Isaya 50:2 - Baibo Busansulushi Bwa Libuku Ili

² “Anu ndindakesa kwakabulilanshi nabi womwi wakalingaako? Ceebonshi taaku nabi womwi wakakumbula ndindakeeta? Sa nceebo cakwaamba ayi lyaansa lyangu lyalela uko kwaamba ayi mupulushe? Sa nceebo cakwaamba ayi nshicite nkusu shakumupulusha? Amubone, nebo ndaambabo liswi, lweenge lwamana kuyuma. Ndaambabo liswi milonga ilamana kuyuma cakubabo anga nduyanga. Inswi shilamana kufwa akuboolabo nununu ceebo cakubula maanshi.

Isaya 50:2 ပူးပေါင်းရင်းမြစ်များ

Matalikilo 18:14

Sa kuliiwo ciyumu kuMwaami Lesa? Ono bweenka mbondaambaawo kale ayi ndaakwisa kuli ndiwe paciindi ceelete mwakali alimwi Saala ulaakushala mwaana musankwa.”

2 Makani 32:15

Ono mutaleeki Esekiya kwaamba ayi amubeece akumucenjeeka munshila iyi. Mutasumini nshaatokwaamba mukwiinga taaku lesa wa cishi cili coonse nabi bulelo buli buyani wakakonsha kupulusha bantu bakwe kuswa mumaansaangu nabi mumaansa a bamashali bangu bakulukulu. Anu ncakwiila lesa wanu uyo taakoonshi kumupulusha!’ ”

Kulumbaisha 106:9

Wakaambila Lweenge Lusalala ayi luyume, mpeeke lwakayuma nta. Wabatanjilila mulweenge ulo pamumpwampwa uyuminite anga muluyanga.

Kulumbaisha 107:33

Mwaami Lesa wakasandula milonga kuba luyanga. Wakasandula tuntupu twa maanshi kuba nshi iyumu nta.

Kulonga 14:21

Mpeeke Mose wakatandabika lyaansa lyakwe palweenge, alakwe Mwaami Lesa wakapansaanya maanshi kwiinda mumuuwo wakapupa kuswa kwicwe. Muuwo uyo wakapupa mashiku oonse, lyalo palweenge pakaboolabo nta. Maanshi akapansaana.

Kulonga 14:29

Sombi bene Isilaeli bakasubuka lweenge kabeenda payumubo nta, amaanshi kaaimikenebo mweela anga ndubumbu lwa ŋanda.

Kulonga 7:18

Inswi shoonse shitoofwa alimwi mumulonga munanoonunka cakwaamba ayi bene Ijipiti teshi banonwamo maanshi.’ ”

Kulonga 7:21

Inswi shoonse mumulonga shakafwa, alimwi shakalinga kununka cibiibi cakwaamba ayi bene Ijipiti bakaalilwa kunwaamo. Mucishi coonse ca Ijipiti mwakababo bulowa.

Tushimpi 1:24

Ndindakamwiita mwakankakila. Taaku muntu nabi womwi wakanyumfwila ndindakamulabula.

Isaya 11:15

Mwaami Lesa ulaakuyumya maanshi pakusubukila lweenge lwa bene Ijipiti. Lyaansa lyakwe lilaakwiinsha muuwo ulungula paMulonga wa Yufuletisi. Ulaakupasoolamo tulonga tosanwe atobilo kwaamba ayi bantu bakanoosubukabo payumu nta.

Isaya 19:5

Mulonga wa Nailo ulaakuyuminina, ee, mwiinda maanshi mulaakuyumabo nta.

Isaya 23:11

Mwaami Lesa watandabika lyaansa lyakwe palweenge akulengesha malelo kututuma. Waamba ayi shiyubilo sha bene Kenani shinyonyoolwe.

Isaya 36:20

Ngani pabalesa ba mushishi ishi bakakonsha kufuna cishi cabo kuswa kumwaami wesu? Ono nciinshi ncemutooyeeyela ayi Mwaami Lesa inga wafuna Jelusalemu?”

Isaya 41:28

Sombi ndyeenanga pakati ka balesa abo, taaku nabi womwi weenga waambawo pacikani ico. Nabi ndeepusha taaku nabi womwi ukonsha kunkumbula.

Isaya 42:15

Aboobo ndaakunyonyoola tulundu tunene atuniini akuyumya shintu shoonse shimeneteewo. Milonga ndaakwiisandula kuba nsumbu alimwi akuyumya mashiba.

