Isaya 56:6 - Baibo Busansulushi Bwa Libuku Ili

⁶ Kubaswamashi abo bakenjila mulikoto lya bantu, abo basuni Mwaami Lesa alimwi basuni akumusebensela, balama bushiku bwakookesha bwa Cibelu alimwi balama cipangano cakwe cakushomeka.

Isaya 56:6 ပူးပေါင်းရင်းမြစ်များ

1 Baami 8:41

“Na muswamashi uyo ukala kucishi cakulaale wanyumfwa impuwo yanu, ono wesa mukulambila muŊanda yanu

Isaya 14:1

Mwaami Lesa ulaakunyumfwila nkumbu bamulunyungu lwakwe Jakobo. Ulaakusala bene Isilaeli alimwi akubaboosha ayi bekale mucishi cabo. Baswamashi balaakwisa mukwikalaabo mucishi cabo akukakatila kuli mbabo.

Isaya 44:5

“Umwi ulaakwaamba ayi, ‘Ndi wa Mwaami Lesa.’ Umwi ulaakuliita ayi wamulunyungu lwakwe Jakobo. Umwi alakwe ulaakulilemba pamukono ayi, ‘Ndi wa Mwaami Lesa’ alimwi ulaakunooliita ayi wamulunyungu lwa bene Isilaeli.”

Isaya 58:13

Mwaami Lesa waamba ayi, “Na mwakasha myeendo yanu kupwaya mulawo wa bushiku bwakookesha bwa Cibelu, na mwalikasha kucita shisangalasha myoyo yanu pabushiku bwangu busalalite alimwi bulemekwa, na mwabupa bulemu mukuteenda munshila shanu nobeene alimwi akutacita shisangalasha myoyo yanu nabi mukwaamba caambaambe,

Isaya 60:10

Baswamashi mbweshi bakayakulule imumbu shako, ncakwiila bamaami babo balaakutalika kukusebensela. Nabi ndakakuuma ceebo ca bukali sombi mukusangalala ndaakukunyumfwila nkumbu.

Isaya 61:5

Beshi bakanoomweembelelako mbelele ampongo mbaswamashi. Ee, beshi bakanoomulimina myuunda imwi aya minyansa mbanaabenebo.

Isaya 61:6

Mulaakunokwiitwa ayi bapailishi ba Mwaami Lesa, ncakwiila basebenshi bakwe Lesa wesu. Buboni bwa mishobo imwi ndimwe mweshi mukanoobulya alimwi mulaakunoosangalala kwaamba ayi buboni ubo mbwanu.

Jelemiya 50:5

Balaakwiipusha nshila iya kuSiyoni akululama nkuko. Lyalo balaakupanga cipangano anebo neMwaami Lesa camuyayaya ico ceshi cikabule kulubwaawo.

Esekelo 20:13

“ ‘Nakubi boobo bene Isilaeli bakangashukila muluyanga. Tabakwe kukonkela milasho yangu akukaka milawo yangu iyo ipa buumi kumuntu uyo wiinyumfwila. Bakabisha bushiku bomwi abomwi bwakookesha bwa Cibelu. Aboobo ndakalinga kulibambite kubalengesha kunyumfwa cilemeneshi ca bukali bwangu muluyanga.

Esekelo 47:22

ceebo cilaakuba caanu kwalyoonse alyoonse. Baswamashi bashiite pakati kanu abo bacite baana bakashalilwa kokuno, abalo balyeelete kupekwa cipansha ca cishi mwaakunokwaabaanya. Mulyeelete kubacitabo anga abalo mbene Isilaeli beene beene. Mwaakunokuuma cisolo pakwaabana cishi, abalo balyeelete kuumaako ayi bapekweko shipansha sha cishi pantu pomwi abene Isilaeli beene beene.

Sekaliya 6:15

“Bantu bekala kulaamfu balaakwisa mukucafwa kuyakulula Ŋanda yakwe Lesa iyo. Na ikamane kuyakululwa ndyeshi mukeshibe ayi anu nguMwaami Lesa Shinkusu shoonse ngowakantuma kuli ndimwe. Shintu ishi shilaakucitika na ncakwiila mukanyumfwile milawo ya Mwaami Lesa, Lesa wanu.”

Milimo ya Batumwi 11:23

Ono ndyaakashika akubona Lesa mbwaakapa coolwe bantu abo, wakakondwa. Wakabayuminisha ayi batolelele kushoma muMwaami Jesu amyoyo yabo yoonse.

Milimo ya Batumwi 2:41

Mpeeke bantu baanji bakashoma maswi akaamba Pita. Lyalo bakabombekwa. Alimwi pabushiku bweenka ubo, bantu aba bakaba mulikoto lyabo mpashi bakalinga shuulu shotatwe.

Bene Loma 8:28

Tulishi kwaamba ayi Lesa shintu shoonse ulasheensha kabotu kubaabo bamusuni, nkokwaamba ayi abo bantu mbwaakeeta kweelana akubamba kwakwe.

1 Bene Kolinto 16:22

Na kuli muntu utasuni Mwaami Jesu, aashinganishikwe! Malanata! Nkokwaamba ayi, “NoBaami besu, kamwisa!”

2 Bene Kolinto 8:5

Bakacita buteshi mbotwakalinga kubayeeyela, sombi kutaanguna bakalibenga kuli Lesa, lyalo kweelana akuyanda kwakwe Lesa, bakalibenga akuli ndiswe.

Bene Galatiya 5:6

Mukwiinga swebo sotuli muli Klistu Jesu, kupalulwa nabi kutapalulwa taaku mbokubete, sombi cinene nkuba alushomo kwiinda mulusuno.

Bene Efeso 6:24

Alimwi luse luswa kuli Lesa lube abaabo boonse basuni Mwaami wesu Jesu Klistu alusuno lutamaani.

Jemusi 1:12

Ulicite coolwe uyo utolelela kushoma na weeleshekwa mukwiinga na wakoma masunko, ulaakutambula mushini wa buumi butamaani uyo Lesa ngwaakashomesha baabo bamusuni.

Jemusi 2:5

Amukutike nobamakwesu basunikwi, Lesa wakasala baboneka ayi mbakandu mucishi ca panshi ayi bakabe babile mulushomo akwinjila muBweene bwakwe Lesa ubo mbwaakashomesha baabo bamusuni.

Ciyubululo 1:10

Pabushiku bwa Mwaami, ndakesushikwa aMushimu Usalashi, lyalo ndakanyumfwa liswi linene kwisule lyangu, anga nkulila kwa lupeenga.