Isaya 5:8 - Baibo Busansulushi Bwa Libuku Ili

⁸ Mapensho kuli baabo batoonungilako maanda kumaandaabo akunungilako myuunda kumyuunda yabo. Ee, cakwaamba ayi musena woonse wamana, mpeeke mukekale nweenka mucishi umo.

Isaya 5:8 ပူးပေါင်းရင်းမြစ်များ

Jobo 15:28

ulaakunookala mumandabala akanyonyoolwa mumaanda a baabo bakacica akuloboka. Aalo maanda ayo alaakunyonyoolwa munkondo.

Jobo 20:21

Wakalinga kulya buboni bwakwe cakumaninisha. Aboobo buboni bwakwe boonse bwamana cakufwambaana.

Tushimpi 15:27

Uyo ubilila mukutashomeka ulaletela bamuŋanda yakwe mapensho, sombi uyo ukaka makulo, ulaakuba abuumi.

Esekelo 11:15

“Webo omuntu, bantu bali muJelusalemu batokwaamba pali ndiwe abene Isilaelinyoko abo bali mubusha pantu pomwi awebo. Batokwaamba ayi, ‘Bantu abo bali kulaale abuumbi kwaamba ayi balambile Mwaami Lesa. Anu cishi cino Mwaami Lesa watupa ayi ncesubo sweenka.’

Esekelo 33:24

“Webo omuntu, bantu bekala mumatongo mucishi ca bene Isilaeli batokwaamba ayi, ‘Abulaamu wakalingabo eenka, nakubi boobo cishi ici cakalinga caakwe coonse. Ono swebo tuli baanji aboobo bulya cishi ici ncesu.’

Amosi 1:13

Mwaami Lesa waamba ayi, “Bene Amoni bakalinga kubisha lyobilo lyobilo, aboobo ndushinisho ndaakubapa mulandu. Mukulwanina kukomenesha cishi cabo, bakalinga kupasula banakashi bakalinga kucite mafumo bene Gilyadi.

Mika 2:1

Mapensho kuli baabo beshikuyeeya shibiibi, abaabo bapinga kucita shibiibi nabi kabalete! Na bwaca macuunsa balacita shibiibi nshebayeeya mukwiinga balakonsha kushicita.

Mika 2:2

Ncakwiila na balisuni myuunda baleebwesa, na balisuni maanda balaabwesa. Balabwesa ŋanda ya muntu mukumwiinda kumaano akubwesa buboni bwakwe mbwaakapyana munshila njemunya.

Abakuku 2:6

Kuswawaawo abo batolwa busha balaakuseka baabo babatola ayi, “Mapensho kuli ndimwe nomubwesa buboni buteshi bwaanu akulilengesha kubila kwiinda mukukakatisha bantu kulipila nkongole shakubabekesha. Ino ishi shilaakutola ciindi cilaamfu buyani?”

Mateyo 23:13

“Mapensho kuli ndimwe nobafundishi ba Milawo abaFalisi, mwebo nomwaamba nshemutaciti! Mulacalila bantu mulyango wa muBweene bwa kwiculu. Mwebo nobeene tamusuni kwinjila alimwi mulakasha baabo basuni. [