Isaya 56:2 - Baibo Busansulushi Bwa Libuku Ili

² Muntu ucita boobo ulicite coolwe. Ncakwiila uyo ukakatila mukucita boobo, uyo ulama bushiku bwakookesha bwa Cibelu cakutalilengesha kutasalala alimwi utasuminishi maansaakwe kucita bubi, ulicite coolwe.”

Isaya 56:2 ပူးပေါင်းရင်းမြစ်များ

Neyemiya 13:17

Lyalo ndakakalalila bamatanjilili bene Juda ayi, “Mwaboona cibiibi ici ncemwacita! Mwalengesha bushiku bwakookesha bwa Cibelu kutasalala.

Kulumbaisha 106:3

Balicite coolwe bakonkela milawo ya Mwaami Lesa, abo bacita shiluleme lyoonse.

Kulumbaisha 112:1

Amulumbaishe Mwaami Lesa! Ulicite coolwe muntu uloonda Mwaami Lesa, muntu usangalala mukulama milawo yakwe.

Kulumbaisha 119:101

Nsheendi munshila shibiibi kwaamba ayi nkonkele kabotu maswi anu.

Kulumbaisha 128:1

Balicite coolwe abo banyumfwila Mwaami Lesa, ncakwiila abo beenda munshila yakwe.

Kulumbaisha 34:14

Ulyeelete kusanduka kuswa kushibiibi, akutalika kucita shiluleme. Ulyeelete kuyandoola akukonkela luumuno.

Kulumbaisha 37:27

Amuswe kububi mucite shibotu. Munshila iyo lyoonse mulaakunookala cakutalibilika.

Kulonga 20:10

sombi bushiku bwasanu ashobilo, mbushiku bwangu ubo mboweelete kookesha. Taaku muntu weelete kusebensa pabushiku ubo, nkokwaamba ayi webo, bana bako, basha bako, shifubwa shako nabi baswamashi bekala mucishi cako.

Kulonga 20:8

“Ingashila bushiku bwakookesha bwa Cibelu alimwi akubusalasha.

Tushimpi 14:16

Musongo ulalemeka Mwaami Lesa akuswa kushibiibi, sombi muluya ulafwambaana kucita shintu cakubula kuyeeya.

Tushimpi 16:17

Nshila ya baluleme ilaseesha bubi. Uyo woonse ulilama munyendelo, ulalama buumi bwakwe.

Tushimpi 16:6

Lusuno alushomo nsheshileta kulekelelwa kwa shibiibi. Na kooloonda Mwaami Lesa, inga kootabishiiwo napaceyi.

Tushimpi 4:13

Uyumininebo kwiisha, kutakufutatila, sombi ukakulaame kabotu ceebo mbobuumi bwako.

Tushimpi 4:27

Kuteelesha kupambookapambooka. Kasha myeendo yako kuya mukucita shibiibi.

Shikushimikila 7:18

Ncibotu kucata comwi cakutapusumusha cimwi. Muntu ulemeka Lesa ulakonsha kucita boobo.

Isaya 56:4

Mwaami Lesa waamba ayi, “Kubasankwa bakacaikwa lushalo balama bushiku bwakookesha bwa Cibelu, abo basala kucita sheesho shisangalasha alimwi batolelela kulama cipangano cangu,

Isaya 56:6

Kubaswamashi abo bakenjila mulikoto lya bantu, abo basuni Mwaami Lesa alimwi basuni akumusebensela, balama bushiku bwakookesha bwa Cibelu alimwi balama cipangano cakwe cakushomeka.

Isaya 58:13

Mwaami Lesa waamba ayi, “Na mwakasha myeendo yanu kupwaya mulawo wa bushiku bwakookesha bwa Cibelu, na mwalikasha kucita shisangalasha myoyo yanu pabushiku bwangu busalalite alimwi bulemekwa, na mwabupa bulemu mukuteenda munshila shanu nobeene alimwi akutacita shisangalasha myoyo yanu nabi mukwaamba caambaambe,

Esekelo 20:12

Ndakabapa abushiku bwakookesha bwa Cibelu ayi bube keshibilo pakati kesu kwaamba ayi beshibe ayi nebo neMwaami Lesa ndime ndakabasalasha.

Esekelo 20:20

Amulame bushiku bwangu bomwi abomwi bwakookesha bwa Cibelu ayi mbushiku busalalite kwaamba ayi bube keshibilo pakati kesu. Lyalo ndyeshi mukeshibe ayi nebo ndime Mwaami Lesa, Lesa wanu.

Bene Lefi 19:30

“Kamulama bushiku bwakookesha bwa Cibelu alimwi akulemeka musena wangu usalalite. Nebo ndime Mwaami Lesa.

Luka 11:28

Sombi Jesu wakakumbula ayi, “Ee, sombi bacite coolwe cinene mbaabo banyumfwa maswi akwe Lesa akucita mbwaamba!”

Luka 12:43

Ulicite coolwe musebenshi uyo mwaami wakwe ngweshi akacane kaasebensa boobo, aakuboola.

Joni 13:17

Ono bulya mbomweshiba shintu ishi, mulaakuba acoolwe na mukashiciite.

Bene Loma 12:9

Mulyeelete kuba alusuno lwalushinisho. Amupate bubi akusunisha kucita shintu shibotu.

Ciyubululo 22:14

Balicite coolwe abo bacapa shakufwala shabo kwaamba ayi bakasuminishikwe kulya shisepo sha kucisamu cipa buumi alimwi akwinjila mundabala inene iyo.