Isaya 51:15 - Baibo Busansulushi Bwa Libuku Ili

¹⁵ “Nebo ndime Mwaami Lesa wanu. Ndafundoola lweenge akulengesha ayi pali ndulo pabe maaba ayoosha. Nebo ndime Mwaami Lesa Shinkusu shoonse!

Isaya 51:15 ပူးပေါင်းရင်းမြစ်များ

Neyemiya 9:11

Mwakapansaanya lweenge kunembo lyabo kwaamba ayi beende akusubukila payumu. Sombi abo bakalinga kubakonkela mwakabalobya mumaanshi alaamfu bweenka libwe mbolipila mulweenge lulaamfu.

Jobo 26:12

Wakootobeka lweenge munkusu shakwe akunyonyoola shinshimwe wiitwa ayi Laabu ceebo ca busongo bwakwe.

Kulumbaisha 107:25

Wakaambabo liswi, lyalo cipuupu cinene cakatalika. Cipuupu ico cakanyamuna maaba palweenge.

Kulumbaisha 136:13

Wakapansaanya Lweenge Lusalala pakati, ee, mukwiinga lusuno lwakwe ndwamuyayaya.

Kulumbaisha 74:13

Ndimwe mwakapansaanya maanshi amulweenge ankusu shanu, akupwayoola mitwi ya cinyama ca mumaanshi.

Kulonga 6:7

Mpeeke mulaakuba bantu bangu, anebo ndaakuba Lesa wanu. Lyalo mulaakwishiba ayi ndime Mwaami Lesa, Lesa wanu na nkamwaangulule mubusha ubo mbomubeteemo mucishi ca Ijipiti.

Isaya 47:4

Usalalite wa bene Isilaeli ngoMupulushi wesu. Liina lyakwe nguMwaami Lesa Shinkusu shoonse.

Isaya 48:2

Nakubi boobo mulatwanga akwaamba ayi ndimwe beene ndabala inene isalalite alimwi ayi mulicinkite manungo muli Lesa wa bene Isilaeli, uyo wiitwa ayi Mwaami Lesa Shinkusu shoonse.

Isaya 51:10

Sa te ndimwe mwakayumya lweenge lulaamfu, ee, kuyumya maanshi alaamfu alya? Anu balya bakapanga nshila mulweenge lulaamfu kwaamba ayi balya bakalubulwa basubukile kwitala lya ndulo mbaani?

Isaya 54:5

Mukwiinga uyo wakakulenga ulaakuba anga ngoibayo. Ee, Mwaami Lesa Shinkusu shoonse Usalalite wa bene Isilaeli alimwi Mupulushi wako. Lakwe ngoLesa wa cishi ca panshi coonse.

Jelemiya 10:16

Lesa wa bamulunyungu lwakwe Jakobo taaeleneewo ambabo ceebo lakwe ngowakalenga shintu shoonse. Wakasala bene Isilaeli ayi babe bantu bakwe. Mwaami Lesa Shinkusu shoonse ndyeliina lyakwe.

Jelemiya 31:35

Mwaami Lesa wakalenga lisuba ayi kalipa mumuni malumwi. Wakalenga mweenshi anyenyeenshi ayi kashipa mumuni mashiku. Lakwe ulafundoola lweenge akulengesha maaba kuyooma. Liina lyakwe nguMwaami Lesa Shinkusu shoonse. Mwaami Lesa uyo waamba ayi,

Jelemiya 51:5

Nebo neMwaami Lesa Shinkusu shoonse nshikwe kusuulaawo bene Isilaeli abene Juda nakubi kwaamba ayi cishi cabo ciliswitebo milandu kunembo lyangu neUsalalite wa bene Isilaeli.

Bene Lefi 11:44

Nebo ndime Mwaami Lesa, Lesa wanu, aboobo mulyeelete kunoosalalite, mukwiinga nebo ndisalalite.