Isaya 52:12 - Baibo Busansulushi Bwa Libuku Ili

¹² Sombi teshi mukasweemo cakwiingana nabi cakunoonyumfwite boowa ceebo Mwaami Lesa ngweshi akanooli kunembo lyanu. Mwaami Lesa eenka ngweshi akanoomutabilila kwisule.

Isaya 52:12 ပူးပေါင်းရင်းမြစ်များ

1 Makani 14:15

Na munyumfwebo coongo cakweenda kwa bashilumamba mwiculu lya shisamu isho, mweendeshe kulwana mukwiinga ingayi nebo neLesa ndatanjila kunembo lyanu kwaamba ayi nkome likoto lya bashilumamba bene Filisiti.”

Kulonga 12:11

Ono mbulya mbomweelete kwiilya. Mulyeelete kufwalila limwi mbuli shilweendo, nkwabilo kumyeendo alimwi ankooli mumaansaanu. Amukeelye mulubilo, mukwiinga nkusekelela kwa Pasika kwakwiibaluka kusotokela mukulemeka ndime neMwaami Lesa.

Kulonga 12:33

Mpomunyaawo bene Ijipiti bakasengesha bene Isilaeli ayi baswe mucishi cabo, kabaamba ayi, “Soonse tutoomana kufwa na mubule kuya.”

Kulonga 12:39

Lyalo bakapanga cimaande ca fulaulo ngobakakusha muIjipiti. Bakatandwaamo calubilo muIjipiti, aboobo bakabula ciindi cakubamba cakulya nabi kukanda fulaulo ucite cimena.

Kulonga 14:8

Mwaami Lesa wakalengesha ayi mwaami Falawo abe shicimpamya akukonkela bene Isilaeli abo bakalinga kuswa mucishi ca Ijipiti cakutaloonda.

Isaya 26:7

“NoBaami baLesa mulalengesha nshila ya baluleme kubula mankununkunu. NoMululeme mulalengesha nshila sha batacite tumpenda kubula mfumpu.

Isaya 28:16

Ono Mwaami Lesa Shinkusu shoonse waamba ayi, “Amubone ndabiika libwe muSiyoni, ncakwiila libwe liyumu abuumbi. Ndabiika libwe lya makwebo lya mulikonko lya ŋanda ayi libe lwiimbi lwiine lwiine. Muntu oonse weshi akashome muli ndilyo, teshi akalenshekwewo nsoni.

Isaya 42:16

“Ndaakutanjilila boofu munshila nshebatana kwiindaawo. Ndaakusandula munshinshe wabo kuba mumuni akubeelanishisha misena ya mankununkunu kunembo lyabo. Anu ishi nsheshintu nsheshi nkacite, teshi nkabalekelesheewo, sobwe.

Isaya 45:2

Ndaakutanjila kunembo lyako akukumwailako tulundulundu ayi peelane. Ndaakupwayoola shisasa sha bulonse sha kuminjililo akunyonyoola mingwala ya nshimbi ya kushisasa.

Isaya 49:10

Teshi bakanyumfweewo nsala nabi nyotwa. Lisuba nabi ceeselela ca muluyanga teshi cikabaciseewo mukwiinga balaakutanjililwa awooyo ubasuni. Ncakwiila ulaakubatola kutuntupu twa maanshi.

Isaya 49:11

“Tulundu toonse ndaakutumwayoola kwaamba ayi pakabe pakwiinda bantu bangu. Ncakwiila ndaakubabambila mikwakwa inene ayi beendeemo.

Isaya 51:14

Ncakwiila abo bali muntolongo balaakwaangululwa coonoonobo. Balaakwikala buumi bulaamfu alimwi teshi bakabulewo shakulya shiyandika.

Isaya 57:18

Micito yabo ndakeebona, sombi ndaakubashilika. Ndaakubatanjilila akuboombulusha.

Isaya 58:8

“Ncakwiila mwaakucita boobo coolwe canu cilaakubalabo anga nkumuyamaca. Kushilikwa kwanu kulaakufwambaana kuba. Mpeeke bululami bulaakunoomutanjilila akwalo kwisule lyanu kulaakunoobabo bulemu bwangu nebo neMwaami Lesa.

Mika 2:13

Lesa ngweshi akabacalwite nshila akubatanjilila kuswa mubusha. Balaakupasula mwinjililo akuswaamo umo. Mwaami wabo ulaakutaanguna kupula. Ee, Mwaami Lesa ngweshi akabe kunembo lyabo.

Shakubelenga 10:25

Akweelaako ngamakoto a mumukowa wakwe Dani akalinga kunyamuka akweendela pesule lya mbembela yabo. Bakalinga kuba beshikutabilila makoto amwi oonse kwisule. Mutanjilili wa bamumukowa uyu nguAyiyesa mwanaakwe Amishadayi.

Dutolonomi 16:3

Pakunoosekelela, tamweelete kulya shinkwa. Sombi kwanshiku shosanwe ashobilo, mulyeelete kunoolyabo cimaande, bweenka mbomwakacita pakuswa calubilo mucishi ca Ijipiti. Cimaande ico cilaakunokwiitwa ayi cimaande ca mapensho. Mukanoocilya kwaamba ayi mukanokwiibaluka bushiku ndimwakaswa mucishi ca mapensho ca Ijipiti kwa buumi bwanu boonse.

Dutolonomi 20:4

Mwaami Lesa, Lesa wanu utooya amwebo alimwi akulengesha ayi mubakoome.’

Joshuwa 4:11

Bantu ndibakamanabo kusubuka, bapailishi abo bakalinga kuyumwite Libokoshi lya Cipangano lya Mwaami Lesa, bakasubuka abalo, bantu boonse kababwene.

Joshuwa 6:9

Ono kunembo lya bapailishi bakalinga kulisha mapeenga kwakalinga bashilumamba bamwi, akwalo kwisule lya Libokoshi lya Cipangano kwakalinga bamwi. Paciindi coonse ico mapeenga akalinga kunyumfwika kulila.

Boomboloshi 4:14

Mpomunyaawo Debola wakaambila Balaki ayi, “Nyamuka, koya ceebo sunu mbobushiku Mwaami Lesa mbwaaba Sisela mumaansaako. Ncakwiila Mwaami Lesa utookutanjilila.” Aboobo Balaki wakakunkuluka kuswa paKalundu ka Tabo abashilumamba bakwe bali 10,000.