Isaya 54:16 - Baibo Busansulushi Bwa Libuku Ili

¹⁶ “Ndime ndakalenga shikufula sheela uyo ufulita mulilo amyuuba akufula shakulwanisha. Ndime ndakalenga ashilumamba usebensesha shakulwanisha isho kucaya bamwi.

Isaya 54:16 ပူးပေါင်းရင်းမြစ်များ

Kulonga 9:16

Sombi kwaamba ayi muboneshe nkusu shangu alimwi ayi liina lyangu linyumfwike mucishi coonse ca panshi, ndamuleka ayi munoocili boomi.

Tushimpi 16:4

Mwaami Lesa wakabamba meelelesho a shintu shoonse. Meelelesho a bamucita shibi nkunyonyoolwa.

Isaya 10:15

Sombi Mwaami Lesa waamba ayi, “Ono sa keembe inga keenda wooyo ukasebensesha? Sa cakutimbusha mapulanga inga calisumpula kuwooyo ucisebensesha? Sa mpimfwa njeenyamuna muntu na ngumuntu unyamuna mpimfwa?”

Isaya 37:26

“ ‘Sa tookwe kunyumfwaawo? Sa tooshi ayi ici ndakacibambabo kale kale? Ncakwiila ici ndakalengesha ayi cicitike. Ndakakupa nkusu shakunyonyoola mandabala acite malinga kuba matongo.

Isaya 46:11

Ncakwiila ntokwiita musankwa kuswa kwicwe. Ulaakwisa mukulwana cakutamwiingashila anga ngucikupwi kwaamba ayi acite kweelana amuyeeyo ngondakapanga.

Isaya 54:15

Ono uli woonse weshi akakulwaane, teshi akacite boobo mukutumwa kuli ndime, sobwe. Paceebo ceeco uli woonse weshi akakulwaane ulaakukomwa.”

Isaya 54:17

Sombi taaku cakulwanisha ceshi cikakonshe kumucisa. Abalo abo bamupa milandu mulaakuba ashakubakumbula. Ici cilaakuba ncecilambu ca basebenshi bangu.” Mwaami Lesa waamba.

Sekaliya 1:20

Lyalo Mwaami Lesa wakambonesha basebenshi bakalinga bone kabacite ashakupopesha.

Sekaliya 2:1

Mucili anga nciloto cimwi ndakabona musankwa kaaimfwi kunembo lyangu antaambo yakupimishaako mulyaansa.

Sekaliya 2:4

akumulwiita ayi, “Cica uye ulwiite musankwa ulya cikula bwangu ayi, ‘Ndabala ya Jelusalemu teshi ikabeewo alubumbu ceebo ca kufula kwa bantu ashifubwa.

Joni 19:11

Jesu lyalo wakakumbula ayi, “Nootakwe kupekwa nkusu kuswa kuli baTa, naakwiinga toocite nkusu pali ndime. Nakubi boobo uyo wakangaba kuli ndiwe ngoocite cibiibi cinene.”

1 Samwelo 13:19

Ono muIsilaeli temwakalingaawo beshikufula sheela mukwiinga bene Filisiti bakalinga kusuminite kutaleka baEbulu kutalika kupanga mipeeni amasumo.