Isaya 53:4 - Baibo Busansulushi Bwa Libuku Ili

⁴ “Ncakwiila lakwe wakayumuna mapensho ayo akalinga kweelete ndiswe akunyumfwa buumba ubo bwakalinga kweelete kunyumfwa ndiswe. Nakubi boobo twakamuyeeyela ayi nguLesa wamucita boobo. Twakayeeya ayi nguLesa wamuuma akumupensha boobo.

Isaya 53:4 ပူးပေါင်းရင်းမြစ်များ

Kulumbaisha 69:26

ceebo balapensha baabo mbomwakapa mulandu, akwiilika mapensho pabaabo mbomwakacisa.

Kulumbaisha 69:27

Ono milandu yabo muyiilinkanye, alimwi mutakabalekeleliiwo mulandu nabi womwi.

Kulumbaisha 69:8

Pakati ka bakwesu ndaba anga ngumweensu, ee, anga ngumuswamashi pakati ka baabo mbondakashalwaabo lifumo lyomwi.

Isaya 53:10

Mwaami Lesa waamba ayi, “Sombi wakalinga ngumuyeeyo wangu neMwaami Lesa wakwaamba ayi alyatilililwe akumulengesha ayi apenge munshila iyo. Nebo neMwaami Lesa ndakacita boobo kwaamba ayi buumi bwakwe bube mulambu wakumana milandu. Nakubi boobo bamulunyungu lwakwe ulaakubabona alimwi ulaakwikala buumi bulaamfu. Kwiinda muli nguwe lusuno lwangu neMwaami Lesa lulaakuswitilila.

Bene Lefi 16:10

Ayalo mpongo yasalwa kuba yakwe Asaselo ilaakupekwa kuMwaami Lesa keeli yuumi, akwiitola muluyanga kuli Asaselo kwaamba ayi ikushe shibiibi sha bantu.

Sekaliya 13:7

Mwaami Lesa Shinkusu shoonse waamba ayi, “Nyamuka, webo omupeeni ulwane mweembeshi wangu! Ee, umulwaane uyo unsebensela. Umucaaye, lyalo mbelele shitoopalangana. Nebo nemwiine ntoolwana bantu bangu.

Mateyo 26:37

Mpeeke Jesu wakaya aPita alimwi abana bakwe Sebedi basankwa bobilo. Lyalo Jesu wakatalika kuba abuumba akulisukama mumoyo.

Mateyo 8:17

Wakacita sheeshi kweelana ambwaakaamba mulaluki mukulukulu Isaya ayi, “Lakwe wakakusha shicisa shesu shoonse akushilika malwashi esu.”

Joni 19:7

Mpeeke balo bakamukumbula ayi, “Tulicite mulawo alimwi kweelana amulawo uyo, uyu muntu ulyeelete kufwa ceebo walinga kulibanda ayi nguMwanaakwe Lesa.”

Bene Loma 4:25

Lesa wakabenga Jesu kwaamba ayi acaikwe ceebo ca shibiibi shesu alimwi wakamubusha kuswa kubafu kwaamba ayi atululamike pameenso akwe.

Bene Galatiya 3:13

Klistu wakatulubula kumashingo aswa muMilawo ndyaakashinganwa ceebo cesu mukwiinga Malembo akwe Lesa alaamba ayi, “Ulishinganishitwe woonse uyo upopwa pacisamu.”

Bene Ebulu 9:28

Mbweeke ubo alakwe Klistu wakabengwa ayi acaikwe linkanda lyomwibo ndondoli kwaamba ayi shibiibi sha bantu baanji shilekelelwe. Ulaakuboneka lwabili, ono teshi akeshiite kulekelela shibiibi sha bantu, sombi ulaakwisa mukupulusha baabo batoomulindila.

1 Pita 2:24

Klistu mwiine wakayumuna shibiibi shesu mumubili wakwe pamucilingano kwaamba ayi tuswe munkusu sha shibiibi akwikala lyoonse mubululami. Ceebo ca shilonda shakwe mwashilikwa.

1 Pita 3:18

Mukwiinga Klistu wakafwa linkanda lyomwibo kwaamba ayi Lesa alekelele shibiibi sha bantu boonse. Klistu lakwe uliluleme, ono wakafwita bataluleme kwaamba ayi babe beshicibusa bakwe Lesa. Wakacaikwa mumubili, sombi wakabushikwa mumushimu.

1 Joni 2:2

Lakwe ngomulambu Lesa mwaalekelelela shibiibi shesu alimwi teshibo sheesu sheenka, sombi ashibiibi sha bantu boonse.