Isaya 52:6 - Baibo Busansulushi Bwa Libuku Ili

⁶ Muciindi citoosa bantu bangu balaakwishiba ayi ndime Lesa. Ncakwiila pabushiku ubo balaakwishiba kwaamba ayi ndime ndakaambila limwi ayi ici cilaakucitika. Ee, ndime ndakacaamba, taaku aumwi.”

Isaya 52:6 ပူးပေါင်းရင်းမြစ်များ

Kulumbaisha 48:10

Ono bweenka liina lyanu mbolipukite, abalo bamulumbaisha mbobakumenebo cishi coonse ca panshi, mukwiinga lyaansa lyanu lyalulyo liliswitebo bululami.

Kulonga 3:13

Sombi Mose wakaambila Lesa ayi, “Ono na nkaye kubene Isilaeli akubaambila ayi, ‘Lesa wa bamashali banu bakulukulu wantuma kuli ndimwe,’ balo balaakunjipusha ayi, ‘Ino liina lyakwe ngani?’ Ono ndaakubalwiita ayinshi?”

Kulonga 33:19

Mwaami Lesa wakumbula ayi, “Ntoolengesha ayi bulemu bwangu boonse bwiinde panembo lyako, alimwi ntoobanda pameenso ako liina lyangu lisalalite ayi Mwaami Lesa. Nebo ndime Mwaami Lesa alimwi ndabonesha lulekelelo alimwi ankuumbu kubaabo mboonsuni.

Kulonga 6:3

Ndakaboneka kuli Abulaamu, Isaki alimwi aJakobo ayi ndime Lesa Shinkusu shoonse. Sombi nshikwe kuliyubulula kuli mbabo ayi banshiibe liina lyakwaamba ayi Mwaami Lesa.

Isaya 40:9

Mwebo nomuleta makani abotu muSiyoni, amutante peculu lya kalundu kalaamfu. Mwebo nomuleta makani abotu muJelusalemu, amwaambe cakoolobesha. Amoolobeshe, mutaloondi. Amulwiite ba mumandabala a Juda ayi, “Lesa wanu ngooyu!”

Isaya 42:9

Amubone, shoonse shakaambwa kucitika kale kale, shacitika cancinencine. Bulya ntoomulwiita shintu shimwi shipya kashitana kutalika kucitika.”

Isaya 49:23

Bamaami basankwa balaakuba anga mbobameeshiwanu. Abalo bamaami banakashi balaakuba anga mbobamanyinawanu. Ncakwiila balaakunoofukama kunembo lyanu cakushisha shiwa panshi. Balaakunoomyanguta alusuko kushimpanta shanu. Lyalo mulaakwishiba ayi nebo ncakwiila ndi Mwaami Lesa. Abo balangila lucafwo kuswa kuli ndime teshi bakalensekwewo nsoni.”

Isaya 60:16

Mishobo imwi abamaami balaakunookulama bweenka mushali mwanakashi bwaalama mwanaakwe. Lyalo ulaakwishiba kwaamba ayi Nebo, neMwaami Lesa, ndime Mupulushi wako. Ulaakwishiba ayi ndime nkufuna alimwi ayi ndi Lesa Shinkusu shoonse wa bamulunyungu lwakwe Jakobo.

Jelemiya 31:34

Taaku eshi akanokwiisha mubye nabi kwiisha mukwabo ayi eshibe ndime neMwaami Lesa mukwiinga boonse balaakushiba, kuswa kumuniini kushika akumunene. Ndaakulekelela bubi bwabo alimwi shibiibi shabo teshi nkashiibalukeewo. Nebo neMwaami Lesa ndaamba.”

Esekelo 20:44

Mulaakwishiba ayi anu ndi Mwaami Lesa ciindi ndaakumucitila shintu ceebo ca liina lyangu kuteshi kweelana anshila shanu shibiibi alimwi amicito yanu ibiibi, mwebo nobene Isilaeli. Nebo neMwaami Lesa Shinkusu shoonse ndaamba.’ ”

Shakubelenga 23:19

Lesa taabete anga mbantu abo babeshi. Taabete anga ngumuntu upilula miyeeyo yakwe. Coonse nceenga walasha, ulacicita alimwi na waamba, ncaamba cilacitwa.