Isaya 52:8 - Baibo Busansulushi Bwa Libuku Ili

⁸ Amukutike, beshikulindilila banu bayobela. Boonse batokoolobesha cakusangalala. Mwaami Lesa akuboola muSiyoni boonse balaakulibonena ameenso abo.

Isaya 52:8 ပူးပေါင်းရင်းမြစ်များ

Kulumbaisha 102:22

Ulaakulumbaishikwa bamumishobo abamumalelo baakubungana ayi balambile Mwaami Lesa.

Lwiimbo lwakwe Solomoni 3:3

Beshikulindilila ndabala bakambona ndibakalinga kuya ceendeenda mundabala. Mpeeke ndakabeepusha ayi, “Sa mwabonawo usunikwi wangu?”

Lwiimbo lwakwe Solomoni 5:7

Beshikulindilila ndabala bakambona ndibakalinga kuya ceendeenda mundabala. Bakanguma cakunjupoola mubili woonse. Bakabwesa cakufwala cangu ca peculu, ee, abo beshikulindilila lubumbu!

Isaya 24:14

Bantu beshi bakacaaleewo, balaakwiimba cakusangalala. Bakumbo balaakulumba bulemu bwa Mwaami Lesa.

Isaya 26:1

Pabushiku ubo bantu balaakwiimba lwiimbo ulu mucishi ca Juda ayi, “Tulicite ndabala inene iyumu, Lesa mwiine ngootabilila malinga a njiyo.

Isaya 27:2

Pabushiku ubo Mwaami Lesa ulaakwaamba ayi, “Amwiimbe lwiimbo lwa muunda wa minyansa ucata.

Isaya 30:26

Mweenshi ulaakubala anga ndisuba alyalo lisuba lilaakubala abuumbi akuba amumuni uli anga ngwa nshiku shosanwe ashobilo kuubika pantu pomwi. Ishi shoonse shilaakucitika Mwaami Lesa aakupombela tusani pashilonda sha bantu bakwe isho nshaakabacisa akushishilika.

Isaya 35:10

Abo Mwaami Lesa mbwaakalubula balaakuboolela akushika kuSiyoni kabeemba cakusangalala. Anu uko nkweshi bakanookala cakusangalala kwalyoonse alyoonse. Ee, balaakuba bantu bakondetwe alimwi basangalete kwalyoonsebo. Buumba alimwi amatongooshi shoonse shilaakumana.

Isaya 40:9

Mwebo nomuleta makani abotu muSiyoni, amutante peculu lya kalundu kalaamfu. Mwebo nomuleta makani abotu muJelusalemu, amwaambe cakoolobesha. Amoolobeshe, mutaloondi. Amulwiite ba mumandabala a Juda ayi, “Lesa wanu ngooyu!”

Isaya 48:20

Amuswe mundabala ya Babiloni, Amubashiiye bene Babiloni! Amwaambilishe cikani ici cakusangalala, ee, amucaambilishe. Amushibishe bantu boonse kuswa kweela cishi ankoceela ayi, “Mwaami Lesa wapulusha basebenshi bakwe bamulunyungu lwakwe Jakobo.”

Isaya 56:10

Beshikulindilila ba bene Isilaeli mboofu, ncakwiila tabacite lushibo. Boonse balibo anga mbakabwa batakuwi. Balo ncito koona akulota alimwi koona balikusuni abuumbi.

Isaya 58:1

Mwaami Lesa waamba ayi, “Olobesha cankusu alimwi cakutacileka. Amba muliswi lya peculu anga ndupeenga. Ambila bantu bangu shabwaashu bwabo ee, waambile bamulunyungu lwakwe Jakobo shibiibi shabo.

Isaya 62:6

Webo Jelusalemu, pamumbu shako ndabikaawo beshikulindilila. Teshi bakoomuneewo mashiku amalumwi. Mwebo nomwiibalusha Lesa pasheesho nshaakashomesha, amutolelele cakutookesha.

Jelemiya 31:12

Balaakwisa akoolobesha cakusangalala peculu lya tulundu twa Siyoni. Balaakukondwa ceebo ca coolwe ncaakabapa Mwaami Lesa, nkokwaamba ayi shili anga ngamaila, waini, mafuta a olifi, bana ba mbelele alimwi aba ŋombe. Balaakubabo anga ngumuunda utililwa kabotu alimwi teshi bakabewo tubili mubuumba.

Jelemiya 32:39

Kuswawaawo ndaakubapa cintu comwi cakucita mubuumi bwabo. Cintu ico nkundemeka ciindi coonse kwaamba ayi shintu shikabeendele kabotu, balo abamulunyungu lwabo.

