Isaya 50:11 - Baibo Busansulushi Bwa Libuku Ili

¹¹ Sombi mwebo noonse nomukunka mililo akulinyanshila shimunimweenge kamweenda mumumuni wa mililo yanu awa shimunimweenge nshemwakalinyanshila. Mwaami Lesa ulaakulengesha mapensho kumucitikila, ncakwiila mulaakuba mumapensho ayoosha.

Isaya 50:11 ပူးပေါင်းရင်းမြစ်များ

Kulumbaisha 16:4

Ono abo baya bulambila balesa bamwi, balalifushishabo mapensho beene. Nebo nshikoonshi kubengaabo mulambu wa bulowa, alimwi nshikoonshi kulambila balesa babo.

Kulumbaisha 32:10

Bantu babiibi balyeelete kupenga, sombi abo bacinkite manungo muMwaami Lesa balaakunoofunwa ceebo ca lusuno lwakwe lutamaani.

Tushimpi 26:18

Bweenka mushilu mbwaawaala shishiki sha mulilo nabi mifwi iyoosha

Isaya 55:2

Ceebonshi mulasebensesha maali pashintu shiteshi cakulya? Ceebonshi mulasebensela cintu ceenga tacimukutishiiwo? Amukutike, ee, amukutike kuli ndime mulye shibotu. Ncakwiila amukutike mulisangalashe ashakulya shibotu.

Isaya 8:22

akulanga panshi cakushilika, sombi balaakunoobwenebo mapensho amunshinshe ushiya mbi. Ono mweenka umo mweshi bakashindikilwe.

Isaya 9:18

Bubi bulanyaka anga ngumulilo, ee, mulilo ukonsha kutenta myuumfwa ashisonsoonya. Ncakwiila bulanyaka anga ngumulilo uli muluundu lunene, ee, mulilo usukumya bwiishi buunji.

Jelemiya 17:4

Kubisha kulaakumulengesha kunyaikwa cishi ico ncendakamupa. Ndaakumulengesha kuba basha kubalwani banu mucishi ico ncemuteshi ceebo cakwaamba ayi mwanyansha mulilo wa bukali bwangu alimwi ulaakunoonyakabo kwalyoonse alyoonse.”

Esekelo 20:39

“Nebo neMwaami Lesa Shinkusu shoonse ndaamba ayi, ‘Mwebo nobene Isilaeli noonse, kamuya mukasebensele shibumbwabumbwa shanu! Sombi pesule mulaakunyumfwila alimwi teshi mukacobolewo tubili liina lyangu lisalalite mukupa shipo kushibumbwabumbwa shanu.

Amosi 4:10

“Ndakatuma myaalu pakati kanu bweenka mbondakatumina bene Ijipiti. Ndakacaya bacikula bwangu banu basankwa kunkondo pantu pomwi amaaki ayo ngomwakasaala. Ndakalengesha keema kabiibi ka mituntu mumisumba yanu. Sombi mwebo tamukwe kusandukilawo kuli ndime. Nebo neMwaami Lesa ndaamba.

Amosi 4:9

“Kwashiindi shiinji mumyuunda yanu imwi aya minyansa ndakeeletela muuwo ulungula akuyumya shishango. Cisoshi cakalya shisamu shanu sha nkuyu asha maolifi. Sombi mwebo tamukwe kusandukilawo kuli ndime. Nebo neMwaami Lesa ndaamba.

Jona 2:8

“Abo balambila shibumbwabumbwa shitacite ncito, baleendwa nkumbu sheelete kuba shinebo.

Abakuku 2:13

Mwaami Lesa Shinkusu shoonse washinisha kwaamba ayi kusebensa kwa bantu kuli anga ninkuni shakusonselesha mulilo, ncakwiila bantu ba mishobo yoonse balilemyabo cakubula mpindu.

Mateyo 22:13

Lyalo mwaami wakaambila basebenshi bakwe ayi, ‘Amumwaange kumaansa akumyeendo, mumuwaale pansengwe kumunshinshe. Uko nkweshi anoolila akulumanya meeno.’ ”

Mateyo 8:12

Sombi abo boonse bakalinga kweelete kuba muBweene bwa kwiculu balaakuwaalwa pansengwe kumunshinshe uko nkweshi bakanoolila akulumanya meeno.”

Joni 8:24

Ncendamulwiitila ayi, ‘Mulaakufwabo mushibiibi shanu.’ Na mubule kushoma ayi ndime wooyo ngoontoolyaamba, ncakwiila mulaakufwabo mushibiibi shanu.”

Joni 9:39

Lyalo Jesu wakaamba ayi, “Ndakesa pacishi ca panshi mukoombolosha ayi abo boofu babone, abaabo babona bapofole.”

Bene Loma 10:3

Tabeshi nshila iyo Lesa njaalulamikilamo bantu pameenso akwe. Bakeelesha kupanga nshila yabo beene. Paceebo ceeco tabakwe kusumina nshila yakwe Lesa iyo njaalulamikilamo bantu.

Jemusi 3:6

Awalo mulaka uli anga ngumulilo. Uli anga ncishi ca bubi pakati ka shipansha shoonse sha mubili. Mulaka uyu ulalengesha mubili woonse abwikaalo bwa muntu kubica. Mulilo wa nguwo ulaswa kuli Satana kumusena wa bafu.

Ciyubululo 19:20

Munyama uyo wakacatwa pantu pomwi amulaluki mubeshi uyo wakalinga kucita shaankamiko ceebo ca nguwe. Kwiinda mushaankamiko nshemunya ishi, wakacenjeeka bantu abo bakalinga kucite keshibilo ka munyama alimwi abaabo balambila cibumbwabumbwa cakwe. Mpeeke munyama uyo alimwi amulaluki mubeshi, bakawaalwa mulweenge lwa mulilo uyo unyaka asalufa, kabalasha.

Ciyubululo 20:15

Uyo woonse utakwe kulembwa liina mulibuku lya boomi, wakawaalwa mulweenge lwa mulilo.