Isaya 43:16

Ncakwiila Mwaami Lesa uyo wakapanga nshila mulweenge, ee, kupanga nshila mumaanshi ayoosha.

Isaya 44:27

Ndime neŋambilabo liswi kulweenge ayi, ‘Yuma!’ alwalo lulayuma peenka apo.

Isaya 51:10

Sa te ndimwe mwakayumya lweenge lulaamfu, ee, kuyumya maanshi alaamfu alya? Anu balya bakapanga nshila mulweenge lulaamfu kwaamba ayi balya bakalubulwa basubukile kwitala lya ndulo mbaani?

Isaya 54:6

Mwebo nobene Isilaeli, Mwaami Lesa ulaakumwiita alimwi. Mwebo muli anga ngumwanakashi wakalinga washiikwa alimwi mubuumba bunene, ee, mwanakashi wakeebwa kaacilibo mwanike sombi wakakwa akushiikwa.” Lesa wanu waamba.

Isaya 59:1

Mutayeeyi kwaamba ayi Mwaami Lesa taacite nkusu shakumupulusha, alimwi ayi matwi akwe alishinkite, inga taanyumfwi, sobwe.

Isaya 59:16

Wakabona kwaamba ayi tepakalinga nabi womwi wakalinga kukonsha kucitaawo cimwi cintu pacikani ico. Aboobo wakayeeyabo ayi abapulushe lakwe mwiine ankusu shakwe. Mukucita boobo wakatanjisha bululami bwakwe.

Isaya 63:13

Uli kuli wakabatanjilila panshi lya lweenge payumu?” Bakeendawobo anga ndiaki litokwiinda muliwesa. Ncakwiila bakeenda cakutalisuntulaawo napaceyuubo.

Isaya 64:6

Soonse twalinga kubisha kuswabo kale kale. Nabi micito yesu ibotu ilibo anga ncakufwala cishipite citoonunka. Twanyana kushibiibi shesu cakuba anga nditewu alimwi shibiibi shesu nshemunya shitootuululusha anga ncipuupu.

Isaya 65:12

malwesa anu nkufwa lufu lubiibi. Ncakwiila mulaakumana kufwa kunkondo mukwiinga ndindakeeta tamukwe kukumbula, alimwi ndakaamba, sombi tamukwe kunkutika. Mwakacita bubi mumeenso angu mukusala kucita shitasangalashi ndime.”

Isaya 66:4

Paceebo ceeco ndaakubaletela mapensho Ndaakubaletela shintu sheenka nshebaloonda mukwiinga ndindakeeta, taaku wakakumbula. Ndindakamwaambila tamukwe kukutika. Bakacita bubi pameenso angu. Ee, bakasala kucita shintu shitankoondi.”

Jelemiya 14:9

Mwabetanshi anga ngumuntu wapolomokelwabo cintu, nabi anga ngushilumamba wabula nkusu shakufuna? NoBaami baLesa muli pakati kesu alimwi tuli bantu banu. Mutatufutatili twamusenga.’ ”

Jelemiya 35:14

Bamulunyungu lwakwe Jonadabu bakanyumfwila mulawo wakwe wakutanwa waini. Ncakwiila abobulya taaku uunwaawo. Nebo ndalinga kumupa milawo yangu, sombi mwebo tamukwe kunyumfwilaawo.

Jelemiya 35:15

Ono nebo ndicitekobo kumutumina basebenshi bangu balaluki. Boonse abo bakalinga kumulwiita ayi muleke nshila shanu shibiibi amicito yanu ibiibi. Bakamucenjesha ayi mucileeke kulambila akusebensela balesa bamwi kwaamba ayi mukatolelele kwikala mucishi ico ncendakamupa mwebo alimwi abamashali banu bakulukulu. Sombi mwebo tamukwe kunyumfwila nabi kubikako maano kusheesho nshendakaamba.

Jelemiya 5:1

“Amwiindaane mumikwakwa ya muJelusalemu. Mucenceente akubona. Mulangoole mumansa sha njiyo. Na mucane muntu nabi womwi ushomeka alimwi uyandoola lushinisho, ngayi ntoolekelela ndabala ya Jelusalemu.

Jelemiya 7:13

Ndimwakalinga kucita shintu shoonse ishi, nakubi kwaamba ayi ndakamwaambilaawo pashintu isho mankanda aanji aanji, tamukwe kukutika. Ndakamwiita, sombi tamukwe kukumbula.

