Isaya 56:5 - Baibo Busansulushi Bwa Libuku Ili

⁵ balaakunookwiibalukwa kwaciindi cilaamfu muŊanda yangu apakati ka bantu bangu kwiinda mbobalinga kweelete kwiibalukwa na kabacite baana. Ndaakubapa liina litakoonshi kulobeshekwa.”

Isaya 56:5 ပူးပေါင်းရင်းမြစ်များ

Isaya 2:2

Munshiku shakumamanino, kalundu ka Ŋanda ya Mwaami Lesa kalaakupusha nsonga indilila tulundu tumwi toonse. Kalaakusumpulwa kwiinda tulundu tumwi toonse, lyalo mishobo yoonse ilaakuwuumukila nkuko.

Isaya 2:3

Bantu baanji balaakwisa akwaamba ayi, “Kamwisa tunooya kukalundu ka Mwaami Lesa. Lesa ulaakutwiisha nshaasuni ayi tucite kwaamba ayi tunookweenda kweelana ambwaasuni. Mukwiinga milawo yakwe ilaakuswita kuSiyoni ncakwiila maswi akwe alaakunooswa kuJelusalemu.”

Isaya 26:1

Pabushiku ubo bantu balaakwiimba lwiimbo ulu mucishi ca Juda ayi, “Tulicite ndabala inene iyumu, Lesa mwiine ngootabilila malinga a njiyo.

Isaya 43:7

Boonse mbantu bangu, ndakabalenga ayi banoompa bulemu.”

Isaya 48:19

Bamulunyungu lwanu naakwiinga bakafula anga ngumuseese, ncakwiila bana banu naakwiinga taaku ukonsha kubabelenga. Aalo meenaabo naakwiinga taaloobi, ee, naakwiinga taashiminganishikwi kunembo lyangu.”

Isaya 55:13

Apo pali myuumfwa palaakumena shisamu sha mapaini, apalo pali shisonsoonya palaakumena mishikili. Ici cilaakuba citondesho ceshi cikanoolikobo kwalyoonse alyoonse, cakwiibalukilaawo shintu isho Mwaami Lesa nshaakacita.”

Isaya 56:7

Mwaami Lesa waamba ayi, “Ndaakumuleta kuSiyoni, pakalundu kangu kasalalite. Lyalo ndaakumulengesha kusangalala muŊanda yangu ya mipailo akutambula milambu yanu njeshi mukanoobenga pacipaililo cangu. Ceebo Ŋanda yangu ilaakunookwiitwa ayi ŋanda ya kupaililaamo ya mishobo yoonse.”

Isaya 60:18

Mucishi cako teshi mukanyumfwikewo tubili shankondo abucayi. Cishi cako teshi cikanyonyoolwewo tubili. Ndaakunookufunabo anga ndilinga liyumu, paceebo ceeco ulaakunumbaisha ceebo ndakupulusha.

Isaya 62:12

Bantu bakwe balaakunokwiitwa ayi, “Bantu basalalite, Bakalubulwa ba Mwaami Lesa.” Lyalo webo Jelusalemu ulaakunokwiitwa ayi, “Uyo Wakayandoolwa.” Teshi ukeetwewo tubili ayi, “Ndabala yakacaala cisuukila.”

Isaya 62:2

Mishobo imwi yoonse ilaakubona bululami bwako. Bamaami boonse balaakubona bulemu bwako. Balaakunookwiita liina lipya ilyo Mwaami Lesa mwiine ndyeshi akakupe.

Isaya 66:20

“Balaakuleta bene mishaanu boonse bali mushishi shoonse kukalundu kangu kasalalite muJelusalemu ayi ncipo kuli ndime neMwaami Lesa. Balaakwisa kabatantite pamaaki, shifubwa shili anga nimbongolo, ngamela, mushikoci alimwi amumaŋoola. Bweenka bene Isilaeli mbobaleta shipo sha shili anga ngamaila kuŊanda yangu mushakunyamwitaamo shisalalite kweelana aMilawo, mbweeke ubo abalo mbweshi bakaletwe.

Isaya 66:22

“Ono bweenka liculu lipya acishi ca panshi cipya isho nsheshi nkalenge mbweshi shikabe shamuyayaya, mbweeke ubo bamulunyungu lwanu aliina lyanu mbweshi shikabule kuloba.

Sefaniya 3:20

Paciindi ico ndaakubunjika bantu bako akuboosha bantu bako bakapalanganishikwa kucishi cine mishaabo. Ndaakulengesha bantu ba mucishi ca panshi coonse kukulemeka akukulumbaisha. Ndaakukulengesha kuswitilila alimwi. Nebo neMwaami Lesa ndaamba.”

Mateyo 16:18

Ono ntookwaambila ayi ndiwe Pita, aboobo pamwaandami uyu mpweshi nkayakile coonde cangu alimwi nkusu sha lufu teshi shikacikomeewo nalilaampi.

Joni 1:12

Sombi kubaabo boonse bakamutambula akumushoma, wakabapa nkusu shakuba bana bakwe Lesa.

Bene Efeso 2:22

Muli nguwe amwebo mutooyakilwa pantu pomwi abashomi bamwi boonse ayi mube mwakwikala Lesa kwiinda muMushimu.

1 Timoti 3:15

na ndaceelwa kwisa, makani aya eenka akakuboneshe bantu mbobeelete kwikala muŊanda yakwe Lesa, iyo ili ncecoonde cakwe Lesa muumi. Coonde ndyelicinko lya lushinisho alwiimbi lwa ndulo.

Bene Ebulu 3:6

Sombi Klistu mukuba Mwanaakwe Lesa, ulashomeka mukweendelesha bantu bakwe Lesa boonse. Nkokwaamba ayi swebo tuli bantu bakwe Lesa na twatolelela kutaloonda alimwi akulisumpwita mushintu ishi nshetutoolangila.

1 Joni 3:1

Amubone lusuno lwa Bamashali besu bakulukulu mbolubete kukomena pali ndiswe! Cakutubanda ayi tuli bana bakwe Lesa! Ncakwiila tuli bana bakwe. Bantu ba mucishi ca panshi tabatwishi ceebo Lesa tebakalinga kumwishi.

Ciyubululo 2:17

“Uyo ucite matwi, aanyumfwe sheesho Mushimu Usalashi nshootokwaambila shoonde! “Uyo eshi akakome bubi, ndaakumupa mana ashisitwe. Ndaakumupa alibwe lituba apo mpweshi pakanoolembetwe liina lipya ilyo muntu woonse ndyaateshi, sombibo wooyo weshi akalitambule.

Ciyubululo 3:12

Uyo weshi akakome, ndaakulengesha ayi akabe licinko lya muŊanda yakwe Lesa wangu alimwi teshi akasweemo. Pali nguwe ndaakulemba liina lyakwe Lesa wangu alimwi alya ndabala inene yakwe Lesa wangu, nkokwaamba ayi Jelusalemu ipya, iyo njeshi ikaswe kwiculu kuli Lesa wangu. Ndaakulemba aliina lyangu lipya pali nguwe.’

Ciyubululo 3:5

Uyo weshi akakome bubi ulaakufwala shakufwala shituba mbomunya ubo alimwi liina lyakwe teshi nkalifuute mulibuku lya buumi. Ndaakwaamba patuba ayi ulakonkela ndime pameenso abaTa abaanjelo babo.’

1 Samwelo 1:8

Elikana ibaye, wakalinga kwiipusha ayi, “Aana utoolilanshi? Ceebonshi tootekulya? Anu utookuungumaninanshi lyoonse? Sa nebo kuba ibayo taciindi kushala baana basankwa bali likumi?”