Isaya 51:7 - Baibo Busansulushi Bwa Libuku Ili

⁷ “Ono Amukutike mwebo nomwishi shiluleme, mukutike mwebo nomweenda amilawo yangu mumyoyo yanu. Mutanooloonda na bantu banoomupensha akumucobola.

Isaya 51:7 ပူးပေါင်းရင်းမြစ်များ

Kulumbaisha 37:31

Muntu uyo ulalama milawo ya Mwaami Lesa mumoyo wakwe. Aboobo taakoonshi kupambuka kuswa munshila iluleme.

Kulumbaisha 40:8

NoBaami baLesa ndisunishi kucita kuyanda kwanu. Ee, milawo yanu moili mumoyo wangu.”

Isaya 25:8

Ncakwiila Mwaami Lesa, ee, Mwaami Lesa Shinkusu shoonse ulaakulobya lufu kwamuyayaya! Ulaakukunkumuna minsonshi mumeenso a muntu woonse akumukusha musebaanyo uyo bantu bakwe ngobakalingaawo mucishi. Mwaami Lesa waamba!

Isaya 33:22

Ceebo Mwaami Lesa ngomoomboloshi wesu, Mwaami Lesa eenka uyo ngooshikutupa milawo alimwi Mwaami Lesa ngweeke ngomwaami wesu. Ncakwiila ngweeke ngweshi akatupulushe.

Isaya 37:6

wakakumbula ayi, “Mwaambile mwaami wanu ayi Lesa waamba ayi, ‘Utaloondi ceebo ca maswi akuncobola ayo aleta beshinkombe ba mwaami wa bene Asilya.

Isaya 51:1

Mwaami Lesa waamba ayi, “Amukutike nsheshi ŋambe mwebo nomusuni kupulushikwa, ee, mwebo nomwisa kuli ndime ayi mucaafwe. Amuyeeye mwaandami ulya ngomwakaswaako, muyeeye cikaanda ca mabwe akuyakisha nkondakamukaba.

Isaya 54:4

“Utaloondi napaceyi, teshi ukalenshekwewo nsoni. Teshi ukasebaanishikwewo tubili. Ulaakuluba shintu shakakulengawo nsoni koocilibo cikula bwangu. Musebaanyo wa bumukalubinje uyo uli pali ndiwe ulaakumana.

Jelemiya 1:17

“Ono libambile! Nyamuka uye ubalwiite shoonse nsheshi nkulwiite. Utabaloondi, sobwe ceebo nebo inga ndakulengesha kuba aboowa pameenso abo.

Esekelo 2:6

“Ono webo omuntu, utabaloondi nabi kututuma kusheesho nshebaamba. Utaloondi nakubi kwaamba ayi shisonsoonya amyuumfwa shoonse shilikushingulukite alimwi bwikaalo bwako buli anga uli pakati ka ntalaŋongo. Utaloondi nshebaamba nabi kuloonda mbabo nakubi kwaamba ayi mbaashu.

Mateyo 10:28

Mutaloondi baabo bacayabo mubili, sombi tabacikoonshi kucaya muuya. Amuloonde Lesa ukonsha kucaya mubili amuuya woonse mumulilo utamaani.

Mateyo 5:11

“Mulicite coolwe na bantu kabamutukana, kabamupensha alimwi akumubekesha shikani shibiibi ceebo ca ndime.

Luka 6:22

“Mulicite coolwe nomutoopatwa kubantu, kusuulwa akutukanwa alimwi akwaambwa ayi muli babiibi ceebo ca MwanaaMuntu!

Milimo ya Batumwi 5:41

Batumwi ndibakaswa muboomboloshi, bakalinga kukondetwe abuumbi ceebo Lesa wakabona kwaamba ayi balyeelete kupenshekwa ceebo cakwe Jesu.

2 Bene Kolinto 3:3

Cilibwenekete patuba kwaamba ayi Klistu mwiine ngowakalemba nkalata iyi akwiituma kwiinda muli ndiswe. Tailembetwe ainki, sombi aMushimu wakwe Lesa muumi alimwi tailembetwe pamabwe, sombi pamyoyo ya bantu.

Dutolonomi 6:6

Kutaluba milawo iyi njeentoomupa sunu.

Bene Filipi 3:10

Ndisuni kwishiba Klistu ankusu shakubuka kwakwe kuswa kubafu, kukoshanyaakwe mumapensho akuba mbuli nguwe mulufu lwakwe.

Bene Filipi 3:8

Ncakwiila shintu shoonse ishi nshakusowabo tasheelani ampindu yakwishiba Klistu Jesu, Mwaami wangu. Ceebo ca nguwe shoonse ndashisowa. Ndayeeya ayi taaku mboshibete mukwaamba ayi ntambule Klistu

Bene Ebulu 10:16

“Mwaami Lesa wakaamba ayi ici ncecipangano nceshi nkapange ambabo munshiku shitoosa. Ndaakubika milawo yangu mumyoyo yabo alimwi akwiilemba mumiyeeyo yabo.”

1 Pita 4:14

Na mwacobolwa ceebo ca liina lyakwe Klistu, mulicite coolwe, mukwiinga cilabonesha ayi Mushimu wakwe Lesa wa bulemu uli muli ndimwe.

1 Pita 4:4

Ono bulya bakunsengwe balakankamana ndibabona kwaamba ayi tamutokala buumi bwakubisha pantu pomwi ambabo, nceceeco ncebatoomutukanina.