Isaya 53:5 - Baibo Busansulushi Bwa Libuku Ili

⁵ Sombi wakayaswa ceebo ca kusotoka milawo kwesu, wakalyatililwa ceebo ca shibiibi shesu. Lakwe wakalemenwa milandu yesu kwaamba ayi swebo tube muluumuno. Ceebo ca shilonda shakwe twakashilikwa.

Isaya 53:5 ပူးပေါင်းရင်းမြစ်များ

Matalikilo 3:15

Ono ntoolengesha webo amwanakashi kupatana. Lunyungu lwako alwa mwanakashi bananoolibo balwani lyoonse. Lakwe ulaakukulyata kumutwi awebo ulaakumuluma kukashindi.”

Jobo 33:24

Munjelo uyu ulamufwita nkumbu akwaamba ayi, ‘Amumulekelele kwaamba ayi atayi kumusena wa bafu mukwiinga kulubulwa kwakwe ndakucana.’

Kulumbaisha 30:2

NoBaami baLesa, baLesa bangu ndakamulilila ayi muncaafwe, ncakwiila mwebo mwakanshilika.

Tushimpi 20:30

Shuumo shipanga shilonda nsheshikusha kushibiibi, akwalo kuumwa kulakasha moyo kucita shibiibi.

Isaya 40:2

Amuyumyeyumye bantu bangu. Mubaambile ayi bapenga paboneka. Ono shibiibi shabo shalekelelwa. Ncakwiila ndakabapa mulandu kweelana ashibiibi shabo shoonse.”

Isaya 57:18

Micito yabo ndakeebona, sombi ndaakubashilika. Ndaakubatanjilila akuboombulusha.

Isaya 6:7

Lyalo wakakumya mulomo wangu alikalangasha ilyo akwaamba ayi, “Bona, likalangasha ili lyakumya mulomo wako. Milandu yako yakushikwa pali ndiwe alimwi shibiibi shako shalekelelwa.”

Danyelo 9:24

“Myaaka ili 70 kufushikwa mankanda ali 7, nceciindi Lesa ncaapimina bene mishaanu andabala yanu isalalite kwaamba ayi bakaanguluke kuswa kushibiibi akububi. Shibiibi shilaakulekelelwa abululami butamaani bulaakulengeshekwa kwikalilila kwaamba ayi cili anga nciloto amakani a bulaluki shikacitike cancinencine ayalo Ŋanda yakwe Lesa ilaakusalashikwa alimwi.

Sekaliya 13:7

Mwaami Lesa Shinkusu shoonse waamba ayi, “Nyamuka, webo omupeeni ulwane mweembeshi wangu! Ee, umulwaane uyo unsebensela. Umucaaye, lyalo mbelele shitoopalangana. Nebo nemwiine ntoolwana bantu bangu.

Mateyo 20:28

Amube bweenka mbuli MwanaaMuntu utakwe kwisa mukusebenselwa, sombi mukusebensela bamwi alimwi akwaaba buumi bwakwe kwaamba ayi alubule bantu baanji.”

Bene Loma 4:25

Lesa wakabenga Jesu kwaamba ayi acaikwe ceebo ca shibiibi shesu alimwi wakamubusha kuswa kubafu kwaamba ayi atululamike pameenso akwe.

1 Bene Kolinto 15:3

Ceebo makani anene ngondakamuletela ngoaayo anebo ngondakapekwa. Makani ayo ngakwaamba ayi Klistu wakafwa ceebo ca shibiibi shesu bweenka bwaamba Malembo akwe Lesa.

2 Bene Kolinto 5:21

Klistu taakalinga kucite cibiibi, sombi Lesa wakabika shibiibi shesu pali nguwe kwaamba ayi swebo tube abululami bwakwe Lesa.

Bene Efeso 5:2

Shoonse nshemucita, shilyeelete kutondesha lusuno bweenka mbuli Klistu mbwaakatusuna. Wakaaba buumi bwakwe ceebo ca ndiswe akuba anga ncipo ca bweema bubotu alimwi anga ncipo ca munyama wakutenta cikondelesha pameenso akwe Lesa.

Dutolonomi 11:2

Amwiibaluke sunu nshemweeya paMwaami Lesa kwiinda mushintu nshemwakalinga kubona akucita. Ndimwe mwakashibona akushicita kuteshi bana banu. Mwakabona bunene bwa Mwaami Lesa, Lesa wanu, nkusu shakwe shiindaawo

Bene Ebulu 10:10

Ceebo Jesu Klistu wakacita ceeco Lesa ncaakalinga kusuni ayi acite, twakasalashikwa kwiinda mukubenga mubili wakwe linkanda lyomwibo ndondoli kwiimikanina bantu boonse.

Bene Ebulu 10:14

Kwiinda mukulibenga linkanda lyomwi, wakalengesha kwaamba ayi abo mbwaasalasha kuswa kushibiibi shabo, banoosalalitebo cancinencine lyoonse.

Bene Ebulu 5:8

Nakubi kwaamba ayi Jesu wakalinga Mwanaakwe Lesa, kwiinda mukupenshekwa kwakwe wakeeya kunyumfwila Lesa.

Bene Ebulu 9:28

Mbweeke ubo alakwe Klistu wakabengwa ayi acaikwe linkanda lyomwibo ndondoli kwaamba ayi shibiibi sha bantu baanji shilekelelwe. Ulaakuboneka lwabili, ono teshi akeshiite kulekelela shibiibi sha bantu, sombi ulaakwisa mukupulusha baabo batoomulindila.

1 Pita 3:18

Mukwiinga Klistu wakafwa linkanda lyomwibo kwaamba ayi Lesa alekelele shibiibi sha bantu boonse. Klistu lakwe uliluleme, ono wakafwita bataluleme kwaamba ayi babe beshicibusa bakwe Lesa. Wakacaikwa mumubili, sombi wakabushikwa mumushimu.