Isaya 56:1 - Baibo Busansulushi Bwa Libuku Ili

¹ Mwaami Lesa utokwaambila bantu bakwe ayi, “Kamoombolosha cakutanyengelela akucita shiluleme ceebo ndipafwaafwi kumupulusha. Bululami bwangu buli pafwaafwi kuyubululwa.

Isaya 56:1 ပူးပေါင်းရင်းမြစ်များ

Kulumbaisha 106:3

Balicite coolwe bakonkela milawo ya Mwaami Lesa, abo bacita shiluleme lyoonse.

Kulumbaisha 50:23

Mulambu upa bulemu kuli ndime nkunumba, ndushinisho anebo ndaakupulusha muntu uli woonse unyumfwila!”

Kulumbaisha 85:9

Ncakwiila Lesa ulilibambite kupulusha bantu bamulemeka, kwaamba ayi bulemu bwakwe bwikale mucishi cesu.

Isaya 33:5

Mwaami Lesa ulalemekwa abuumbi, mukwiinga ngoolela mishobo yoonse. Ncakwiila ulaakususha bululami akoombolosha cakutanyengelela mundabala ya Jelusalemu.

Isaya 46:13

Bushiku bwakupulushikwa kwanu ndabuleta pafwaafwi. Ndushinisho tabubete kulaale, sobwe. Teshi nkacelweewo kukoma balwani bangu. Ndabala ya Jelusalemu ndaakwiipulusha onoono akuletela bene Isilaeli bulemu.”

Isaya 51:5

Nebo ntoosa cakufwambaana ciindi cangu cakubapulusha cili pafwaafwi. Nebo nemwiine ndime eshi nkabe mwaami wa mishobo ya bantu boonse. Bantu bekala mushishi shakulaale batoolangila kwisa kwangu. Ndushinisho batoolindila ndime ayi mbapulushe.

Isaya 55:7

Mucita shibi ashiye nshila shakwe, ee, shikubisha aleke miyeeyo yakwe ibiibi. Aapilulukile kuMwaami Lesa, alakwe utoomunyumfwila nkumbu. Aapilulukile kuli Lesa mukwiinga ulalekelela cakutalipilaawo nakaceyi.

Isaya 61:8

Mwaami Lesa waamba ayi, “Nebo neMwaami Lesa ndisuni koombolosha kululeme. Bupambi alimwi ashibiibi ndishipatite. Ndaakulambula bantu bangu ceebo nebo ndashomeka alimwi ndaakupangaabo cipangano camuyayaya.

Isaya 64:5

Mulacafwa bantu abo basuni kucita shiluleme ee, kucafwa baabo beebaluka nshila shanu shibotu. Twakamukalasha sombi twakatolelela kubisha. Ndushinisho nakubi kwaamba ayi mwakakalala pali ndiswe kuswabo kale kale tatuna kucilekaawo kubisha.

Danyelo 9:24

“Myaaka ili 70 kufushikwa mankanda ali 7, nceciindi Lesa ncaapimina bene mishaanu andabala yanu isalalite kwaamba ayi bakaanguluke kuswa kushibiibi akububi. Shibiibi shilaakulekelelwa abululami butamaani bulaakulengeshekwa kwikalilila kwaamba ayi cili anga nciloto amakani a bulaluki shikacitike cancinencine ayalo Ŋanda yakwe Lesa ilaakusalashikwa alimwi.

Osiya 12:7

Mwaami Lesa waamba ayi, “Bene Isilaeli tabashomeki bweenka mbuli bene Kenani. Balisunishi kunyengelela bamwi mukusebensesha shakupimisha shabubeshi.

Mika 6:8

Sobwe, Mwaami Lesa wakatulwiita cibotu. Ncaasunibo ayi tucite nceeci: Koombolosha cakutanyengelela, kutondesha lusuno lutamaani akweenda cakulibombya mubushicibusa anguwe.

Mika 7:9

Ceebo cakwaamba ayi twakabishisha Mwaami Lesa, tulyeelete kunyumfwa bukali bwakwe paciindi cino. Sombi ulaakwisa mukutufuna akutucitila ciluleme mushintu nshetwakabishilwa. Lyalo ulaakutuboosha mumumuni. Ncakwiila lupulusho lwakwe tulaakulubona ameenso esu.

Malaki 4:4

“Amwiingashile kwiisha kwa musebenshi wangu Mose, milasho amilawo iyo njendakamupa pakalundu ka Sinayi kwaamba ayi bene Isilaeli banookonkela.

Mateyo 3:2

“Amusanduke kuswa kushibiibi shanu mukwiinga Bweene bwakwe Lesa buli pafwaafwi.”

Mateyo 4:17

Kuswawaawo Jesu wakatalika kushimikila, kaamba ayi, “Amusanduke kuswa kushibiibi shanu mukwiinga Bweene bwakwe Lesa buli pafwaafwi!”

Maako 1:15

Wakaamba ayi, “Ciindi ceelete cashikila. Bweene bwakwe Lesa buli pafwaafwi. Amusanduke kuswa kushibiibi shanu, mushome Makani Abotu!”

Joni 7:17

Aboobo uyo woonse usuni kucita buyanda Lesa, ulaakwishiba na kwiisha kwangu uku kulaswa kuli Lesa nabi kuli ndime nemwiine.

Bene Loma 1:17

Mukwiinga Makani Abotu aya alasansulula Lesa mbwaalulamika muntu pameenso akwe. Kululamikwa uko kulacitika kulilabo na muntu washoma kuswa kumatalikilo kushikila akumeelelesho. Kweelana abwaamba Malembo akwe Lesa ayi, “Uyo ululamikwa ceebo cakushoma, ulaakuba abuumi.”