu ba mumishobo yoonse kusekelela. Mukusekelela umo mulaakuba shakulya shiindaawo kubota alimwi awaini ubotu wiindaawo.

Isaya 56:5

balaakunookwiibalukwa kwaciindi cilaamfu muŊanda yangu apakati ka bantu bangu kwiinda mbobalinga kweelete kwiibalukwa na kabacite baana. Ndaakubapa liina litakoonshi kulobeshekwa.”

Isaya 57:13

Ee, atukabone na shibumbwabumbwa shanu shilaakumucafwa mwaakushililila lucafwo! Ncakwiila muuwo ulaakushitola shoonse, ee, shilaakuululukabo kukuyoya kwa linkanda lyomwi. Sombi muntu uyo woonse uyubila muli ndime ulaakupekwa cishi ici pantu pomwi akalundu kangu kasalalite.”

Isaya 60:11

Minjililo yako ilaakunookalabo keecalukite. Teshi ikanoocalwaawo malumwi amashiku kwaamba ayi bantu bakakuletele buboni bwa bamumishobo imwi. Bamaami babo balaakunooli pamulongo wa beshi bakanoosekelela kukoma.

Isaya 60:7

Mbelele shoonse sha Keda alimwi aNebaiyoti shilaakuletwa kuli ndiwe ayi njimilambu pacipaililo cangu. Lyalo ndaakubotesha Ŋanda yangu ya bulemu.

Isaya 61:10

Ndasangalala cankusu muMwaami Lesa. Moyo wangu ulisangalete abuumbi muli Lesa. Ceebo wamfwalika lupulusho anga ncakufwala ca peculu akumfwalika bululami anga ngumungaanjo. Wamfwalikabo bweenka shibwiinga nabi mupailishi mbwaalibotesha kumutwi, nabibo shibwiinga mbwaalibotesha ashakulibotesha sha makwebo.

Isaya 65:11

“Sombi mwebo nomufutatila ndime neMwaami Lesa akusuula kalundu kangu kasalalite, ee, mwebo nomulambila Gadi aMeni balesa baleta coolwe amalwesa,

Isaya 65:25

Muciindi ico baumpe balaakunoolyabo pantu pomwi ambelele. Inkalamu shilaakunoolya bwiisu anga niŋombe sombi yalo nsoka ilaakunoolya bulongo ono teshi shikanoolumaawo. Ncakwiila pakalundu kangu kasalalite teshi pakabewo ciluma nabi cinyonyoola.” Mwaami Lesa waamba.

Jelemiya 7:11

Sa Ŋanda yangu ino mwayaalula yaba momwakuyubila beepi? Sombi nebo ndishibwene nshemutoocita! Nebo neMwaami Lesa ndaamba.

Esekelo 20:40

Mucishi ico, pakalundu kangu kasalalite, ee, kalundu kalaamfu ka Isilaeli, mwebo nobene Isilaeli noonse mulaakunambila. Uko ndaakusangalala pali ndimwe alimwi uko mulaakunooyandika kuleta shipo shimwi, shipo shanu shipuseneeko alimwi amilambu yanu isalalite.

Esekelo 47:22

ceebo cilaakuba caanu kwalyoonse alyoonse. Baswamashi bashiite pakati kanu abo bacite baana bakashalilwa kokuno, abalo balyeelete kupekwa cipansha ca cishi mwaakunokwaabaanya. Mulyeelete kubacitabo anga abalo mbene Isilaeli beene beene. Mwaakunokuuma cisolo pakwaabana cishi, abalo balyeelete kuumaako ayi bapekweko shipansha sha cishi pantu pomwi abene Isilaeli beene beene.

Jowelo 3:17

Mwaami Lesa waamba ayi, “Ono nobene Isilaeli mulaakwishiba ayi ndimebo Mwaami Lesa, Lesa wanu. Ndekala paKalundu kasalalite ka Siyoni. Ndabala ya Jelusalemu ilaakuba ndabala isalalite. Baswamashi teshi bakeekomeewo, sobwe.

Sekaliya 8:3

“Ndaakuboola kuSiyoni alimwi akwikala muJelusalemu. Lyalo ndabala ya Jelusalemu ulaakunokwiitwa ayi, ‘Ndabala ya Lushinisho,’ akalo kalundu kangu nebo neMwaami Lesa Shinkusu shoonse kalaakunokwiitwa ayi, ‘Kalundu Kasalalite.’ ”

Malaki 1:11

Sombi liina lyangu lilaakulemekwa pakati ka mishobo yoonse ya mu cishi ca panshi, kuswa kweela akweela. Kuli koonse balaakunoobenga tununkila kabotu alimwi amilambu yeelete kuli ndime. Nkokwaamba ayi boonse balaakunoondemeka!

Mateyo 21:13

Wakabalwiita ayi, “Cililembetwe ayi, ‘Ŋanda yangu ilaakwiitwa ayi ŋanda yakupaililaamo.’ Sombi mwebo mwayaalula yaba momwakuyubila beepi!”

Maako 11:17

Lyalo wakatalika kwiisha bantu ayi, “Sa muMalembo akwe Lesa tamulembetwe ayi, ‘Ŋanda yangu ilaakwiitwa ayi ŋanda yakupaililaamo mishobo yoonse?’ Sombi mwayaalula yaba momwakuyubila beepi.”

Luka 19:46

Wakabaambila ayi, “Cililembetwe ayi, ‘Ŋanda yangu ilaakwiitwa ayi ŋanda yakupaililaamo,’ sombi mwebo mwayaalula yaba mumwakuyubila beepi!”

Bene Loma 12:1

Ono nobamakwesu ceebo Lesa wakatunyumfwila nkumbu abuumbi, ndamusenga kwaamba ayi mulibeenge amyoyo yanu yoonse ayi mube mulambu uumi kuli Lesa, usalalite alimwi umusangalasha. Iyi njenshila yancinencine yakulambililaamo Lesa.

1 Timoti 2:8

Ndisuni basankwa kuli koonse, kabapaila amaansa kaanyamukite, amoyo usalalite, kakutaaku kukalala nabi kupikishanya.

Bene Ebulu 12:22

Sombi mwebo mwesa kuKalundu ka Siyoni alimwi akundabala inene yakwe Lesa muumi, njeJelusalemu ya kwiculu umo muli baanjelo bali shuulu ashuulu.

Bene Ebulu 13:15

Paceebo ceeco kwiinda muli Jesu, atulumbaishe Lesa lyoonse kwaamba ayi kube mulambu wesu, nditulyaambilila ayi nguMwaami wesu.

1 Pita 2:5

Amwebo mube anga ngamabwe oomi ayo Lesa ngweshi ayakishe ŋanda yakwe ya mushimu. Muŋanda iyo mweshi mukasebensele mbuli bapailishi basalalite mukubenga milambu ya mushimu itambulwa kuli Lesa kwiinda muli Jesu Klistu.