Isaya 51:19 - Baibo Busansulushi Bwa Libuku Ili

¹⁹ Mapensho aya esa camambili pali ndimwe. Anu ngani weenga wamuumbulushaako? Kunyonyooka kwamupolela, ncakwiila nsala ankoondo shenjila. Anu ngani weenga wamuumbulushaako?

Isaya 51:19 ပူးပေါင်းရင်းမြစ်များ

Jobo 2:11

Ono babye Jobo botatwe, Elifasi mwine Temani, Biludadi mwine Shuwa aSofa mwine Naama, ndibakanyumfwa mapensho oonse a mubyaabo, bakanyumfwana ayi baye bakamuumbulushe.

Jobo 42:11

Lyalo bamakwabo, bamanankashi shakwe abaabo mbaakalinga kunyumfwanaabo kalekale bakaya mukulita kuŋanda yakwe mukumuumbulusha akumusangalasha pamapensho ayo Mwaami Lesa ngaakaleta pali nguwe. Womwi awomwi wakamupa maali a silifa alimwi aninga ya golodi.

Kulumbaisha 69:20

Matushi apensha moyo wangu abuumbi alimwi ndi mubuumba. Ndakalinga kulangila kunyumfwilwa nkumbu, sombi napaceyuubo. Ndakalinga kulangila kuyuminishikwa, sombi nakuceyuubo.

Shikushimikila 4:1

Ndakalangilisha alimwi akubona kulyatililana kucitika pacishi ca panshi. Ndakabona minsonshi ya bantu balyatililwa, tebakalinga kucite abeshikuboombulusha. Ndakabona ayi nkusu shakalinga kubaabo bakalinga kubalyatilila. Ncakwiila tebakalinga kucite abeshikuboombulusha.

Isaya 14:30

Bakandu beelaako kubukandu balaakuba ashakulya. Ncakwiila bataaku mbobabete balaakwikala kwakubula cakulisukama. Sombi mwebo abamulunyungu lwanu ndaakumucaya kunsala. Taaku nabi womwi weshi akapuluke kunsala iyo.

Isaya 22:4

Paceebo ceeco ndaamba ayi, “Amundeeke ndile bene misheesu abo boonse bakanyonyoolwa. Mutangumushiiwo napaceyi.”

Isaya 47:9

Sombi buumba bwa mishobo yobilo bulaakumucata paciindi comwi alimwi mubushiku bomwi. Ee, buumba bwakufwitwa baana abwakuba mukalubinje. Shintu ishi shilaakukushikila cankusu nakubi kwaamba ayi ulicite shisoko abwaanga nshoosebensesha.

Isaya 54:11

Mwaami Lesa waamba ayi, “Webo Jelusalemu, ondabala ili mumapensho ayoosha alimwi ootacite shikukuumbulusha. Nebo ndaakuyakulula lwiimbi lwako amabwe abotu amakwebo.

Isaya 60:18

Mucishi cako teshi mukanyumfwikewo tubili shankondo abucayi. Cishi cako teshi cikanyonyoolwewo tubili. Ndaakunookufunabo anga ndilinga liyumu, paceebo ceeco ulaakunumbaisha ceebo ndakupulusha.

Isaya 61:2

Wantuma akwaambilisha ayi uno ngomwaaka uyo Lesa ngweshi apulushe bantu bakwe akuboosha cishole kwakwe Lesa. Wakantuma kwaamba ayi ngumbulushe bantu boonse batoolila.

Isaya 8:21

Ono bantu balaakwiingaila mucishi ca panshi kabatyongwete akufwa nsala. Muciindi ico balaakushingana mwaami wabo aLesa wabo ceebo ca nsala abukali. Balaakunoolanga kwiculu

Isaya 9:20

Kululyo balacana shakulya, sombi tabakuti. Kucipiko balacana shakulya, sombi balafwa nsala. Ono batoolya abana babo bakushala beene!

Jelemiya 15:5

Mwaami Lesa waamba ayi, “Mwebo nobene Jelusalemu, anu ngani weshi akamufwite nkumbu? Anu ngani weshi akamulilileeko? Anu ngani weshi akeemikanewo ciindi cilaamfu cakwiipusha mbomutoobuka?

Jelemiya 24:10

Ndaakubatumina nkondo, nsala amwaalu kushikila bakanyonyooke mucishi ico ncendakapa mbabo abamashali babo bakulukulu.”

Malilo 1:12

Itokoolobesha kumuntu woonse utokwiinda ayi, “Sa taaku ancemubwene mwebo noonse nomutokwiinda? Amucebuke taangunaansha mubone. Sa kuli wakapengawo kale mbondapenga nebo? Sa kuli wakabonawo kale mapensho mbuli aya andetela Mwaami Lesa mubushiku bwa bukali bwakwe buyoosha?

Malilo 1:9

Matombe a njiyo alibo patuba, sombi yalo teekwe kuyeeyawo shakunembo. Kuwa kwa njiyo kwakakankamanisha, alimwi tekwakalinga nabi womwi wakuyumbulusha. Lyalo yakalila ayi, “NoBaami baLesa, amubone mapensho angu ceebo balwani bangu bankoma.”

Malilo 3:47

Twapeenga kwiinda mumapensho, mukunyonyoolwa ee, kwiinda mushintu shicaya alimwi shiloondesha.”

Esekelo 14:15

“Nabi na ndatuma banyama bamuluundu mucishi ico mukucaya bantu boonse akucilengesha kubula wikalaamo alimwi awiindaamo ceebo ca banyama,

Esekelo 14:21

Mwaami Lesa Shinkusu shoonse waamba ayi, “Ino cilaakuba buyani ndaakutuma mapensho one eendaawo kubica pandabala ya Jelusalemu, nkokwaamba ayi ndaakutuma nkondo, nsala, banyama bamuluundu amwaalu kucaya bantu ba mumo alimwi ashifubwa shabo?

Amosi 7:2

Muciloto cangu ndakabona cisoshi kacilya shishango shoonse pacishi ca panshi. Lyalo nebo ndakoolobesha ayi, “NoBaami baLesa Beshinkusu shoonse, amulekelele bantu banu! Ino inga bapuluka buyani? Ncakwiila mbaniini alimwi tabacite nkusu!”

Naamu 3:7

Boonse beshi bakakuboone balaakukucica akwaamba ayi, ‘Ndabala ya Ninife yanyonyoolwa! Anu ngani weshi akeelileeko? Ngani weshi akasune kuyuumbulushaako?’ ”

2 Bene Kolinto 7:13

Nceceeco ncetwakayuminishikwa abuumbi. Kuteshibo boobo, sombi twakasangalala ceebo cakusangalala kwakwe Taitasi munshila mwebo noonse njimwakamutambwitaamo.