Isaya 51:10 - Baibo Busansulushi Bwa Libuku Ili

¹⁰ Sa te ndimwe mwakayumya lweenge lulaamfu, ee, kuyumya maanshi alaamfu alya? Anu balya bakapanga nshila mulweenge lulaamfu kwaamba ayi balya bakalubulwa basubukile kwitala lya ndulo mbaani?

Isaya 51:10 ပူးပေါင်းရင်းမြစ်များ

Kulumbaisha 106:10

Wakabafuna kuswa mumaansa a baabo babapatite, ee, wakabalubula kuswa kumaansa a balwani babo.

Kulumbaisha 106:9

Wakaambila Lweenge Lusalala ayi luyume, mpeeke lwakayuma nta. Wabatanjilila mulweenge ulo pamumpwampwa uyuminite anga muluyanga.

Kulumbaisha 74:13

Ndimwe mwakapansaanya maanshi amulweenge ankusu shanu, akupwayoola mitwi ya cinyama ca mumaanshi.

Kulumbaisha 77:19

Nshila yanu yakeenda mumaanshi, mukwakwa wanu wakapula pakati ka Lweenge, nakubi kwaamba ayi momwakalyata tamukwe kuboneka.

Kulonga 14:29

Sombi bene Isilaeli bakasubuka lweenge kabeenda payumubo nta, amaanshi kaaimikenebo mweela anga ndubumbu lwa ŋanda.

Kulonga 15:13

Nomushomeka pacipangano canu, mwakatanjilila bantu mbomwakafuna. Kwiinda munkusu shanu mwakabatanjilila kuya kucishi canu cisalalite.

Isaya 11:15

Mwaami Lesa ulaakuyumya maanshi pakusubukila lweenge lwa bene Ijipiti. Lyaansa lyakwe lilaakwiinsha muuwo ulungula paMulonga wa Yufuletisi. Ulaakupasoolamo tulonga tosanwe atobilo kwaamba ayi bantu bakanoosubukabo payumu nta.

Isaya 11:16

Kulaakuba mukwakwa unene wakwiindaamo bene Isilaeli abo beshi bakacaaleewo pakuswa muAsilya bweenka mbokwakaba mukwakwa unene ndibakalinga kuswa mucishi ca Ijipiti.

Isaya 35:10

Abo Mwaami Lesa mbwaakalubula balaakuboolela akushika kuSiyoni kabeemba cakusangalala. Anu uko nkweshi bakanookala cakusangalala kwalyoonse alyoonse. Ee, balaakuba bantu bakondetwe alimwi basangalete kwalyoonsebo. Buumba alimwi amatongooshi shoonse shilaakumana.

Isaya 35:8

Lyalo kulaakuba mukwakwa. Mukwakwa uyo ulaakutumbwa ayi, “Mukwakwa wa Basalalite.” Bamucita shibi teshi bakeendeemo umo, sobwe. Ulaakuba wa baabo beelete kweendaamo beenka. Nabibo mashilu a bantu teshi akeendeemo umo.

Isaya 35:9

Mumukwakwa uyo teshi mukabeewo nkalamu. Taaku banyama bamwi bakali baluma beshi bakeende nshila iyo. Sombi mukwakwa uyo ngwa baabobo bakalubulwa.

Isaya 42:15

Aboobo ndaakunyonyoola tulundu tunene atuniini akuyumya shintu shoonse shimeneteewo. Milonga ndaakwiisandula kuba nsumbu alimwi akuyumya mashiba.

Isaya 43:16

Ncakwiila Mwaami Lesa uyo wakapanga nshila mulweenge, ee, kupanga nshila mumaanshi ayoosha.

Isaya 50:2

“Anu ndindakesa kwakabulilanshi nabi womwi wakalingaako? Ceebonshi taaku nabi womwi wakakumbula ndindakeeta? Sa nceebo cakwaamba ayi lyaansa lyangu lyalela uko kwaamba ayi mupulushe? Sa nceebo cakwaamba ayi nshicite nkusu shakumupulusha? Amubone, nebo ndaambabo liswi, lweenge lwamana kuyuma. Ndaambabo liswi milonga ilamana kuyuma cakubabo anga nduyanga. Inswi shilamana kufwa akuboolabo nununu ceebo cakubula maanshi.

Isaya 62:12

Bantu bakwe balaakunokwiitwa ayi, “Bantu basalalite, Bakalubulwa ba Mwaami Lesa.” Lyalo webo Jelusalemu ulaakunokwiitwa ayi, “Uyo Wakayandoolwa.” Teshi ukeetwewo tubili ayi, “Ndabala yakacaala cisuukila.”

Isaya 63:9

Mapensho abo oonse alakwe wakapengaako. Ono munjelo uswa kuli nguwe nguwakabapulusha. Wakabapulusha ceebo ca lusuno lwakwe lutamaani. Wakabanyamuna akubayumuna mwiine kwa nshiku shoonse shikulukulu.

Mika 7:15

Mwaami Lesa waamba ayi, “Ndaakucita shaankamiko bweenka mbondakalinga kucita ndimwakaswa muIjipiti.

Sekaliya 10:11

Baakwiinda mulweenge lwa mapensho abo, maaba ayoosha alaakukomwa. Ndushinisho maanshi alaamfu amuMulonga wa Nailo alaakuyuma kushika apanshi peene. Kulisumpula kwa bene Asilya kulaakumanishikwa abwalo bweendeleshi bwa bene Ijipiti bulaakwiinda.