Isaya 54:11 - Baibo Busansulushi Bwa Libuku Ili

¹¹ Mwaami Lesa waamba ayi, “Webo Jelusalemu, ondabala ili mumapensho ayoosha alimwi ootacite shikukuumbulusha. Nebo ndaakuyakulula lwiimbi lwako amabwe abotu amakwebo.

Isaya 54:11 ပူးပေါင်းရင်းမြစ်များ

1 Baami 5:17

Kwiinda mumaswi akaamba Solomoni, bantu abo bakakusha mabwe anene alimwi abotu akuyakisha lwiimbi lwa Ŋanda yakwe Lesa.

1 Baami 6:30

Apanshi poonse bakashingulaawo golodi.

1 Makani 29:2

Shintu shakuyakisha Ŋanda yakwe Lesa, Lesa wangu shoonse ndabamba. Ndabamba golodi, silifa, bulonse, sheela shilemulemu, mapulanga, mabwe amakwebo eetwa ayi Onikisi amabwe amwi a mishobo mishobo, mabwe akuyakisha alimwi amabwe aanji atuba.

2 Makani 3:6

Mwaami wakabotesha Ŋanda yakwe Lesa amabwe abotu amakwebo alimwi agolodi yakoolwa kuPafayimu.

Jobo 28:16

Tabukoonshi kweelana amweelo wa golodi wiindaawo kubota wa kuOfi, nabi mweelo wa mabwe amakwebo eetwa ayi onikisi amabwe a safaya.

Kulumbaisha 34:19

Muntu ululeme uleenda mumapensho aanji, sombi Mwaami Lesa ulamufuna mumapensho akwe oonse.

Kulonga 2:23

Ndipakeenda myaaka, mwaami wa mucishi ca Ijipiti wakafwa, sombi bene Isilaeli bakalinga kucipengabo ceebo ca busha akunoolilila shikubafunaako. Kulila kwabo kwakashika kuli Lesa,

Kulonga 24:10

apo mpobakabona Lesa wa bene Isilaeli. Panshi lya myeendo yakwe, pakalinga cakalinga kuboneka anga ndubansa lwa konkeli ulo lwakalinga kuboneka anga ndiculu.

Kulonga 3:2

Nkomunya uko, munjelo wa Mwaami Lesa wakaboneka kuli nguwe anga ngumulilo mucikupu. Mose wakacibona kacinyaka, sombi tecakalinga kupya.

Kulonga 3:7

Lyalo Mwaami Lesa wakaamba ayi, “Ncakwiila ndaboona mbuli bantu bangu mbobatoopenshekwa mucishi ca Ijipiti. Ndanyuumfwa kulila kwabo ceebo ca beshikubasebensesha. Kupenshekwa kwabo koonse ndikubwene.

Lwiimbo lwakwe Solomoni 5:14

Maansaakwe ali anga ndijoko lya golodi alimwi ulafwala ninga sha mabwe amakwebo. Mubili uli anga ngameeca a nsofu akateshimishikwa, ayo akaboteshekwa amabwe a safaya.

Isaya 14:32

Anu tutoobakumbula ayinshi beshinkombe bene Filisiti? Tutoobaambila ayi, “Mwaami Lesa weemika ndabala ya Siyoni kwaamba bantu bakwe batoopenga bakapulukile nkuko.”

Isaya 28:16

Ono Mwaami Lesa Shinkusu shoonse waamba ayi, “Amubone ndabiika libwe muSiyoni, ncakwiila libwe liyumu abuumbi. Ndabiika libwe lya makwebo lya mulikonko lya ŋanda ayi libe lwiimbi lwiine lwiine. Muntu oonse weshi akashome muli ndilyo, teshi akalenshekwewo nsoni.

Isaya 44:28

Ndime ŋamba pamwaami Sailasi ayi, ‘Ngumweembeshi wangu alimwi ulaakucita shoonse nsheensuni. Ncakwiila ngweshi akaambe pandabala ya Jelusalemu ayi ndabala inene ya Jelusalemu aiyakululwe alwalo lwiimbi lwa Ŋanda yakwe Lesa aluyakwe.’ ”

Isaya 49:14

Sombi bantu ba muSiyoni bakaamba ayi, “Mwaami Lesa wakatufutatila, ee, Mwaami Lesa watulubaako.”