Jelemiya 33:11

ciyobeyobe cakusangalala akukondwa kwabo aciyobeyobe cakusangalalila bwiinga. Lyalo mulaakunyumfwa bantu kabeemba pakunooleta shipo shakulumba kuŊanda yangu neLesa. Balaakunokwaamba ayi, ‘Amulumbe Mwaami Lesa, Shinkusu shoonse mukwiinga uli kabotu ee, mukwiinga lusuno lwakwe ndwamuyayaya.’ Ncakwiila ndaakulengesha cishi ici kuswitilila bweenka mbocakalinga kale kale. Nebo neMwaami Lesa ndaamba.”

Jelemiya 33:7

Ndaakuboosha bene Juda abene Isilaeli kuswa mubusha akubayaka alimwi bweenka mbuli mbobakalinga kale kale.

Jelemiya 6:17

“Ndakabika bantu beshikunoomulindilila akumwaambila ayi, ‘Kamunyumfwa kulila kwa lupeenga!’ Sombi mwebo mwakaamba ayi, ‘Teshi tukakutikeewo.’ ”

Esekelo 3:17

“Webo omuntu, ndaakubika kuba shikulindilila mushobo wa bene Isilaeli. Paceebo ceeco unoonyumfwa maswi ngweshi nokwaamba, awebo unooya mukubacenjesha kweelana amaswi angu.

Esekelo 33:7

“Webo omuntu, ndaakubika kuba shikulindilila mushobo wa bene Isilaeli. Paceebo ceeco unoonyumfwa maswi ngweshi nokwaamba, awebo unooya mukubacenjesha kweelana amaswi angu.

Sefaniya 3:9

“Ono ndaakusandula bwikaalo bwa bantu ba mumishobo imwi kwaamba ayi boonse bakanoopaila kuli ndime akunoosebenselabo ndime neenka camoyo womwi.

Sekaliya 12:8

Pabushiku ubo nebo neMwaami Lesa ndaakutabilila bantu bekala mundabala ya Jelusalemu kwaamba ayi abo batacite nkusu pakati kabo bakabebo ankusu bweenka mbuli Defedi. Abalo bamulunyungu lwakwe Defedi balaakunoobatanjililabo anga ngumunjelo wangu neMwaami Lesa, ee, anga ndime nemwiine neentoobatanjilila.

Milimo ya Batumwi 2:1

Bushiku bwa Pentekositi ndibwakashika, bashomi boonse bakalinga kubungene muŋanda yomwi.

Milimo ya Batumwi 4:32

Likoto lyoonse lya bashomi lyakalinga kucitebo moyo womwi amuyeeyo womwi. Tekwakalinga muntu wakalinga kwaamba ayi cintu ncaacite ncaakwe mwiine, sobwe, sombi lyoonse wakalinga kutola shoonse nshaacite kulikoto.

1 Bene Kolinto 1:10

Ono ndamusenga nobamakwesu muliina lya Mwaami wesu Jesu Klistu ayi kamusuminishana mushintu nshemwaamba, patabi kulipatula pakati kanu. Sombi munoonyumfwana camoyo womwi amuyeeyo womwi.

1 Bene Kolinto 13:12

Nshetubona bulya shintu shilyaanga nsheesho shiboneka mucilola. Sombi paciindi ico tulaakubonana meenso ameenso. Lushibo ndotucite talumaniniteewo, sombi paciindi ico lulaakumaninina bweenka Lesa nebo mbwaanshi cakumaninina.

Bene Ebulu 13:17

Amunyumfwile bamatanjilili banu kwiinda mukukonkela milasho yabo. Lyoonse balalama buumi bwanu cakutookesha mukwiinga balaakusansulwita Lesa mbuli mbobakasebensa milimo yabo. Na kamubanyumfwila, balaakusebensa milimo yabo iyo cakusangalala. Sombi na kamutabanyumfwili, balaakusebensa cabuumba, aboobo ici teshi cikamucafweewo, sobwe.

Ciyubululo 18:20

Sangalala webo oliculu mukwiinga ndabala inene yanyonyooka! Amusangalale mwebo nobashomi noonse, nobatumwi alimwi anobalaluki bakulukulu! Mukwiinga Lesa waipa mulandu ceebo ca sheesho nsheyakacita kuli ndimwe!

Ciyubululo 19:4

Bamaloba abo bali makumi obilo abone alimwi ashilengwa shuumi isho shili shone shakafukama akulambila Lesa ukala pacuuna ca bwaami. Bakaamba ayi, “Ameni! Aalumbaishikwe Lesa!”