Isaya 51:9 - Baibo Busansulushi Bwa Libuku Ili

⁹ NoBaami baLesa, amunyamuke, amunyamuke! Amunyamuke mutupulushe alyaansa lyanu. Amunyamuke bweenka mbomwakalinga kucita kunshiku shakeenda, ee, bweenka mbomwakalinga kucita kuciindi ca mashalane akulukulu. Sa te ndimwe mwakatimboola Laabu shinshimwe ulya mutupanshapansha?

Isaya 51:9 ပူးပေါင်းရင်းမြစ်များ

Jobo 26:12

Wakootobeka lweenge munkusu shakwe akunyonyoola shinshimwe wiitwa ayi Laabu ceebo ca busongo bwakwe.

Jobo 9:13

Lesa na wakalala kale taabooli pesule. Lakwe ulalengesha abacafwi bakwe Laabu shinshimwe ulya kufukama mukumulemeka.

Kulumbaisha 21:13

Amulumbaishikwe mwebo noBaami baLesa ceebo ca nkusu shanu. Tunanokwiimba akushilumbaisha nkusu shanu.

Kulumbaisha 44:1

NobaLesa, twakalinyumfwila amatwi esu, bamashali besu bakulukulu bakatulwiita milimo njemwakacita munshiku shabo.

Kulumbaisha 44:2

Twakanyumfwa mbomwakatanda mishobo ya bakunsengwe mucishi, akukalikaamo bamashali besu bakulukulu mucishi cabo. Twakanyumfwa mbuli mbomwakaanisha mishobo imwi yoonse, akulengesha mushobo wa bantu banu kuswitilila.

Kulumbaisha 44:23

Amubuke noBaami baLesa! Ceebonshi mutoocita anga mulilete? Amulisakamune! Mutatoleleli kutufutatila.

Kulumbaisha 44:24

Anu mutoolishisilanshi kuswa kuli ndiswe? Mapensho amakatasho esu mutaaluubi.

Kulumbaisha 59:4

Kutaaku acilubo ncendakacita batoopilingana akunoolumbila kulwana. Amunyamuke ono, mwise muncaafwe akulibonena citoocitika!

Kulumbaisha 7:6

NoBaami baLesa, amunyamuke ono mubukali bwanu. Amubukile bukali bwa balwani bangu. Amunyamuke ono ayi muncaafwe, amoomboloshe cabululami.

Kulumbaisha 77:5

Ndakayeeya nshiku shakeenda. Ndakayeeya myaaka ya kalekale.

Kulumbaisha 78:65

Lyalo Lesa wakabuka anga ngumuntu walinga kulete, alimwi anga ngumuntu wakolwa waini ukali.

Kulumbaisha 87:4

Lesa ulaamba ayi, “Ndaakulemba Ijipiti, Babiloniya, Filisitiya, Taya aKushi, pakati ka mishobo ya baabo banyumfwila.” Lyalo cilaakwaambwa ayi, “Uyu wakashalilwa mundabala ya Siyoni.”

Kulumbaisha 89:10

Mwakalyatoola Laabu, shinshimwe wa mumaanshi ulya, bweenka bucitwa muntu utoofwa. Mwakapalanganya balwani banu alyaansa lyanu lyankusu.

Kulumbaisha 89:11

Liculu ndyanu ainshi ayalo njanu. Mwakalenga cishi ca panshi coonse asheesho shiliimo.

Kulumbaisha 93:1

Mwaami Lesa ngoolela ulifwete bwaami, ulifwete bwaami alimwi ulicite nkusu. Cishi ca panshi ciliimfwi mumusena womwi, aboobo tacitenkaani.

Kulonga 6:6

Paceebo ceeci lwiita bene Isilaeli ayi, ‘Nebo ndime Mwaami Lesa, alimwi ndaakumufuna akumwaangulula mubusha mbomubeteemo kubene Ijipiti. Ndaakutambika lyaansa lyangu lya nkusu pali mbabo mukubapa mulandu unene abuumbi. Mwebo ndaakumupulusha.

Isaya 27:1

Pabushiku ubo Mwaami Lesa ulaakusebensesha mupeeni wakwe wa nkusu alimwi ucaya, kupa mulandu Lefayatani, cisoka cilipeta cilya. Ee, kucaya shinshimwe wa mulweenge ulya.

Isaya 30:7

Ncakwiila balatolela cishi ca Ijipiti ico cicite lucafwo lutaaku mbolubete. Paceeco ceeco cishi ico ndakacitumba ayi, ‘Shinshimwe utacite meeno.’ ”

Isaya 51:17

Amubuke, Amubuke! Ee, amunyamuke mwebo nobene Jelusalemu! Mwebo mwakanwa munkomeshi ya bukali bwa Mwaami Lesa cakutabushiyaamo. Mwakanwa munkomeshi yabukali bwakwe iyo ilengesha bantu kutalantanta.

Isaya 51:5

Nebo ntoosa cakufwambaana ciindi cangu cakubapulusha cili pafwaafwi. Nebo nemwiine ndime eshi nkabe mwaami wa mishobo ya bantu boonse. Bantu bekala mushishi shakulaale batoolangila kwisa kwangu. Ndushinisho batoolindila ndime ayi mbapulushe.

