Isaya 55:7 - Baibo Busansulushi Bwa Libuku Ili

⁷ Mucita shibi ashiye nshila shakwe, ee, shikubisha aleke miyeeyo yakwe ibiibi. Aapilulukile kuMwaami Lesa, alakwe utoomunyumfwila nkumbu. Aapilulukile kuli Lesa mukwiinga ulalekelela cakutalipilaawo nakaceyi.

Isaya 55:7 ပူးပေါင်းရင်းမြစ်များ

Matalikilo 6:5

Ono Mwaami Lesa ndyaakabona mbuli womwi awomwi pacishi ca panshi mbwaakalinga mububi, akubica kwa miyeeyo yabo ciindi coonse,

2 Makani 15:2

Lyalo wakaya mukukumana amwaami Asa. Wakamwaambila ayi, “NoBaami baAsa abantu banu bene Juda abene Benjameni amunkutike! Mwaami Lesa unanooli amwebo kulilabo kamuli anguwe. Na mumuyandoole mulaakumucana, sombi na mwamufutatila alakwe ulaakumufutatila.

2 Makani 15:4

Sombi ndibakaba amapensho, bakasandukila kuMwaami Lesa, Lesa wa bene Isilaeli. Bakamuyandoola akumucana.

2 Makani 30:6

Beshinkombe bakanyamuka kweelana ambobakatumwa amwaami alimwi abacinenenene bakwe kuya mucishi coonse ca bene Isilaeli aca bene Juda ankoombe yakwaamba ayi, “Nobene Isilaeli, mwebo nomwakapuluka kuswa mumaansa a bene Silya, amuboole kuMwaami Lesa, Lesa wakwe Abulaamu, Isaki alimwi wakwe Jakobo, alakwe utoobola kuli ndimwe.

2 Makani 33:13

Lyalo Mwaami Lesa wakanyumfwa kusenga kwakwe Manase akumuleka ayi aboolele kuJelusalemu kuya mukulela alimwi. Ici cakabonesha mwaami Manase ayi Mwaami Lesa nguLesa wancinencine.

2 Makani 7:14

ono na bantu bangu beetwa muliina lyangu balibombya, bapaila, banambila akusanduka kuswa kushibiibi shabo, lyalo nebo ndaakubanyumfwa kwiculu, kulekelela shibiibi shabo akulengesha cishi cabo kubila alimwi.

Jobo 22:23

Sandukila kuli Shinkusu shoonse cakulibombya, akuleka kucita shintu shibiibi muŋanda yako.

Kulumbaisha 130:4

Sombi mwebo mulalekelela shibiibi shesu, paceebo ceeci swebo tulamulemeka abuumbi.

Kulumbaisha 130:7

Nobene Isilaeli amucinke manungo muMwaami Lesa, ceebo lusuno lwakwe talumaani. Ndushinisho lakwe ngoolibambite kutupulusha lyoonse.

Kulumbaisha 51:1

NobaLesa amunyumfwile nkumbu kweelana alusuno lwanu lutamaani. Ee, kweelana ankuumbu shanu shiinji amushiminganye milandu yangu yoonse.

Kulumbaisha 66:18

Nindalinga kucikondwa shibiibi mumoyo wangu, naakwiinga Mwaami Lesa taakwe kunyumfwa mupailo wangu.

Tushimpi 28:13

Uyo ushisa shibiibi shakwe tabiiwo acoolwe, sombi uyo ulyaambilila shibiibi shakwe akushileka, ulaakulekelelwa.

Isaya 1:19

Na kamulibambite kunyumfwila, mulaakulya shintu shibotu sha mucishi cino.

Isaya 14:1

Mwaami Lesa ulaakunyumfwila nkumbu bamulunyungu lwakwe Jakobo. Ulaakusala bene Isilaeli alimwi akubaboosha ayi bekale mucishi cabo. Baswamashi balaakwisa mukwikalaabo mucishi cabo akukakatila kuli mbabo.

Isaya 21:12

Shikulindilila wakumbula ayi, “Macuunsa atoosa, sombi aalo mashiku acisa. Na unanoocisuni kwiipusha, use wiipushe alimwi.”

Isaya 31:6

Ono Lesa waamba ayi, “Nobene Isilaeli mwakambishisha akungashukila. Ono bulya amusandukile kuli ndime.

Isaya 32:7

Nshila sha muntu ushishimfulunganya nshabubi alimwi ulapanga miyeeyo ibiibi. Lakwe ncaapingabo, nkunyonyoola bakandu kwiinda mubunkulwe bwakwe nakubi kwaamba ayi shaamba bakandu shililuleme.

Isaya 40:2

Amuyumyeyumye bantu bangu. Mubaambile ayi bapenga paboneka. Ono shibiibi shabo shalekelelwa. Ncakwiila ndakabapa mulandu kweelana ashibiibi shabo shoonse.”

Isaya 43:25

“Nebo, ee, nebo ndime nshiminganya shibiibi shanu ceebo ca mibo yangu alimwi cakutashiibalukawo tubili.

Isaya 44:22

Shilubo shanu ndashipalanganya bweenka mbooncita makumbi, ee, shibiibi shanu ndashimanisha bweenka bumana shikuunku macuunsa mukwiinga ndime ndakamulubula.”

Isaya 54:10

Nakubi kwaamba ayi tulundu tukatenkaane nabi tukapalanganishikwe, sombi lusuno lwanu pali ndimwe teshi lukatenkaaneewo, nabi cipangano cangu ca luumuno kupalanganishikwa.” Mwaami Lesa uyo umunyumfwila nkumbu waamba.