Jelemiya 7:27

“Ono webo Jelemiya, nabi ubalwiite shoonse ishi, teshi bakakutikeewo. Ulaakubeeta, sombi teshi bakakumbuleewo.

Jelemiya 8:6

Ndakakutikisha, sombi mwebo tamukwe kwaambawo lushinisho. Taaku usanduka kuswa kububi bwakwe akwiipusha ayi, ‘Nciinshi ncendalubisha?’ Womwi awomwi ulatolelela munshila shakwe anga ndiaki litoocicila nkondo.

Danyelo 3:15

Ono bulya na mukanyumfwe mapeenga, pesule mukanyumfwe mitoolilo, tunkobele, tulumbu tunene atuniini alimwi akulila kwa shakulisha shimwi shoonse, mukafukame akulambila cibumbwabumbwa. Ono na mukabule kucita boobo, ciindi ceenka ico mulaakuwaalwa mumunyumbi mutoonyaka mulilo uyoosha. Sa mutooyeeya ayi kuli lesa weshi akamupulushe kuswa mumaansaangu?”

Danyelo 3:29

“Ono bulya ndabika mulawo wakwaamba ayi muntu wa mushobo uli woonse, cikanda ca mushobo uli woonse nabi wa mumulaka uli woonse weshi akanyanshe Lesa wakwe Shadileki, Mishaki alimwi awakwe Abedinego, ulaakucaikwa mukutimbulwa shipimpitapimpita. Ayalo ŋanda yakwe ilaakupwayoolwa cakubabo matongo. Ncakwiila taaku lesa nabi womwi weenga wafuna bobulya.”

Danyelo 6:20

Ndyaakashika wakeeta Danyelo campwampwa moyo ayi, “Danyelo omusebenshi wakwe Lesa muumi, sa Lesa uyo ngoosebensela cakushomeka wakonsha kukupulusha kunkalamu?”

Danyelo 6:27

Ulafuna akupulusha, ulacita shitondesho sha nkusu sha kwiculu ashaankamiko kwiculu alimwi apacishi ca panshi. Wakapulusha Danyelo kuswa kumilomo ya nkalamu.”

Osiya 11:2

Sombi bweenka mankanda ngondakalinga kumwiita mbwaakalinga kuya cifula, mbweeke ubo alakwe mbwaakalinga kuya citalamuka kuswa kuli ndime. Bantu bangu bene Isilaeli bakalinga kubenga milambu kuli Baali akutenta tununkila kabotu kushibumbwabumbwa.

Osiya 11:7

Bantu bangu balishinishite kumfutatila. Paceebo ceeco balaakulila ceebo ca lijoko lili panshingo shabo, sombi taaku muntu weshi akabaangululeko lijoko ilyo.

Naamu 1:4

Ulakalalila lweenge alwalo lulayuma, ee, ulalengesha milonga yoonse kuyuma. Myuunda ya kuBashani aya kuKamelo ilayuma aalo maluba a kuLebanoni alanyana.

Abakuku 3:8

NoBaami baLesa, sa njiimilonga yakamukalasha? Sa ndweenge lwakamulengesha kukalala? Ncakwiila mwebo mwakeendela mumakumbi, likumbi lya mfula lyakaba ncecikoci canu ndimwakalengesha bantu banu kukoma.

Shakubelenga 11:23

Alakwe Mwaami Lesa wakeepusha ayi, “Sa nkusu shangu nebo shileela? Onoonobo utoobona na nceendaamba citoocitika nabi sobwe!”

Maako 4:39

Jesu wakabuka akukalalila cipuupu amaaba ayi, “Umuna! Cileke kupuupa!” Muuwo wakacileka kupuupa, lyalo kwakaboolabo tontolo.

Joni 1:11

Wakesa mucishi cine mishaabo, sombi bene mishaabo baanji tabakwe kumutambula.

Joni 3:19

Bupingushi mboobu, mumuni wakesa mucishi, sombi bantu bakasuna munshinshe kwiinda mumuni mukwiinga micito yabo njibiibi.

Joshuwa 3:16

maanshi ayo akeemikana kukunka. Lyalo akalundanabo kulaale mundabala iitwa ayi Adamu, iyo ibambene aSaletani. Maanshi akacileka kukunka kuLweenge lwa Mwiinyo. Paceebo ceeci bantu bakasubuka pafwaafwi andabala ya Jeliko.