Isaya 51:21

Ono anu amukutike mwebo nomutoopenshekwa, ee, mwebo nomukoletwe, sombi kuteshi kuwaini.

Isaya 51:23

Nkomeshi iyo ndaakwiipa baabo balinga kumupensha. Ee, abo bakalinga kumwaambila ayi, ‘Amoone akutandabala apa kwaamba ayi tunooya cilyata peculu.’ Ncakwiila misana yanu njeyakaba nje nshi, ee, yakaba anga ngomukwakwa wakwiindaawo.”

Isaya 54:12

Ndaakuyakulula maanda ako alaamfu amabwe amakwebo asalala ayalo minjililo amabwe amakwebo abekabeka. Ndaakucita bweenka ubo akulubumbu.

Isaya 54:6

Mwebo nobene Isilaeli, Mwaami Lesa ulaakumwiita alimwi. Mwebo muli anga ngumwanakashi wakalinga washiikwa alimwi mubuumba bunene, ee, mwanakashi wakeebwa kaacilibo mwanike sombi wakakwa akushiikwa.” Lesa wanu waamba.

Isaya 60:15

“Ndushinisho nakubi kwaamba ayi walinga wasuulwa akupatwa cakubula awiinda muli ndiwe, ndaakukulengesha kuba musena upa bulemu kwalyoonse alyoonse uyo weshi ukanoosangalasha bantu bamumashalane oonse.

Jelemiya 30:17

Sombi mwebo ndaakumupa buumi akushilika shilonda shanu nabi balwani banu balaamba ayi, ‘Siyoni wakasuulwa, taakuuwo nabi womwi umulama.’ Nebo neMwaami Lesa ndaamba.”

Malilo 1:21

“Bantu balinyumfwite kutongela kwangu, sombi taaku nabi womwi wakuŋumbulusha. Balwani bangu boonse balinyumfwite shamapensho angu alimwi batoosangalala pashintu isho nshemwancita. Ndamusenga kwaamba ayi mulete bushiku ubo mbomwakashomesha kwaamba ayi abalo bakapenge bweenka mbondapenga.

Esekelo 1:26

Peculu lya musena ufongomene pakalinga cintu cakalinga kuboneka anga ncuuna ca bwaami cakapangwa kumabwe amakwebo eetwa ayi safaya. Peculu lya cuuna peene ico, pakalinga cakalinga kuboneka anga ngumuntu.

Esekelo 10:1

Ndindakalanga, ndakabona cakalinga kuboneka anga ncuuna ca bwaami cakapangwa amabwe a Safaya. Cakalinga peculu lya musena ufongomene uyo wakalinga peculu lya mitwi ya bakelebu.

Mika 7:11

Nobene Jelusalemu, bushiku bwakuyakulula lubumbu lwa ndabala yanu inene bulaakwisa. Ncakwiila bushiku bwakukomenesha manyinsa a cishi canu bulaakwisa.

Mateyo 8:24

Mpomunyaawo kwakaba cipuupu cinene pamaanshi cakwaamba ayi maaba akatalika kwinjila mubwaato. Sombi Jesu wakalinga kulete.

Joni 16:33

Ndamwaambila makani aya kwaamba ayi mube aluumuno mukushoma muli ndime. Mucishi ca panshi mulaakupenshekwa. Nakubi boobo amukalike myoyo, bubi bwa mucishi cino ndabukoma.”

Milimo ya Batumwi 14:22

Mpeeke bakayuminisha bashomi kwaamba ayi batolelele kushoma cankusu muli nguwe lyoonse. Bakalinga kubalwiita ayi, “Swebo soonse tulyeelete kwiinda mumapensho aanji kwaamba ayi tukenjile muBweene bwakwe Lesa.”

Bene Efeso 2:20

Anu amwebo mwayakilwa waawo pakayakila batumwi alimwi abalaluki, Klistu Jesu mwiine ndyelibwe lya mulikonko lya ŋanda.

Dutolonomi 31:17

Pabushiku ubo ndaakubakalalila akubafutatila, mpeeke balaakunyonyooka. Balaakupolelwa mapensho aanji kushikila bakeshibe ayi shoonse shabacitikila ceebo nebo neMwaami Lesa nshibete ambabo.