Isaya 54:8

Kwaciindi ciniini ndakamufutatila ceebo ndakakalala. Sombi ndaakukutondesha lusuno lwangu kwamuyayaya.” Mwaami Lesa Shikumulubula waamba.

Isaya 58:6

“Sa nshikwe kusuminisha kulikasha kulya kwakusutoola ncetani shakasalulushi akusowa bweendeleshi bwanu bwakulyatililana? Sa tamweelete kwaangulula baabo batoolyatililwa akucileka nshila shanu shoonse shalunkutwe?

Isaya 59:7

Myeendo yabo njuubu abuumbi kweendela kucita bubi. Balicabeene abuumbi kuya mukucaya bantu batacite milandu. Miyeeyo yabo njibiibi cilensha boowa. Kunyonyoola abucayi nkokeshibilo ka nshila shabo.

Jelemiya 3:14

Mwaami Lesa waamba ayi, “Amupiluke, mwebo nobantu batashomeki ceebo nebo ndime ibaanu. Ndaakusala womwi womwi kuswa mumandabala oonse akusala bobilo bobilo kuswa mushipani shanu shoonse kwaamba ayi nkamubooshe kuKalundu ka Siyoni.

Jelemiya 3:3

Paceebo ceeco mfula ya tepetepe yakacatwa, ee, imfula yakupisha shishango teekwe kulokaawo. Nakubi boobo mwebo mulibo nta mubufuule, ncakwiila cakutanyumfwaawo ansooni napaceyi.

Jelemiya 4:14

Nobene Jelusalemu amusanshe bubi kuswa mumyoyo yanu kwaamba ayi mupuluke. Ino mulaakucileka lili kuyeeya shibiibi?

Malilo 3:40

Atubone nshila shesu mboshibete, ee, atulicenceete akupilukila kuMwaami Lesa.

Esekelo 14:6

“Paceebo ceeco ambila mushobo wa bene Isilaeli ayi Mwaami Lesa waamba ayi, ‘Amusanduke kuswa kushibiibi! Amusanduke kuswa kushibumbwabumbwa shanu akufutatila micito yanu yoonse ilensha bunya.

Esekelo 33:11

Balwiite kwaamba ayi, ‘Ndushinisho kweelana ambocibete lushinisho ayi nebo neMwaami Lesa ndi muumi, nebo nshisangalali kubona mucita shibi kaafwa? Sombi ndasangalala kumubona kaasanduka kuswa kunshila shakwe shibiibi akuba abuumi. Amusanduke! Amusanduke kuswa kunshila shanu shibiibi! Ceebonshi mutooyanda kufwa mwebo nobene Isilaeli?’

Danyelo 4:27

Paceebo ceeco nobaami amukonkele nsheshi mulwiiteeko. Amuleke kucita shibiibi akutalika kucita shiluleme alimwi musanduke kuswa kububi akutalika kuba ankuumbu kubaabo balyatililwa. Lyalo mpashi mulaakutolelela kuya ciswitilila.”

Jona 3:10

Ono Lesa ndyaakabona ayi basanduka kunshila shabo shabubi, wakabanyumfwila nkumbu. Aboobo taakwe kubanyonyoola kweelana ambwaakalinga aamba.

Sekaliya 8:17

Mutapingi kucita bubi kuli shikamukobonyoko, mutanoobeca pakushomesha cakulumbila. Nebo ndipatite shintu sha mushobo uyo. Nebo neMwaami Lesa ndaamba.”

Mateyo 9:13

Amuye mukeeye maswi akwe Lesa alya akwaamba ayi, ‘Ndisunishi nkumbu, kuteshi milambu.’ Nshikwe kwisa mukwiita baluleme, sombi bamucita shibi.”

Maako 7:21

Ceebo mumyoyo ya bantu momuswa miyeeyo ibiibi, ya bufuule, bwiipi, bucayi,

Maako 7:23

Ncakwiila shibiibi shoonse ishi shilaswa mumoyo wa muntu, alimwi nsheshimubisha.”

Luka 15:10

Ntoomulwiita ayi akwiculu bweenka ubo, baanjelo bakwe Lesa balasangalala abuumbi pamucita shibi womwi uyo usanduka kuswa kushibiibi.”

Luka 15:24

Mukwiinga mwanaangu uyu wakalinga kufwite, ono waba muumi alimwi wakalinga kusowekete, ono wacanika.’ Lyalo bakatalika kusekelela.

Luka 7:47

Aboobo ntookulwiita ayi shibiibi shakwe nashifuuli shalekelelwa mukwiinga watondesha lusuno lunene. Nkokwaamba ayi uyo woonse walekelelwa paniini ulatondesha lusuno luniini.”

Milimo ya Batumwi 26:20

Ndakataanguna kushimikila muDamasikasi, muJelusalemu amucishi coonse ca Judeya alimwi akubaswamashi bakunsengwe. Ndakabashimikila ayi balyeelete kusanduka kuswa kushibiibi shabo akushoma muli Lesa alimwi akucita shintu shibonesha ayi bakasanduka cancinencine.

Milimo ya Batumwi 3:19

Anu amusanduke kuswa kushibiibi shanu, musandukile kuli Lesa kwaamba ayi shibiibi shanu shikushikwe. Na mucite boobo,

Jemusi 1:15

Ono lunkumbwa lwakwe na lwakula lulashala cibiibi alimwi cibiibi ici na cakula cilashala lufu.