Isaya 52:1

Amubuke, Amubuke! Amubuke nobamundabala inene ya Siyoni! Amube ankusu mbuli kataanshi. Amufwale shakufwala shanu sha bulemu, nobamundabala ya Jelusalemu, ndabala inene isalalite. Balya bakunsengwe batapalwitwe teshi bakenjilewo tubili mundabala yanu.

Isaya 52:10

Mwaami Lesa ulaakusebensesha nkusu shakwe shisalalite pakupulusha bantu bakwe. Bantu boonse pacishi ca panshi balaakushibona.

Isaya 53:1

Bantu bakakumbula ayi, “NoBaami baLesa, ngani wakashoma makani ngotwakashimikila? Ino nkusu shanu noBaami baLesa shakayubulwitwa baani?”

Isaya 62:8

Mwaami Lesa wakashomesha cakulumbila kucita cintu cimwi. Ulaakucicita kwiinda mulyaansa lyakwe lya nkusu. Wakashomesha ayi, “Teshi nkapewo tubili shili anga ngamaila shako kubalwani bako ayi shibe shakulya shabo. Alimwi teshi nkasuminishewo baswamashi kunwa waini upya uyo webo omwiine ngowakayuwila.

Esekelo 29:3

Umulwiite ayi nebo neMwaami Lesa Shinkusu shoonse ndaamba ayi, ‘Webo Falawo mwaami wa bene Ijipiti, nebo ntooyanda kukulwana, ee, kulwana ndiwe oshinshimwe ukala mumulonga wako. Ulaamba ayi Mulonga wa Nailo ngwaako alimwi ayi ndiwe wakoopanga omwiine.

Mika 7:15

Mwaami Lesa waamba ayi, “Ndaakucita shaankamiko bweenka mbondakalinga kucita ndimwakaswa muIjipiti.

Abakuku 2:19

Mapensho kuli ndimwe nomwaambila cisamu ayi, “Buka!” Nabi kwaambila libwe litayooyi ayi, “Nyamuka!” Sa cibumbwabumbwa inga camuyubulwitawo cintu cili coonse? Cilananikwa silifa agolodi, sombi tacicite buumi muli ncico.

Abakuku 3:13

Mwakesa mukufuna bantu banu, ee, akupulusha baabo mbomwakasala. Mwakapwayoola mutanjilili wa bamucita shibi akunyonyoola bantu bakwe boonse.

Sekaliya 10:11

Baakwiinda mulweenge lwa mapensho abo, maaba ayoosha alaakukomwa. Ndushinisho maanshi alaamfu amuMulonga wa Nailo alaakuyuma kushika apanshi peene. Kulisumpula kwa bene Asilya kulaakumanishikwa abwalo bweendeleshi bwa bene Ijipiti bulaakwiinda.

Sekaliya 2:13

Ono noonse amuumune kunembo lya Mwaami Lesa ceebo utooswa mumusena wakwe usalalite.

Luka 1:51

Lyaansa lyakwe lyacita shintu sha nkusu shikankamika. Wamwaya bantu bacite miyeeyo yakulisumpula mumyoyo yabo.

Joni 12:38

Ici cakacitika kweelana abwakaamba mulaluki mukulukulu Isaya ayi, “NoBaami baLesa, ngani wakashoma makani ngotwakashimikila? Anu nkusu shanu noBaami baLesa shakayubulwitwa baani?”

Milimo ya Batumwi 7:7

Sombi ndaakoombolosha akupa mulandu bantu abo mbweshi bakasebensele cabusha. Kuswawaawo balaakuswaamo mucishi ico alimwi balaakunambila mumusena uno.’

Dutolonomi 4:34

Sa kuliiwo lesa wakayeeyaawo kuya mukubwesa bantu kuswa pakati ka mushobo umwi akubaalula kuba bantu bakwe mbuli bwakamucita Mwaami Lesa, Lesa wanu muIjipiti? Mumeenso anu wakasebensesha nkusu shakwe shinene. Wakaletela bene Ijipiti myaalu ankoondo, wakacita shaankamiko ashitondesho sha nkusu sha kwiculu alimwi akulengesha shintu shiyoosha kucitika.

Ciyubululo 11:17

Bakaamba ayi, “Nkambo nobaLesa Beshinkusu shoonse, ndimwe muliiwo alimwi mweshi mukabeewo. Twamulumba mukwiinga mwasebensesha nkusu shanu shinene akutalika kweendelesha.

Ciyubululo 12:9

Lyalo shinshimwe uyu bakamuwaala panshi, njensoka ikulukulu ilya, iitwa ayi Mubiibi nabi Satana, uyo ucenjeeka bantu boonse mucishi ca panshi. Wakawaalwa panshi pantu pomwi abaanjelo bakwe boonse.

Boomboloshi 6:13

Mpeeke Gidyoni wakamukumbula ayi, “Nkambo, na Mwaami Lesa uli aswebo, ino ceebonshi mapensho aya oonse atootucitikila? Bamashali besu bakulukulu bakatwaambila ayi Mwaami Lesa wakacita shaankamiko ndyaakabakusha muIjipiti. Ino bulya shili kuli? Ncakwiila Mwaami Lesa watufutatila akutwaaba mumaansa a bene Midyani.”