Isaya 56:4 - Baibo Busansulushi Bwa Libuku Ili

⁴ Mwaami Lesa waamba ayi, “Kubasankwa bakacaikwa lushalo balama bushiku bwakookesha bwa Cibelu, abo basala kucita sheesho shisangalasha alimwi batolelela kulama cipangano cangu,

Isaya 56:4 ပူးပေါင်းရင်းမြစ်များ

2 Samwelo 23:5

“Mboboobo Lesa mbweshi akape coolwe bamulunyungu lwangu. Mukwiinga wakapanga cipangano camuyayaya anebo, cililamitwe kabotu alimwi cilaakunoolikobo. Ono nceceecobo nceensunishi, ndolupulusho lwangu, alimwi ndishi kwaamba ayi Lesa ulaakucita ubo.

Kulumbaisha 119:111

Milasho yanu mbobuboni bwangu bwamuyayaya. Ncakwiila mooncana kusangalala kwa moyo wangu.

Kulumbaisha 25:10

Nshila sha Mwaami Lesa nsha lusuno alimwi nsha kushomeka. Ncakwiila ulashomeka kubaabo bakonkela cipangano amilasho yakwe.

Isaya 27:5

Ono na balwani ba bantu bangu balisuni ayi noobatabilila, bataangune kusuminishanya luumuno anebo. Ncakwiila abasuminishanye luumuno anebo.”

Isaya 55:3

“Amuteye matwi kuli ndime akupilukila kuli ndime. Amunkutike kwaamba ayi mube abuumi. Lyalo ndaakupangana amwebo cipangano calyoonse alyoonse. Ndaakumutondesha lusuno lwangu lutamaani kweelana ambondakashomesha Defedi.

Isaya 56:2

Muntu ucita boobo ulicite coolwe. Ncakwiila uyo ukakatila mukucita boobo, uyo ulama bushiku bwakookesha bwa Cibelu cakutalilengesha kutasalala alimwi utasuminishi maansaakwe kucita bubi, ulicite coolwe.”

Isaya 56:6

Kubaswamashi abo bakenjila mulikoto lya bantu, abo basuni Mwaami Lesa alimwi basuni akumusebensela, balama bushiku bwakookesha bwa Cibelu alimwi balama cipangano cakwe cakushomeka.

Isaya 58:13

Mwaami Lesa waamba ayi, “Na mwakasha myeendo yanu kupwaya mulawo wa bushiku bwakookesha bwa Cibelu, na mwalikasha kucita shisangalasha myoyo yanu pabushiku bwangu busalalite alimwi bulemekwa, na mwabupa bulemu mukuteenda munshila shanu nobeene alimwi akutacita shisangalasha myoyo yanu nabi mukwaamba caambaambe,

Jelemiya 50:5

Balaakwiipusha nshila iya kuSiyoni akululama nkuko. Lyalo balaakupanga cipangano anebo neMwaami Lesa camuyayaya ico ceshi cikabule kulubwaawo.

Luka 10:42

Sombi ncintu comwibo cisunikwi. Maliya wasala cintu ciluleme alimwi teshi akanyaikweewo.”

Bene Ebulu 6:17

Lesa wakayanda kubonesha baabo beshi bakatambule sheesho nshaakashomesha ayi ulaakucita kweelana akubamba kwakwe. Nceceeco ncaakalumbilila akukonkomesha mukushomesha kwakwe.

Joshuwa 24:15

Ono na tamusuminite kusebenselabo Mwaami Lesa, amusale sunu nobeene uyo ngweshi munoosebensela, na mbalesa abo bakalinga kulambila bamashali banu bakulukulu mucishi ca Mesopotamya, nabi na mbalesa ba bene Amoli abo bene cishi ncemutekwikalaamo. Sombi nebo abamuŋanda yangu, tulanoosebenselabo Mwaami Lesa.”