Isaya 55:4 - Baibo Busansulushi Bwa Libuku Ili

⁴ Amubone, lakwe ndakamusala kuba kamboni kubantu boonse. Ndakamulengesha kuba mutanjilili wa mishobo imwi yoonse.

Isaya 55:4 ပူးပေါင်းရင်းမြစ်များ

2 Samwelo 22:44

“Mwakamfuna kuswa kubene misheesu baashu, akunengesha kutolelela kulela mishobo. Bantu mbondatakalinga kwishiiwo, boonse bali mumaansaangu bulya.

Kulumbaisha 18:43

Mwakamfuna kuswa kubantu baashu, akunengesha kutolelela kulela mishobo. Bantu mbondatakalinga kwishiiwo, boonse bali mumaansaangu bulya.

Kulumbaisha 2:6

Ulaamba ayi, “Ndabika mwaami wangu paKalundu kangu kasalalite ka Siyoni.”

Isaya 16:5

Kuswawaawo cuuna ca bwaami cilaakutulwa mulusuno. Wamulunyungu lwakwe Defedi womwi ulaakukalaawo cakushomeka. Lakwe ulaakunokoombolosha cakutanyengelela. Ncakwiila ulaakunoobilemebo kucita bululami.

Isaya 43:10

Mwaami Lesa waamba ayi, “Mwebo nobene Isilaeli ndimwe bakamboni bangu. Ndimwe basebenshi bangu abo mbondakasala kwaamba ayi munshiibe, munshoome alimwi akushinisha ayi ndimebo Lesa. Taaku aumwi Lesa wakabaawo kulekabo ndime alimwi taaku lesa umwi weshi akabeeko kunembo.

Isaya 43:12

Amubone, nebo ndakamucenjesha shakunembo. Peculu lya waawo ndakesa mukumucafwa. Taaku lesa mweensu wakacitawo ca mushobo uyu. Mwebo nobeene muli bakamboni bangu kwaamba ayi ndimebo Lesa.

Jelemiya 30:9

Sombi balaakunoosebensela ndime neMwaami Lesa, Lesa wabo awamulunyungu lwakwe Defedi uyo ngweshi nkasale kuba mwaami wabo.

Esekelo 37:24

“ ‘Wamulunyungu lwakwe Defedi musebenshi wangu ngweshi akabe mwaami wabo. Lyalo boonse balaakubabo amweembeshi womwi. Balaakunookonkela milawo amilasho yangu cakushomeka.

Esekelo 37:25

Balaakwikala mucishi ico ncendakapa musebenshi wangu Jakobo, ee, cishi ico cakalinga kwikalaamo bamashali banu bakulukulu. Balo, bana babo alimwi abamulunyungu lwabo balaakunookala mumo kwamuyayaya. Wamulunyungu lwakwe Defedi ngweshi akabe mwaami wabo kwalyoonse alyoonse.

Danyelo 9:25

Shiba akunyumfwishisha cikani ici. Kuswa bushiku ndyeshi kukapekwe mulasho wakuyakulula Jelusalemu kushikila Mutanjilili Usalitwe wakwe Lesa akese, palaakwiinda myaaka ili 7 kufushikwa mankanda ali 7. Ndabala ya Jelusalemu ilaakuyakululwa akuba amikwakwa alimwi amalinga ayumu. Ndabala iyo ilaakunooliiko kwamyaaka ili 7 kufushikwa mankanda ali 62, sombi ico cilaakuba ciindi ca mapensho.

Osiya 3:5

Pesule bene Isilaeli balaakusandukila kuli ndime neMwaami Lesa, Lesa wabo akuwamulunyungu lwakwe Defedi ayi abe mwaami wabo. Lyalo balaakutalika kulemeka Mwaami Lesa akutambula shipo shakwe shibotu.

Mateyo 2:6

‘Webo Betileemu wa mucishi ca Judeya, toobete ndabala iniini pamandabala oonse a muJudeya, ceebo muli ndiwe mulaakuswa mutanjilili eshi akeembele bantu bangu bene Isilaeli anga ngumweembeshi.’ ”

Joni 10:27

Mbelele shangu shilanyumfwa liswi lyangu, ndishishi ashalo shilankonkela.

Joni 10:3

Shikulindilila cimpati ulamucalwita ashalo mbelele shilanyumfwa liswi lyakwe. Mpeeke mbelele shakwe ulashiita meena akushitanjilila kumafulo.

Joni 12:26

Uyo woonse utooyanda kusebensela ndime, ulyeelete kunkonkela kwaamba ayi nkweenga kaambete, alakwe musebenshi wangu akanooliiko. Abalo baTa balaakupa bulemu muntu woonse usebensela ndime.

Joni 13:13

Mwebo ndyemunjita ayi, ‘Mufundishi,’ nabi ayi, ‘Nkambo,’ mulalulika mukwiinga ngondime.

Joni 18:37

Aboobo Pilato wakeepusha ayi, “Nkokwaamba ayi uli mwaami?” Jesu wakakumbula ayi, “Waamba kabotu pakwaamba ayi ndi mwaami. Ncakwiila nceceeco ncendakashalilwa alimwi ncendakeshita mucishi ca panshi. Ndakesita kusansulula shalushinisho. Woonse uyo uli kulubasu lwa lushinisho, ulanyumfwa nsheŋamba.”

Joni 3:16

Lesa wakasunisha bantu boonse ba mucishi ca panshi abuumbi. Aboobo wakatuma Mwanaakwe wakashalwabo eenka kwaamba ayi uyo woonse umushoma ataloobi, sombi abe abuumi butamaani.

Bene Efeso 5:24

Paceebo ceeco, mwanakashi woonse ulyeelete kunoonyumfwila ibaye mushintu shoonse bweenka mbuli coonde mbocinyumfwila Klistu.

2 Bene Tesalonika 1:8

Ulaakwisa amulilo weshi ukanoobilima akutondesha bukali bwakwe kubakaka kwishiba Lesa abaabo bakaka kukonkela shaamba Makani Abotu a paMwaami wesu Jesu.

1 Timoti 6:13

Ono ntookwaambila pameenso akwe Lesa upa buumi shintu shoonse apameenso akwe Klistu Jesu, uyo wakapa bukamboni bubotu pameenso akwe Pontyasi Pilato,

Bene Ebulu 2:10

Cakalinga kweelete kuli Lesa, uyo wakalenga akulama shintu shoonse, ayi kwiinda mumapensho, abike Jesu pamusena wakuleta bana bakwe baanji ayi babe anguwe mubulemu bwakwe. Ceebo nguJesu ubatanjilila kulupulusho.

Bene Ebulu 5:9

Ndyaakamanisha mulimo wakwe woonse, wakaba nshila ya lupulusho lutamaani kubaabo boonse bamunyumfwila.

Ciyubululo 1:5

Alakwe Jesu Klistu amupe luse aluumuno. Lakwe ngokamboni ushomeka, ngowakataanguna kubushikwa kuswa kubafu alimwi ngomweendeleshi wa bamaami boonse ba mucishi ca panshi. Jesu Klistu ulitusuni alimwi kwiinda mulufu ndwaakalibenga, wakatwaangulula kuswa kushibiibi shesu shoonse.

Ciyubululo 3:14

“Mutanjilili wa kucoonde ca kuLawodisiya umulembele ayi, “Aya ngamakani aamba wooyo uli ngoAmeni, kamboni ushomeka alimwi wancinencine. Ngomatalikilo a shintu shoonse Lesa nshaakalenga.