Isaya 54:1 - Baibo Busansulushi Bwa Libuku Ili

¹ Ono Mwaami Lesa waamba ayi, “Olobesha cakusangalala webo Jelusalemu ee, webo ooli anga ngumwanakashi ŋumba. Imba nyimbo akoolobesha cakukondwa webo nootana kunyumfwawo mwaana mbwaanyona. Ceebo baana ba mwanakashi wakashiiyikwa kuli ibaye mbaanji kwiinda ba wooyo uli aibaye.

Isaya 54:1 ပူးပေါင်းရင်းမြစ်များ

Matalikilo 21:6

Saala wakaamba ayi, “Lesa wanengesha nseko. Boonse beshi bakanyumfwe cikani ici balaakuseka anebo.”

Kulumbaisha 113:9

Lakwe ngoopa baana kuŋumba muŋanda yakwe, ee, akumulengesha kusangalala kwiinda mukumupa baana. Amulumbaishe Mwaami Lesa!

Lwiimbo lwakwe Solomoni 8:8

Tulicite mwanike wesu mulindu, nkolo shakwe tashina kuswa. Ino tulaakucita buyani pamwanike wesu uyu bushiku bwakumamikilwa bwaakushika?

Isaya 12:6

Amoolobeshe akwiimba ceebo cakusangalala nobene Siyoni! Mukwiinga Usalalite wa bene Isilaeli uli pakati kanu ulicite nkusu.”

Isaya 24:14

Bantu beshi bakacaaleewo, balaakwiimba cakusangalala. Bakumbo balaakulumba bulemu bwa Mwaami Lesa.

Isaya 44:23

Amwiimbe nyimbo shakusangalala noliculu ceebo Mwaami Lesa ngowacita boobo. Amwiimbe cakoolobesha nocishi ca panshi. Amwebo notulundu, nomisaansa ashisamu shoonse amwiimbe. Ceebo Mwaami Lesa ngowalubula bamulunyungu lwakwe Jakobo. Ncakwiila Mwaami Lesa ngowatondesha bulemu mbwaacite muIsilaeli.

Isaya 49:13

Amwiimbe cakusangalala mwebo nomaculu! Olobesha cakukondwa awebo ocishi ca panshi. Ashinyumfwike nyimbo kuli ndimwe notulundu ceebo Mwaami Lesa woombulusha bantu bakwe alimwi alaakunyumfwila nkumbu abo batoopenshekwa.

Isaya 49:19

“Cishi canu cakalinga canyonyooka alimwi calinga mumatongo. Sombi baakwisa bene mishaanu abo, cishi ico cilaakuceyabo kulaale kwaamba ayi bekaleemo. Lyalo abo bakalinga banyonyoola cishi canu balaakutombwetwabo kulaale.

Isaya 49:20

Baana abo mbomwakashala muciindi ndimwakalinga mwaba anga mwafwitwa baana, balaakwaamba mwebo kamunyumfwite ayi, ‘Musena uno watuceyela amutunungileeko musena wakwikalaamo.’

Isaya 62:4

Teshi ukanoociitwa ayi, “Cishaale” nabi kwiita cishi cako ayi, “Matongo.” Sombi ulaakunokwiitwa ayi, “Efisiba,” nkokwaamba ayi usunikwi wangu uli muli nguwe. Acalo cishi cako cilaakunokwiitwa ayi, “Beula,” nkokwaamba ayi weebetwe, ceebo Mwaami Lesa ulaakunookusuni alimwi ngweshi akakweebe.

Isaya 66:7

“Ndabala yangu ili anga ngumwanakashi watumbuka mwaana cakutabukaawo lifumo. Ee, anga ngwalutundu wapulukaamo mwaana musankwa cakutanyonwaawo lifumo.

Sefaniya 3:14

Koimba ondabala ya Siyoni! Koolobesha webo oIsilaeli! Kosangalala akusekelela amoyo wako woonse webo ondabala ya Jelusalemu!

Sekaliya 9:9

Amusangalale, amusangalale mwebo nobene Siyoni! Amoolobeshe cakusangalala mwebo nobene Jelusalemu! Amubone mwaami wanu utoosa kuli ndimwe cakulibombya, ee, ulitantite pambongolo, ncakwiila pamwanaambongolo.

Bene Galatiya 4:27

Mukwiinga muMalembo akwe Lesa mulilembetwe ayi, “Kondwa webo oŋumba! Tangala akoolobesha cakusangalala, webo nootakwe kunyumfwawo shicisa pakushala. Mukwiinga baana ba mwanakashi wakashiyikwa aibaye, mbaanji, kwiinda baabo ba mwanakashi uli aibaye.”

1 Samwelo 2:5

Bantu bakalinga kukuta, bulya balacana shakulya mukusebensela bamwi. Sombi bakalinga beshinsala, bulya nsala yamana. Mwanakashi watakalinga kuciteewo baana, bulya waba abaana bali bosanwe abobilo. Sombi uyo wakalinga kucite baanji, bulya wacaalabo.